Aventura e Masimiliano Alegrit te Juventusi duket e mbyllur, pasi ajo që ndihet në ajër është se sido që të shkojë, edhe sikur të përmbysë situatën aktuale dhe të fitojë titullin, në verë të dyja palët do të ndahen sërish dhe përgjithmonë.
Kjo ndjesi reflektohet në pritje të ditës së premte, kur bordi drejtues do të mblidhet për të diskutuar temat e nxehta në klub: efektet financiare të COVID-it dhe krizën aktuale të ekipi, i cila po bën një figurë të shëmtuar ndeshje pas ndeshjeje.
Pikësëpari do të zyrtarizohet humbja në bilanc prej 250 milionë eurosh, e cila i përket sezonit të kaluar.
Por duke parë irritimin në rritje, pjesa më e rëndësishme e debatit do të jetë Masimiliano Alegri, i cili pas shpresave të mëdha për rindërtimin e skuadrës duket se po e çmonton në mënyrën më të keqe atë.
Nëse zëvendëspresidenti Pavel Nedved shtyn sërish (ashtu sikurse në aventurën e parë) për një shkarkim të tij, ndonëse humbjet në bilanc do të ishin një çmenduri prej 40-45 milionë eurosh, presidenti Andrea Anjeli është ai që kërkon t’i japë edhe një mundësi të fundit deri në nëntor.
Ose Alegri rimerr Juven në dorë, ose në humbjen e parë të radhës shkarkohe.
Anjeli duket se e ka një plan në kokën e tij dhe do e marrë vetë në dorë këtë çështje.
Ideja është që në rast shkarkimi të Alegrit, Juventusi nuk do të tentojë një trajner me emër, por do të zgjedhë një teknik “lundrues” deri në fund të sezonit, si Paolo Montero i skuadrës së të rinjve dhe në verë do të sjellë në Torino Xhanpiero Gasperinin.
Anjeli është gati t’i japë Gaspit dhuratën e madhe të karrierës, pas mrekullive që ka bërë me Atalantën.
Bisedimet me trajnerin e bergamaskëve do të nisin që tani, me Gasperinin që do të mund të bëjë rikthimin e tij te Juventusi, pas 9 viteve si trajner i të rinjve në periudhën 1994-2003.
Lionel Messi vazhdon të shkruajë historinë e futbollit botëror, ndërsa tashmë është duke lënë gjurmë në edhe në kampionatin amerikan, MLS.
Vetëm gjatë një ndeshje, atë të Inter Miami ndaj New York Red Bulls, që përfundoi me fitoren 6-2 të vendasve, sulmuesi argjentinas shënoi një gol dhe dhuroi pesë asiste, duke u bëri i pari lojtar që e arrin një statistikë të tillë në futbollin profesionist.
Lionel Messi është bërë i pari lojtar në historinë e futbollit që ka arritur statistikën e 1200 gola +asist (833 gola dhe 372 asiste në 1058 ndeshje), ndërsa sa i përket vitit 2024 në 11 ndeshje argjentinasi ka shënuar 12 gola dhe ka dhuruar 11 asiste./ Supersport
Real Madrid fitoi 3-0 ndaj Cadiz, në ndeshjen e vlefshme për La Liga. Los Blancos vendosën ndeshjen vetëm në pjesën e dytë, me mysafirët që rezistuan 45 minuta.
Diaz zhbllokoi takimin, ndërsa Bellingham dhe Joselu ndezën akoma më shumë festën në shkallët e stadiumit. Me këtë rezultat, madrilenët vazhdojnë të marshojnë drejt titullit kampion.
UEFA më në fund ka vendosur edhe detajet se si do të jenë përbërjet e skuadrave pjesëmarrëse në EURO 2024. Sipas agjencisë “ANSA”, kërkesa e trajnerëve është pranuar, duke çuar në 26 numrin e futbollistëve për çdo ekip pjesëmarrës. Por jo vetëm kaq.
Të njëjtat burime bëjnë të ditur se ky vendim shoqërohet edhe nga ai sipas të cilit trajnerët do të kenë të gjithë lojtarë në dispozicion, pra duke “zgjeruar pankinat” që të gjithë lojtarë të jenë në stol gjatë ndeshjes dhe jo duke çuar 3 në tribunë siç ndodhi për EURO 2020.
Për më tepër, gjithçka do të jetë me të drejtë zgjedhje. Trajnerët do të kenë mundësi të grumbullojnë nga 23, deri në 26 lojtarë për aktivitetin, sipas dëshirës së tyre. Ndaj do të jetë në dorën e Silvinjos për të zgjedhur nëse do të marrë 26 futbollistë me vete në Gjermani, apo nëse do i qëndrojë besnik idesë së tij që me 23 lojtarë përgatitet më mirë aktiviteti.
RREGULLORJA – Sipas rregullores që UEFA ka vendosur për Kampionatin Europian, lista që trajnerët e kombëtareve do të zgjedhin duhet të dorëzohet më datën 7 qershor dhe pas kësaj dite nuk mund të ndryshohet asnjë lojtar për arsye të thjeshtë. Por, vetëm në rastin se dikush dëmtohet, atëherë çdo kombëtare ka të drejtë ta zëvendësojë, por vetëm një lojtar.
Pasi e ka kryer këtë zëvendësim në listë, e vetmja lëvizje që mund të bëjë është në portë. Nëse një portier dëmtohet, çdo skuadër ka të drejtë të marrë një tjetër, edhe pse Europiani mund të ketë filluar. Kështu, shumica e ekipeve kanë lënë një takim miqësor më datën 6-7 qershor dhe pas ndeshjes të vendosin për listën përfundimtare që do të dorëzojnë.
Pasi mbylli bashkëpunimin me Romën, e ardhmja e Jose Mourinhos është shndërruar në një nga temat më të nxehta për median sportive.
Luzitani ka disa opsione ndërsa një prej tyre është edhe rikthimi në Portugali te Benfica.
Megjithatë, vetë Mourinho kërkon që për momentin të mos japë asnjë të dhënë për eksperiencën e radhës teksa i pyetur për Benficën në një event të mbajtur në Portugali, theksoi se këto lloj pyetjesh nuk i duken etike.
“Benfica? Ju lutem mos më bëni pyetje të tilla sepse më shkatërroni fundjavën. Nuk më pëlqen aspak, sidomos kur bëhet fjalë për një klub që e ka një trajner. Gjithmonë e kam mbajtur veten larg sjelljeve të tilla që për mua nuk janë aspak etike”, u shpreh Mourinho./ Supersport
Federata Angleze e Futbollit ka pezullar për dy muaj mesfushorin e Newcastle, Sandro Tonali. Shkak për këtë vendim është bërë përfshirja e italianit në baste sportive, të cilat nuk lejohen për futbollistët profesionistë.
“Mesfushori i Newcastle, Sandro Tonali, është pezulluar për dy muaj nga futbolli konkurrues nga një Komision Rregullator i pavarur pasi vetëdeklaroi shkelje të Rregullave të basteve të FA”.
“Ai gjithashtu është gjobitur me 20,000 paundë dhe është paralajmëruar nga FA për sjelljen e tij në të ardhmen”.
“Periudha e ndalimit është pezulluar plotësisht për kohëzgjatjen e sezonit 2024-25, që do të thotë se ai do të jetë në dispozicion për t’u rikthyer në futbollin konkurrues pas përfundimit të një sanksioni ekzistues dhjetë mujor të vendosur nga Federata Italiane e Futbollit (FIGC) më 27 tetor 2023”.
Piu kafe me kunatën më pas u hodh në lumin Bunë me tre fëmijët, detaji tronditës
“Pse s’më fute kokë më kokë me Romeon?”/ Kërkesa e Meritonit habit Eglën
Akuzohet se çoi drejt vetëvrasjes vajzën e tij, reagimi gjakftohtë i babait
Hap i pakthyeshëm/ Daçiç: Ndërkombëtarët po i bëjnë presion Kurtit për…
Ergys Arrazi kishte një lidhje tjetër, i kërkonte bashkëshortes të dalë nga shtëpia
“Narciste e frikshme”/ Krist Aliaj komenton romancën Romeo-Heidi
Horoskopi javor 6-12 maj 2024; parashikimi për secilën shenjë
Katër fëmijë 13-vjeçar bien nga tarraca e palestrës, ja gjendja e tyre shëndetësore
