“Nuk jemi afër qeverisë teknike”/ Bushati: Rama është i dalë boje, por nuk ka shenja që po shpërbëhet!

Analisti Andi Bushati, deklaroi se pavarësisht skandaleve të qeverisë dhe faktit që “Ramës i ka dalë boja dhe është i korruptuar”, nuk ka ndonjë shenjë se qeveri e tij është e rrezikuar.

“Ne nuk jemi as afër rrëzimit të Ramës, as afër qeverisë teknike dhe as afër zgjedhjeve të reja. Rama është i dalë boje dhe i korruptuar por është kacavjerrë pas pushtetit dhe nuk ka shenjë që po shpërbëhet. Të bëjmë këtë debat tani… Për bashkëpunimin e opozitës, jam më pranë Arlind Qorit, është idiotësi të mendosh hajde se po bëhemi bashkë, njerëz që mendojnë ndryshe për mediat, oligarkinë, tregun, për gjithçka… Si të them unë ulu ti, Grida, Fevziu, dhe bëni emision bashkë.

Mentori tha për Vetëvendosjen, unë i kam përkrahur, por kam qenë kundër të futeshin në koalicion me LDK. Njeriu është në politikë për të mbrojtur një vizion të tij mbi botën, me atë nuk bëhet kompromis. A dua të bjerë Rama? Patjetër. Por nuk mund të bësh një thes vetëm të rrëzojmë Ramën. Çfarë do të pjellë ky thes më pas?”, tha Bushati.