Detaje të reja kanë dalë në dritë nga vrasja e Pjerin Xhuvanit në Elbasan, ngjarje e ndodhur më 21 prill të vitit 2021 pak ditë para zgjedhjeve parlamentare. Tre ekspertët e caktuar për zbardhjen e plotë të dinamikës së rastit kanë dalë në përfundimin se viktima Pjerin Xhuvani, ka pasur pranë vetes një person të armatosur që ka qëlluar i pari me armë zjarri. Sipas ekspertëve, nisur nga gëzhojat e gjetura në vendngjarje, provohet se ka pasur të shtëna me armë nga persona të tjerë përveç Arbër Paplekjat, i cili është dënuar me 22 vite burg korrikun e kaluar për rastin në fjalë.

Sipas ekspertëve, nga kamerat e sigurisë duket se Arbër Peplekaj tërhiqet në momentin që dy grupimet nisin të konfliktohen fizikisht duke marrë pozicion mbrojtjeje, kjo për shkak se ka identifikuar persona te armatosur nga grupi tjetër. Nga hetimet e deritanishme ekspertët gjithashtu kanë përjashtuar mundësinë se viktima (Xhuvani) të ishte i armatosur

“Nga reagimi i të pandehurit që tërhiqet besojmë se ka identifikuar qitësa. Nga gëzhojat që kemi gjetur në vendngjarje, patjetër që Pjerin Xhuvani ka pasur në krah një qitës, jo më larg se 1-2 metra. Në rrobet e Xhuvanit janë gjetur shenja baruti por jo në duar. Kjo çon ekspertizën në përfundimin se ai nuk ka patur armë. Shenjat janë nga arma e qitësit pranë” mësohet të kenë thënë ekspertët.

Sakaq mësohet se konkluzionet e palëve do të jepen më 24 Maj.

Dy rekrutues të vrasësve me pagesë për llogari të një trafikanti ndërkombëtar droge po gjykohen në Holandë. Hetimi 26Ëoltz sillet rreth një depoje të gjerë armësh, sulmesh dhe përpjekjes për të vrarë Cor P. në Republikën Domenikane. I arratisuri P. u qëllua në janar 2022. Ai u godit katërmbëdhjetë herë, por i mbijetoi sulmit. Prokuroria Publike sheh pas gjithë kësaj një organizim profesional me dy “ndërmjetës”, Krystian M. 28 vjec dhe 24-vjeçarin Carlos van der S. Ata menaxhonin ekzekutorë që quheshin “ushtarë”

Krystian M. dyshohet gjithashtu se ka qenë ndërmjetësues në vrasjen e Peter R. de Vries. Ai dyshohet se e organizoi atë vrasje me udhëzimet e Ridouan Taghit.

Mbi Van der S. do të ishte Jaouad F., krahu i djathtë i supozuar i Ridouan Taghi. Nuk ishte e qartë në seancën e së hënës pse Cor P. duhej të vdiste. P. kishte ikur nga Holanda gjatë një rasti vrasjeje. Pas sulmit ai u burgos përsëri. Ai tani ndodhet në një qeli të sigurisë së lartë në pritje të apelit në atë rast në të cilin Prokuroria Publike kërkoi dënim të përjetshëm kundër tij.

Një nga viktimat e tjera të supozuara të grupit të Van der S. ishte një shqiptar që dyshohet se vodhi kokainë nga Taghi, tha një nga prokurorët. Të dyshuarit nuk kanë folur për klientët të hënën. “Unë gjithashtu dua të kem një të ardhme,” u përgjigj Van der S.. Thuhet se ai ka rekrutuar fqinjin e tij në Amersfoort si “ushtar” ose ekzekutor. “Nuk duhet t’i trembësh njerëzit”, i shkruan ai këtij “ushtari”.

Në hetimin 26Ëoltz, shtatë të dyshuar tashmë janë dënuar me burgim me një maksimum prej dhjetë vjet e dy muaj. Çështja penale vazhdon.

Gjykata e Shkodrës ka lënë në masën e sigurisë “arrest me burg” Erdgys Arrazin, i cili akuzohet për shkaktim të vetëvrasjes së bashkëshortes së tij, Alma Arrizi (Bushati) dhe tre fëmijëve të tyre të mitur, të cilët u mbytën disa ditë më parë në lumin Bunë. Arrazi është shfaqur në sallën e gjyqit në një gjendje të rënduar psikologjike, ndërsa nuk ka folur shumë.

“Në këto momente nuk mund të flas sepse nuk jam në gjendje emocionale. Jam dakord me deklarimet e avokatit dhe mund të flas në një moment më të vonë.” – mësohet se kanë qenë fjalët e tij para togave të zeza.

Ndërkohë avokati mbrojtës, Blerim Bazhdari kërkoi në seancën për masën e sigurisë lirimin e shtetasit Erdgys Arrazi pasi nuk ka asnjë provë që vërteton dhunën në familje që pretendon policia dhe prokuroria apo edhe motra e viktimës.

Pala mbrojtëse paraqiti një prej recetave mjekësore të Alma Arrazit që sipas avokatit vërteton se 39-vjeçarja vuante nga probleme të shëndetit mendor. Receta është lëshuar nga mjeku Gjon Preçi me firmën dhe vulën e tij.

Ndërkohë avokati Bazhdari i ka komunikuar pak përpara seancës shtetasit Erdgys Arrazi gjetjen e trupit të fëmijës së tretë, djalit të vogël 3 vjeçar, informacion i cili e ka rënduar psikologjikisht 31-vjeçarin.

Pala mbrojtëse tha se nuk ka asnjë provë se Erdgys Arrazi është shkaktar i vetëvrasjes të 39-vjeçares ndërsa tha se ndalimi është i paligjshëm dhe se klienti i tij duhet që të lirohet sepse nuk ka asnjë provë nga policia apo prokuroria.

Avokati mbrojtës sqaroi edhe lidhjen e pretenduar të Erdgys Arrazit duke thënë se edhe nëse ka patur kjo nuk përbën një vepër penale. Pala mbrojtëse hodhi poshtë çdo pretendim mbi dhunën psikologjike që pretendon policia dhe prokuroria dhe se për këtë mungojnë provat.

Sipas tij, Erdgys Arrazi është një prind që është kujdesur për familjen e tij dhe se ka patur një marrëdhënie normale me bashkëshorten, e cila kreu aktin e rëndë të vetëvrasjes dhe mbytjes së 3 fëmijëve.

Nga hetimet e deritanishme dyshohet se Alma Arrazi është hedhur nga ura e lumit të Bunës mbrëmjen e 2 majit bashkë me tre fëmijët e saj. Në kamerat e sigurisë, 39-vjeçarja është parë se para vetëflijimit, ka pirë kafe me kunatën, me të cilët është ndarë qetësisht.

Një ditë më pas, më 3 maj, Erdgys Arrazi ka denoncuar në polici largimin nga banesa të gruas me fëmijët. Por, kur një peshkatar i zonës gjeti të pajetë trupin e 9-vjeçares Ergesa, ai u kthye në të dyshuarin kryesor për shkaktin e vetëvrasjes së bashkëshortes dhe tre fëmijëve të tij.

Nga familja e Almës, motra e saj, u ka thënë hetuesve se Erdgys Arrazi ushtronte dhune fizike e psikologjike ndaj 39-vjeçares e fëmijëve dhe vetëflijimi dyshohet se është pasojë e dhunës në familje. Dyshohet se Erdgys Arrazi e tradhëtonte bashkëshorten e tij, për të cilën Alma kishte marrë dijeni. Madje pretendohet se Erdgysi e nxirrte live të dashurën e tij në celular, dhe ia tregonte vajzës 9-vjeçe, Ergesës.

Prokuroria e Shkodrës ka sekuestruar celularin e Erdgys Arrazit, ku janë vërtetuar ofendimet dhe dhuna e tij ndaj bashkëshortes, po ashtu edhe lidhja jashtëmartesore që kishte.

Ai e ofendonte dhe i thoshte të ndaheshin dhe fëmijët t’i mbante ai. “Ajo pa fëmijët nuk kishte më jetë“, tregon Genta.

Një herë kur motra iku nga shtëpia ai i mori rrobat e saj, i mblodhi në oborr dhe i dogji. Në sallon kishin një fotografi familjare të cilën ai e mori dhe e shkeli me këmbë në oborr duke i prishur fytyrën motrës, tha ajo.

Sipas saj, e motra kishte gjetur fakte në telefon se i shoqi kishte marrëdhënie me një vajze 18-vjeçare me të cilën shëtiste hapur në qytet madje shpesh e takonte dhe me të birin 3 vjeç, për të cilat ajo kishte foto.

Motra i kishte thënë se jetonte në shtëpi me shpresën se dashuria për vajzën e re do t’i zbehej dhe do kthehej në familje por kjo nuk ndodhi.

Çdo ditë po bëhej edhe më keq dhe kohët e fundit ai nuk po kujdesej më për familjen pasi të ardhurat nga biznesi i shpenzonte me vajzën e re me te cilën ishte lidhur.

Ditën e ngjarjes tregon Genta e cila ka treguar faktet e dhunës në polici, motra ka pirë kafe me kunatën (nusen e vëllait të burrit) dhe kur kanë dalë nga lokali ka parë të shoqin në një makinë me te dashurën.

Aty i ka thënë asaj të kthehet në shtëpi sepse ajo do të shkojë në Tiranë tek i vëllai dhe ka kryer aktin ekstrem.

Dëshmi të reja janë zbardhur në lidhje me ngjarjen e rëndë që tronditi Shkodrën dhe mbarë vendin nga vendimi tragjik i nënës për tu hedhur me tre fëmijët e saj në lumin Buna. Ndërkohë është zbardhur dëshmia tronditëse e babait të Alma Arrëzit, nëna e cila i dha fund tragjikisht jetës duke u hedhur nga ura e lumit Buna së bashku me tre fëmijët.

Teksa rrëfente mbi jetën e trishtë që kishte e bija, babai i Alma Bushati Arrëzi, Azem Bushati, sjell në vëmendje edhe detaje tronëditëse dhe prekëse“Sa e zgjuar ishte vajza ime. Puuuu sa e zgjuar. Veç ta kishe njohur… Por pati një fat të keq, shumë të keq”, shprehet ai.

Duke e përshkruar dhe treguar se përse kishte fat të keq, Azemi, nuk ngurron të tregojë edhe ato se çfarë kishte mësuar nga bëmat e brenda 4 mureve ku jetonte e Alma së bashku me bashkëshortin dhe fëmijët e mitur.

“Vajza ishte larguar shumë herë nga ajo shtëpi. Unë e kam përkrahur, duke i thënë ik, nuk të do, lëre. Vazhdo jetën tënde. Por nuk ma dëgjoi fjalën se e donte shumë. Edhe mentaliteti. Nuk donte ta linte se më thoshte që nuk jemi nga ato familje ne. S’jemi mësuar lër një e merr një tjetër. Se histori të tilla nuk përfundojnë mirë”, theksoi ai.

Largime të tilla dhe mënyra se si Ergys Arrëzi e trajtonte, kanë shkaktuar padiskutim edhe trauma tek të vegjlit.

“Aq e trembur ishte vajza e madhe, saqë edhe ku e ëma shkonte në tualet, i rrinte pas derës, nga frika se mos i ikte. Kur dilte e ëma e shikonte në sy (ja kështu, në kokërr të syrit). Sikur i lutej që mos ik më. Ishte shumë  e lidhur vajza e madhe me të ëmën. Booooo çfarë kanë parë ata fëmijë. Shpirti nuk më del rehat. Kam zemrën e operuar dy herë. Nuk ka kuptim më jeta ime,” tha ai.

Pas kërkimeve të zhvilluara në lumin e Bunës është gjetur edhe trupi i fëmijës së dytë të pajetë. Mësohet se trupi i pajetë është i vajzës së dytë. Autoritetet dyshojnë se nëna dhe 3 fëmijët e saj janë hedhur pikërisht nga ura e Bunës në lumë. Kjo bindje ka ardhur pas pamjeve të marra nga kamerat e sigurisë së një biznesi që kanë fokusuar nënën dhe tre fëmijët e saj të mitur disa ditë më parë, në një orar pas dreke.

Nga ana tjetër, policia nuk ka një orë se kur mund të ketë ndodhur ngjarja, por mendohet se akti i rëndë ka ndodhur në mbrëmje.  Lidhur me ngjarjen, mësohet se kërkimet kanë nisur edhe në Malin e Zi. Vajza 9-vjeçare, Ergesa Arrazi, u gjet e pajetë në lumin Buna pasi dyshohet se u hodh në lumë bashkë me nënën dhe dy fëmijët e tjerë. Vogëlushja u përcoll sot për në banesën fundit ndërsa vijon kërkimi për nënën dhe vëllain e saj 3-vjeçar.