TIRANË– Shoku i ngushtë i Lear Kurtit ka rrëfyer momentet e fundit me mikun e tij. Në një rrëfim për “Piranjat”, i riu tregon se është takuar me Learin mbrëmjen kur dhe 32-vjeçari ndërroi jetë dhe se të dy janë shoqëruar në polici. Ai tregon se është afruar në zonën e Laprakës kur ka parë se shoku i tij po dhunohej nga efektivët. Ai thotë se Kurtin e kanë hipur në furgonin e policisë, ndërsa atë e kanë shoqëruar si pasagjer me makinën e tij, që drejtohej nga efektivë policie. Ai thotë se pavarësisht se i paralajmëroi efektivët që mos ta preknin Learin pasi vuante nga epilepsia, efektivët nuk ia kanë vënë veshin. Shoku i Learit thotë se 32-vjeçari i ka kërkuar të lajmëronte njerëz e të mos e linte në duart e tyre.
Shoku i Lear Kurtit: Dëgjova që thonin ‘shpejt, shpejt se iku’. E kanë shoqëruar vetë në spital, Leari ka mbaruar në Komisariat, në spital ka shkuar i vdekur. Unë isha me të atë natë, e kisha takuar tek ish-Filanto. Unë do të shkoja tek punët e mia, ai me punët e veta. Pastaj do shkoja ta merrja përsëri, sepse Leari ka qëndruar gjatë gjithë kohës me mua. Në momentin që po kaloja aty, përballë me spitalin Amerikan në Laprakë pashë që ishin 3-4 patrulla, po rrihej Leari barbarisht brenda makinës. Po, o noku lajmëro dikë se po na mbysin, aty ka pasur kamera, por nuk e di kush mund t’i ketë. Filmimet jam 100% i sigurtë që janë aty. Çfarë po bëni i thashë unë, se djali është me sëmundje toke, edhe ‘kush je ti’, më thanë. Unë jam shoku i vet, u thashë. Një nga policët që ishte aty, tha, për çfarë po e lini të flasë edhe ky, po ju dhimbset, kapeni, shoqërojeni edhe këtë. Jemi shoqëruar të dy njëkohësisht, Leari ishte në makinën e Policisë, ndërsa unë isha në makinën time si pasagjer. Edhe një efektive policie ishte me mua si pasagjere. Më tha ‘edhe kuksian, edhe gangster’. I thashë, unë nuk po ofendoj njeri, as nuk po them gjë. Thjesht po them që djali ka këtë lloj problemi, do t’ju ngelë në dorë. Dhe ashtu ngeli. Këto të tjera, që iku, vrapo, e këto të tjerat, i kam dëgjuar në media. 300 metra me vrap, edhe një kile të kishte pasur ai, do ta kishte hedhur. Ata duan të mbulojnë policinë, le ta mbulojnë. Dëgjova lajmet, jo përdorues droge, jo këto të tjera. Është komplet fals çdo version, e kanë goditur në shpinë me grushte, të paktën kanë qenë tre efektivë. Njëri prej tyre që ishte moshë e re, 20-22 vjeçe, tha ju nuk më njohni mua. Unë i thashë, ti mund të jesh kushdo, por je polic me uniformë. Je polici i Shtetit, je për të na mbrojtur, jo për të na sulmuar. Leari ishte i lidhur në pranga, nuk ka bërë fare rezistencë, pjesën e epilepsisë e kam marrë vesh para dy javësh, hera e parë që i ndodhi, e dërguam në spital.
Keni parë gjë dhunë?
Shoku i Lear Kurtit: Këtë pyetje ma bëri edhe drejtori Ardi Veliu, unë i thashë, rrugët tona janë gjithë gropa. Kur kam mbërritur në komisariat, nuk kam folur dot, sepse Leari ishte shtrirë, pa ndjenja, këta nuk më lanë që t’i jepja asnjë ndihmë. Më është mbyllur dera, nuk i kanë dhënë asnjë lloj ndihme. Ndërlohë u alarmua gjithë komisariati. Aty ka dhënë shpirt. Shpirti i ka dalë brenda rajonit të komisariatit nr.3. Unë e njoh shumë mirë shokun tim, mund të ketë pasur të folur të ashpër dhe këta i kanë gjuajtur, ama duhet ta pranojnë që ka ndodhur kjo gjë. Janë të zgjuar kështu, nuk prekin në fytyrë, gjuajnë pas koke, tek brinjët, bark. Këtë version që po ju them juve, jua kam thënë edhe atyre. Ka qenë dhe Ardi Veliu që më pyeti, ka qenë edhe vetë Prokurori. Po të njëjtat pyetje bënin, tani nxjerrin versionet e tyre, jo nga mbidoza, këta turp të kenë. Të jenë burra e të dalin të thonë, na iku. Nga torturat e këtyre, e ka kapur sëmundja, s’e kanë kuptuar këta dhe djali ka dhënë shpirt. Kushdo që të jetë, e di që në momentin që një njeri nxjerr shkumë apo ka vibracione, i jepet ndihma. I jepet një çelës në dorë. Mua nuk më lanë t’i jepja ndihmë, Leari dot do të ishte me mua.
Të tjera detaje kanë dalë në dritë lidhur me ngjarjen e Shkodrës ku prej ditësh një nënë së bashku me tre fëmijët e saj rezulton e zhdukur. Konfliktet në çift kishin muaj që kishin nisur dhe çifti ishte i ndarë pasi martesa nuk konsumohej më dhe Ergys Arrazi kishte nisur një marrëdhënie tjetër. Sipas familjarëve të gruas, ai grindej çdo ditë me të dhe i thoshte të dilte nga shtëpia ku ajo jetonte në një dhomë dhe flinte me fëmijët.
I pyetur në polici, ditën kur denoncoi zhdukjen, por edhe më vonë pas gjetjes së trupit të së bijës ai e ka cilësuar bashkëshorten “të sëmurë mendore” dhe sipas tij kishte muaj që trajtohej me ilaçe depresioni. Por kjo dëshmi nuk është verifikuar nga blutë, pasi ende nuk është gjetur ndonjë kartelë e 39-vjeçares apo mjek që t’i ketë lëshuar recetë për këto medikamente.
Gruaja ka qenë e vetme në këtë situatë pasi dhe pas zhdukjes së saj e vetmja që ka treguar interes ka qenë e motra ndërsa vëllai dhe të afërmit e tjerë nuk janë interesuar në polici dhe nuk i janë përgjigjur kërkesës për t’u pyetur si persona që kanë dijeni për ngjarjen.
31-vjeçari Ergys Arazi, autori i dyshuar, nuk e ka pranuar se ka dhunuar bashkëshorten e tij apo fëmijët.
I ndaluari i ka qëndruar deklaratës së tij të tre ditëve më parë duke thënë se ka humbur kontaktet me bashkëshorten dhe fëmijët pa patur idenë se ku ndodheshin. Arrazi është shprehur se ka patur një marrëdhënie normale me bashkëshorten dhe fëmijët duke thënë se nuk e kam idenë përse bashkëshortja ka ndërmarrë këtë veprim.
Arazi nuk ka pranuar asnjë prej dy veprave penale që rëndojnë mbi të “dhunë në familje” dhe “shkaktim i vetëvrasjes” duke deklaruar se nuk është ai shkaktari i kësaj ngjarje të rëndë.
Po ashtu dyshohet se motra e viktimës me datën 2 maj është takuar duke konsumuar një kafe me Ergys Arazin dhe kanë zhvilluar një bisedë, e cila dyshohet se lidhet me problemet e fundit të ndodhura në familjen Arazi. Motra e viktimës ka deklaruar pas ngjarjes se kunati i saj ka ushtruar dhunë në familje psikologjike dhe fizike gjë e cila sipas saj ka detyruar të motrën të ndërmarrë veprimin e rëndë.
Një aksident i fortë është regjistruar ditën e sotme në aksin rrugor Lezhë-Shëngjin, pranë lagjes “Xhenjo”.
Dy automjete janë përplasur me njëra-tjetër duke shkaktuar plagosjen e dy shoferëve, të cilët janë në Spitalin Rajonal të Lezhës, jashtë rrezikut për jetën.
Policia ka mbërritur në vendngjarje dhe po punon për zbardhjen e rrethanave të aksidentit.
Ngjarja që tronditi Dropullin dy ditë më parë është zbardhur ndërsa është vënë në pranga edhe autori i vrasjes së çiftit të të moshuarve, Kosta dhe Kleoniqi Ilia. Detaje të reja janë zbardhur nga kjo vrasje, ku raportohet se kanë qenë ekzaminimet daktiloskopike dhe biologjike ato që kanë zbuluar veprimet e autorit.
Thoma Mastora ishte banor i të njëjtit fshat ku jetonin të moshuarit dhe njiheshin me njëri-tjetrin prej disa vitesh. Ai ishte personi i fundit që i kishte takuar para se t’i vriste, ndërsa një nga provat që çoi në identifikimin e tij si vrasësin e tyre ishte gota e rakisë që ishte në tavolinën e ndodhur në oborrin e shtëpisë, ku u gjend i pajetë edhe 84-vjeçari Kosta Ilia.
Ngjarja e rëndë dyshohet të ketë ndodhur në orët e vona të drekës ose të pasdites së 30 prillit. Policia tha në deklaratën e tyre se shkaqet e vrasjes kanë qenë për motive të dobëta dhe konflikte çasti dhe të mëparshme mes autorit dhe viktimave.
Kleoniqi Alia, 88 vjeç, kishte disa kohë që ankohej te të afërmit e saj se 69-vjeçari i shqetësonte me praninë e tij. Sipas policisë të moshuarit u gjetën me shenja plage të shkaktuara nga mjet i fortë prerës në kokë dhe në trup. Burime policore pohojnë se arma e krimit është një sëpatë e vogël.
Drejtuesit e Komisariatit të Gjirokastrës thanë po ashtu në deklaratën e tyre se Thoma Mastora njihej si një njeri problematik në fshat. Ai ishte dënuar më herët për vjedhje. Për sqarimin e ngjarjes dhe identifikimin e autorëve u shoqëruan, u dhe pyetën për rrethanat e hetimit 35 shtetas.
NJOFTIMI I POLICISË:
Shkodër/Informacion sqarues shtesë
Në lidhje me informacionin e dhënë më parë, për gjetjen në ujërat e lumit Buna, të trupit të pajetë të 9-vjeçares, ju informojmë se nga këqyrja paraprake e trupit të të miturës, në prani të ekspertit mjeko-ligjor, nuk janë konstatuar shenja dhune.
Policia e Shkodrës, në drejtimin e Prokurorisë së Shkodrës, po vijon punen për zbardhjen dhe dokumentimin e rrethanave të këtij rasti.
“Pse s’më fute kokë më kokë me Romeon?”/ Kërkesa e Meritonit habit Eglën
Piu kafe me kunatën më pas u hodh në lumin Bunë me tre fëmijët, detaji tronditës
Akuzohet se çoi drejt vetëvrasjes vajzën e tij, reagimi gjakftohtë i babait
Aksident fatal mbrëmjen e sotme/ Makinat përplasen “kokë më kokë”
Ergys Arrazi kishte një lidhje tjetër, i kërkonte bashkëshortes të dalë nga shtëpia
Hap i pakthyeshëm/ Daçiç: Ndërkombëtarët po i bëjnë presion Kurtit për…
Vrasja e të moshuarve/ Dyshohet për një flirt mes autorit dhe viktimës
“Narciste e frikshme”/ Krist Aliaj komenton romancën Romeo-Heidi
