Connect with us

Bota

Nga bukuritë natyrore, te çmimet/ Media e huaj reklamë për Shqipërinë

hqipëria po përgatitet të presë një fluks të madh turistësh këtë vit, të tërhequr nga riviera e bregdetare 450 km dhe plazhet mahnitëse. Numri i turistëve në Shqipëri pritet të shkojë në 10 milionë këtë vit, pasi vizitorët po zgjedhin plazhet mahnitëse të kombinuara me kosto të ulëta.Trendi ka qenë i dukshëm që nga fillimi i pranverës dhe agjencitë e udhëtimit presin që vizitorët të arrijnë shifra rekord. Kreu i Shoqatës së Operatorëve Turistik në Sarandë, Arben Cipa, ka vënë re një rritje të ndjeshme, por edhe një shumëllojshmëri të vizitorëve.

“Unë mendoj se këtë vit ne mund të arrijmë edhe 200 përqind të klientelës në krahasim me vitin e kaluar.”Flora Xhamani Baba, CEO e Travel Magazine Balkan, tha gjithashtu se ka pasur një rritje të qëndrueshme.“Ka një rritje progresive prej rreth 20-30 për qind çdo vit. Pra, numri i turistëve është 30 për qind më i lartë çdo vit dhe padyshim që këtë vit do të jetë edhe më i madh”, tha ai për EuroNeës.

Pse po vizitohet kaq shumë Shqipëria?

Turistët tërhiqen nga bukuria natyrore e Shqipërisë, çmimet e përballueshme dhe natyra mikpritëse e shqiptarëve. Kostoja mesatare e shërbimeve të plota në hotel për një ditë qëndrimi varion nga 30 deri në 300 euro dhe për këto arsye turistët që vizitojnë Shqipërinë thonë se ka gjasa të kthehen sërish.“Kemi ushqim të mirë këtu, koha është e mirë, deti është i bukur, gjithçka është e  bukur. Për ne është vërtet e lirë dhe jo shumë e mbushur me njerëz”, tha një turist holandez.Turistët e tjerë  gjithashtu janë dakord.“Ajo që më pëlqen më shumë në Shqipëri janë njerëzit”, tha një turist gjerman. “Njerëzit janë vërtet shumë të mirë. Kudo që shkojmë njerëzit ndalojnë dhe pyesin nëse kemi nevojë për ndihmë.”

Një tjetër e përshkroi atë si një vend vërtet të bukur. Kur u pyetën nëse do të ktheheshin, ata u përgjigjën: “Do të kthehem shumë herë”.Shqipëria kishte 7.5 milionë turistë në vitin 2022, por Instituti i Statistikave të Shqipërisë raporton se nga janari në prill ka pasur 3.54 milionë vizitorë, që tregon një rritje prej 35%.Ministria e Turizmit, në parashikimet e saj për vitin 2023, thekson se synimi është të presë rreth 10 milionë turistë.

Bota

Pushuesi gjen 1 milion dollarë kokainë në plazh

Një plazhist në Florida Keys zbuloi një pako të dyshimtë përgjatë vijës bregdetare. Pushuesi lajmëroi autoritetet, duke çuar në gjetjen e 29.5 kg kokainë me një vlerë të vlerësuar prej rreth 1 milion dollarë.

Agjentët e Patrullës Kufitare të SHBA, në bashkëpunim me Zyrën e Sherifit të Qarkut Monroe, iu përgjigjën vendit të ngjarjes dhe morën me sukses pakon, e cila u gjet përgjatë plazhit. Është e paqartë se në cilin vend të Florida Keys u gjet kokaina.

Patrulla Kufitare e Shteteve të Bashkuara publikoi imazhe që tregojnë drogën e mbështjellë në një qese plastike, të siguruar me litarë. Gjetjet e kokainës po ndodhin me frekuencë në rritje përgjatë bregdetit të Floridës. Për shembull, në gusht të vitit të kaluar, kryebashkiaku i Tampës, Jane Castor, gjeti 32 kilogramë kokainë gjatë pushimeve në Florida Keys. Një tjetër zbulim i rëndësishëm u bë në tetor, në brigjet e plazhit Daytona në Volusia County, ku autoritetet gjetën mbi 30 kilogramë kokainë.

Continue Reading

Bota

“Bombat u përdorën për të vrarë civilë”, Biden paralajmëron Izraelin: Do ndalojmë furnizimin me armë

Presidenti i Shteteve të Bashkuara, Joe Biden, paralajmëroi Izraelin se SHBA-ja do t’i ndalojë furnizimet me disa armë, nëse ai nis operacion të madh tokësor në qytetin Rafah të Gazës.

“Nëse ata hyjnë në Rafah, unë nuk do t’i furnizoj me armët që janë përdorur historikisht për t’u marrë me Rafahun”, tha Biden gjatë një interviste për rrjetin televiziv, CNN.

Ai shtoi se “do të vazhdojë të angazhohet që Izraeli të jetë i sigurt”. Por, pavarësisht kundërshtimit të fortë të SHBA-së, Izraeli duket se është gati për ta pushtuar në shkallë të plotë Rafahun.

Ai beson se në këtë qytet strehohen mijëra luftëtarë të grupit islamik palestinez, Hamas, i shpallur terrorist nga SHBA-ja dhe fuqi të tjera.

Lufta mes Izraelit dhe Hamasit ka nisur shtatë muaj më parë, pasi Hamasi ka sulmuar fillimisht tokën izraelite, duke vrarë mbi 1.200 persona.

Në ofensivën hakmarrëse të Izraelit në Gazë, e cila vazhdon ende, janë vrarë afro 35.000 njerëz, sipas autoriteteve në enklavë.

Ushtria e Izraelit thotë se fitorja kundër Hamasit është e pamundur pa e marrë kontrollin e qytetit Rafah. Por, zyrtarët amerikanë paralajmërojnë se operacioni në këtë qytet – ku popullsia është shtuar me refugjatë nga pjesë të tjera të Gazës – mund të çojë në numër të madh të viktimave civile.

“Ne nuk do ta furnizojmë [Izraelin] me armë dhe predha artilerie nëse sulmon Rafahun”, tha Biden në intervistën që u transmetua të mërkurën.

Ai tha se SHBA-ja nuk e përkufizon situatën aktuale në Rafah si operacion tokësor.

“Ata nuk kanë shkuar në qendrat e popullsisë. Janë pikërisht në kufi”, tha ai.

“Por, unë ia kam bërë të qartë [kryeministrit izraelit, Benjamin Netanyahu] dhe kabinetit të luftës, se ata nuk do ta kenë mbështetjen tonë, nëse futen në këto qendra të popullsisë”, tha presidenti amerikan.

Biden pranoi se armët amerikane janë përdorur nga Izraeli për të vrarë civilë në Gazë.

I pyetur nëse Izraeli ka kaluar “vijën e kuqe”, ai u përgjigj: “Jo, ende”.

Continue Reading

Bota

Avokati amerikan qëllohet për vdekje nga klienti i nevrikosur për porosinë në McDonalds (fotot)

Një avokat është qëlluar për vdekje nga një klient i zemëruar për porosinë e tij në një fast-food McDonald’s, pasi tentoi ta qetësonte burrin që po ofendonte stafin, njoftonte policia vendase.

Në ngjarjen e rende në qytetin amerikan të Houston, 46-vjeçari i identifikuar nga familjarët si Jeffrey Limmer, ishte përpjekur të ndërhynte kur klienti përkonte paratë e tij mbrapsht nga punonjësi i McDonalds në autostradën West Interstate 10 në fundjavë.

Por sipas raprotimeve, në vend që të qetësohej, klienti nisi polemikat me Limmer që më pas u kthyen përleshje fizike. Kur më pas ata kishin dalë jashtë në parking, Limmer raportohet se kishte shtyrë përtokë burrin, i cili kishte marrë armën nga makina e tij dhe e kishte qëlluar për vdekje.

Policia tha se Limmer u gjet i vdekur në vendngjarje dhe se oficerët nuk kishin bërë asnjë arrestim pasi autori i dyshuar ishte larguar.

“Xhef gjithmonë ndërhynte për më të dobëtin, donte të bënte gjënë e duhur”, tha për mediat motra e tij Jennifer Thomas.

Limmer jetonte pranë dyqanit ku humbi jetën dhe punonte si avokat me kompaninë Lewis Brisbois në Houston.

Thomas shtoi se nuk çuditej që i vëllai kishte ndërhyrë për t qetësuar burrin e vrau, i cili mbetet në arrati.

Familjarët thonin se shpresonin që ai të kapet dhe të dalë para drejtësisë.

Continue Reading

Bota

Ngjarje e tmerrshme/ Shënjë hakmarrje ndaj bashkëshorti, nëna vret djalin 3 vjeçar më pas dhe veten

Një ngjarje e rëndë ka ndodhur në San Antonio të Teksasit, ku një grua në shenjë hakmarrjeje ndaj bashkëshortit ka vrarë djalin 3-vjeçar dhe me pas veten.

Savannah Kriger 32 vjeç ka detyruar djalin e saj Kaiden 3 vjeç, t’i thotë lamtumirë babait dhe e vret dhe më pas qëllon edhe veten.

Nënë dhe bir u raportuan të zhdukur të hënën pasi ajo u largua nga puna herët për ta marrë atë nga çerdhja për një takim me një mjek.

Ata u gjetën të vdekur herët në mëngjes të martën, 19 orë më vonë, në një kanal kullues në San Antonio, Teksas , me plagë nga armë zjarri. Kriger duhej të përballej me ish-bashkëshortin e saj Brian Kriger në një seancë dëgjimore për paraburgimin po atë ditë.

Hetuesit mblodhën së bashku orët e fundit të Kriger-it të gjallë, ndërsa ajo shkatërroi dy shtëpi në një sulm me armë, mori djalin e saj dhe u shpreh e gëzuar në telefon që ai nuk do ta shihte më.

Continue Reading

Bota

Dërgimi i trupave të NATO-s në Ukrainë/ Egërsohet Rusia: Përbën një rrezik të madh

Rusia tha se dërgimi i trupave të NATO-s në Ukrainë potencialisht do të përbënte një rrezik të madh, duke shtuar se Moska po vëzhgon me kujdes një peticion ukrainas për një ndërhyrje të tillë.

Peticioni, i publikuar në ueb-faqen e presidentit të Ukrainës, thuhet se Ukraina duhet t’i kërkojë Shteteve të Bashkuara, Britanisë dhe shteteve të tjera që të dërgojnë trupa për ta ndihmuar Kievin që të zmbrapsë pushtimin rus.

“Regjimi i Kievit është shumë i paparashikueshëm”, tha zëdhënësi i Kremlinit, Dmitry Peskov, kur u pyet për këtë çështje gjatë një konference për media më 8 maj.

“Ne vazhdimisht e kemi thënë se një ndërhyrje e drejtpërdrejtë në terren në këtë konflikt nga ushtritë e shteteve të NATO-s bart një rrezik të madh potencial. Prandaj, ne e konsiderojmë këtë si një provokim të madh dhe sigurisht po e vëzhgojmë situatën me shumë kujdes”, shtoi ai.

Është e paqartë nëse peticioni do të mbledhë votat e nevojshme – 25.000 – që kërkon në mënyrë që presidenti ukrainas, Volodymyr Zelensky, ta miratojë apo refuzojë. Deri mëngjesit e 8 majit, këtë peticion e kanë nënshkruar 1.594 persona.

NATO e ka mbështetur Ukrainën në luftë, duke i ofruar armë të fuqishme, përfshirë tanke dhe raketa me rreze të gjatë veprimi, por nuk ka ndërhyrë drejtpërdrejtë me trupa, diçka që presidenti amerikan, Joe Biden, dhe ai rus, Vladimir Putin, kanë paralajmëruar se do të çonte në një Luftë të Tretë Botërore.

Presidenti i Francës, Emmanuel Macron, ka thënë se dërgimi i trupave perëndimore në Ukrainë “do të ishte legjitim” nëse Rusia do të kalonte vijat ukrainase të frontit dhe nëse Kievi do të kërkonte një gjë të tillë.

Zëdhënësja e Ministrisë së Jashtme ruse, Maria Zakharova, tha më 8 maj se Rusia do të shënjestronte trupat franceze nëse ato do të dërgoheshin në Ukrainë, shtet që po përballet me pushtimin që Moska nisi më 2022.

Continue Reading
Advertisement

TRENDING