Connect with us

Politike

“Për të kapur kriteret, motra e Belindës falsifikoi notat”

Kryetari i Partisë Demokratike, Sali Berisha, është shprehur kundër kandidaturës së Ardian Dvoranit për Gjykatën Kushtetuese. Komentet Berisha i bëri gjatë mbledhjes së Grupit Parlamentar të Partisë Demokratike, ku iu bëri thirrje deputetëve ta hedhin poshtë votimin e emrit të tij në Parlament. Ai shtoi se duhet t’i dërgojnë nga një letër të gjithë institucioneve të SHBA-së për të paraqitur përpara tyre atë që ai e quan si poshtërim të shqiptarëve, me kandidaturën e Dvoranit për Gjykatën Kushtetuese. Berisha akuza ka hedhur edhe ndaj Pamela Qirkos, motrës së ministres Belinda Balluku, për të cilën tha se ajo për të arritur kriteret në drejtësi ka falsifikuar notat.

Sot në rëndin e ditës është votimi për Gjykatën Kushtetuese, i simbolit më të nxirë të korrupsionit në drejtësinë shqiptare dhe ky quhet Ardian Dvorani. Ai është zyrtarisht i akuzuar nga DSIK se ka fshehur pasurinë. Në vetingun e Dvoranit është dëshmuar 100 % sesa fals është ky proces. Ai është gjykatësi që ka marrë në vitin 2002 apartament banimi nga Albtelecom, pa asnjë kontratë.

Në dokumente, jo në emër të tij, apartamenti figuron 93 metra. Sipërfaqja e apartamentit të tij është 120 metra katror. E kuptoni mafien e poshtër. Dvorani merr pjesë në 9 procese gjyqësore, në 3 apo 4 prej tyre si relator, në gjyqet midis Albtelecomit dhe institucioneve shqiptare, në shpërblim të pagesave që i kanë bërë për apartamentin.

Ka një rast tjetër, që një prokuror, një apartament e blen me dokumente të rregullta dhe ua kalon prindërve. Ai ndëshkohet padrejtësisht nga vetingu. Vilën 250 mijë euro të Valbonës nuk e fshehin dot ata. Vila e saj qëndron mbi drogën. Për të kapur kriteret, motra e Belindës, falsifikon notat dhe ajo bën vetingun e gjykatësve. Prisni kur të ftohet edhe ajo për ndonjë çmim ndërkombëtar si Dvorani.

Mos harroni se gjykatësit Muçi, që propozoi Meta, i gjetën vetëm 16 mijë euro të padeklaruara. Një tjetri për një biletë në Milano, ai tha ishte biletë pune, këta thoshin se nuk ishte pune. Por cili ishte Dvorani, kryetari i KED-së. Ai krijoi një krizë të madhe brenda vendit. Të gjitha këtë janë të përshkruara. Në një akt të paimagjinueshëm, Dvorani shpallet kampion botëror në luftën kundër korrupsionin.

Ne si deputetë duhet të reagojmë. Ne duhet të informojmë të gjitha institucionet e SHBA-së për këtë akt. Duhet t’i bëjmë letër të gjithëve, përfshi edhe presidentin Biden, sepse nuk mund të fyhen shqiptarët në këtë mënyrë. Çfarë është Dvorani, një xhelat. Ka kërkuar dënime deri në 15 vite për ata që rrëzuan diktaturën komuniste. Edhe këtë duhet t’ja raportojmë. Duhet të njoftojmë të gjithë institucionet amerikane. Në mënyrën më antikushtetuese ky qëndroi 4-6 vite pasi i skadoi mandati.

U emërua aty në kundërshti me ligjin e lustracionit. Ftoj çdo qytetar shqiptar t’i bëjë pyetjen vetes, çfarë jemi ne? Që një njeri i korruptuar na paraqitet si kampion kundër korrupsionit. Unë ftoj çdo deputet që të mos bëjë gabimin e tmerrshëm të votojë këtë person, për Gjykatën Kushtetuese. Ky e ka vendin në burg dhe askund tjetër. Të faktuara kto të gjitha nga Komisioni i Venecias. Pas tij është ajo tjetra, e majtë është edhe ajo, Selimi, por është civiliste e njohur. Atë e kanë lënë në bankinë. Në front për të përçmuar shqiptarët kanë sjellë Dvoranin. Të qartësojmë shqiptarët se çfarë po ndodh me këtë punë”, u shpreh Berisha.

Politike

‘Krijonte tmerr me të vërtetat që thoshte në Kuvend’/ Meta i shkon poshtë shtëpisë Berishës

Presidenti i Partisë së Lirisë, Ilir Meta, pasditen e sotme, së bashku me drejtues, anëtarë dhe simpatizantë të Partisë së Lirisë u nis nga selia qendrore në këmbë drej “Bulevardit të Shpresës”.

Meta u ndal poshtë shtëpisë së liderit të opozitës, Sali Berisha i cili vijon të jetë në “arrest shtëpie” nga ku deklaroi se Berisha mbahet në arrest sepse ka dalë kundër ndryshimit të kufijve në Ballkan.

Pasi përshëndeti Berishën, Meta tha se ai ndodhet nën arrest sepse “ka krijuar tmerr me të vërtetat që thoshte çdo ditë në Kuvend”.

“Përshëndes doktor Sali Berishën për qëndresën e tij të jashtëzakonshme. Ballkanin e Hapur edhe në Shkup, e hodhëm në Vardar. Sali Berisha është atje sepse doli kundër ndryshimit të kufijve në Ballkan, kundër gjymtimit të Kosovës dhe kundër Ballkanit të shqepur edhe të hapur.

Sali Berisha është atje, sepse ka qenë gjithmonë për procesin e Berlinit. Europa është në zemrat tona, në trashëgiminë tonë. Europa është vendosur me shpatë në dorë nga Skënderbeu. Prandaj na duhet mençuria dhe trimëria e Skënderbeut, por na duhen edhe më shumë si Ylli Bodinaku që është këtu e shumë të tjerë për të rrëzuar murin e incneneratorëve dhe PPP-ve që ka përjashtuar shqiptarët nga rritja ekonomike në vend.

Sali Berisha është këtu sepse ka krijuar tmerr me të vërtetat që thoshte çdo ditë në Kuvend. Sali Berisha është atje ndërkohë që Veliaj është 4 vjet me vonesë në burg, atje ku e meriton sepse ka firmosur duke rrëmbyer kompetencat e Këshillit Bashkiak”, u shpreh ai.

Continue Reading

Politike

Dosja Xibraka/ SPAK thërret Gazment Bardhin për të dhënë dëshmi, ja data

Prokuroria e Posaçme ka thirrur kreun e grupit parlamentar të Partisë Demokratike, Gazment Bardhi për të dhënë dëshmi për dosjen Xibraka.

Hetimet janë riaktivizuar pas denoncimeve publike nga ana e Bardhit.

Bardhi u thirr më herë për të shkuar në SPAK gjatë ditës së nesërme për të dhënë sqarime për procedimin penal nr.88 të vitit 2024 lidhur me dosjen Xibraka. Bardhi thotë se ky dokument është dëshmi se ai ka dorëzuar kallëzimin në SPAK dhe se hetimet për olsi Ramën, vëllain e kryeministrit, kanë rifilluar.

“Pas kërkesës sime në SPAK për rinisjen e hetimeve të procedimit penal nr. 335/1 – viti 2016, që Edi Rama do të donte shumë në varrosej, sot jam njoftuar nga SPAK se çështja është riaktivizuar. SPAK më ka njoftuar zyrtarisht për rifillimim e hetimeve të pezulluara për përfshirjen e Olsit Ramës në dosjen e trafikimit të kokainës në Xibrakë. Procedimi i dikurshëm penal me nr. 335/1-2016, është regjistruar si procedimi nr. 88 – viti 2024. Për këtë çështje jam ftuar për të dhënë sqarime të metejshme në SPAK” shkruan Bardhi në një postim në facebook pak ditë më parë ku publikoi foton e fletëthirrjes nga SPAK.

Continue Reading

Politike

Berisha në arrest shtëpie, Meta marshon drejt “Rrugës së Shpresës”

Presidenti i Partisë së Lirisë, Ilir Meta do t’i bashkohet ditën e sotme tubimit të simpatizantëve të ish-kryeministrit Sali Berisha poshtë banesës së tij, ku mbahet prej muajsh në arrest shtëpiak.

Meta është nisur në një marshim nga selia e PL së bashku me anëtarë dhe simpatizantë të partisë së tij drejt rrugës Mustafa Matohiti, e cila tashmë është emërtuar nga simpatizantët e Berishës si “Rruga e Shpresës”.

Kjo nuk do të jetë hera e parë që Meta i bashkohet këtij organizimi, pasi u bë pjesë disa javë më parë, në të njëjtën ditë kur u zhvillua edhe Konventa e Partisë së Lirisë.

Continue Reading

Politike

“Veliaj siamez i Ramës”/ Çollaku: Kryeministri përfitues i çdo qindarke të dalë nga thesari

Gazetari Basir Çollaku e cilëson kryebashkiakun Erion Veliaj si një lloj siamezi të Edi Ramës.

Çollaku shton se të gjitha dosjet kryesore që sot janë në prokurori, 5D, inceneratori, Ndragehta, EcoTirana, teatri, janë dosje në të cilat kudo është lejimi dhe bekimi i Edi Ramës për të ndodhur pasi ato pagesa të mëdha dalin nga thesari dhe asnjë qindarkë nuk ka kaluar pa dijeninë dhe përfitimin e kryeministrit.

“Erion Veliaj është një lloj siamezi i Edi Ramës. Të gjitha dosjet kryesore që sot janë në prokurori, 5D, inceneratori, Ndragehta, EcoTirana, teatri, janë dosje në të cilat kudo është lejimi dhe bekimi i Edi Ramës për të ndodhur pasi ato pagesa të mëdha dalin nga thesari dhe asnjë qindarkë nuk ka kaluar pa dijeninë dhe përfitimin e Edi Ramës.

Të gjitha ato media që nuk i bëjnë opozitë radikale Erion Veliajt janë të blerë nga Erion Veliaj. Qofshin këto 90% të mediave ky është realiteti. Ato media që i hapin ekranin një të pandehuri që i ka plaçkitur dhjetra milionë euro të qytetarëve ato media janë media të blera nga taksat tona, janë të blera me koncesione, me tendera me leje ndërtimi me kulla.

Ai njeri nuk duhet lejuar të futet në bashki.”- tha Çollaku

Continue Reading

Politike

‘Diaspora ka në dorë ndryshimin politik…’/ Adriatik Lapaj sfidon Ramën: Të miratojë votën e diasporës

Koordinatori i Lëvizjes ‘Shqipëria Bëhet’, Adriatik Lapaj ka sfiduar kryeministrin Edi Rama duke i kërkuar atij të miratojë votën e diasporës.

Lapaj deklaron se në stadiumin në Athinës, Rama përdori administratën shtetërore. Ai shtoi se Rama përtej propagandës, duhet që të zgjidhë problemet reale të emigrantëve shqiptarë.

Diaspora jonë ka forcën të ndryshojë situatën politike në Shqipëri. Ne kemi depozituar projektligjin për votën e diasporës dhe atë për listat e hapura. Siç kanë dalë dhe do të dalin fakte, administrata ka qenë e pranishme në stadium. Sigurisht që një pjesë kanë shkuar për kuriozitet. Sfidoj kryeministrin, të miratojë votën e diasporës, të fitojë dhe këtu dëshmon mbështetjen e diasporës për të. Nëse e ka diasporën me vete, të miratojë votën e emigrantëve, ta bëjë se ka edhe votat, se unë vetëm dëshirën kam. Mua më udhëheq vetëm parimi i ligjit, çdo shtetas shqiptar që mban pasaportë shqiptare duhet të votojë.

Duhet adresuar çështja e pensioneve e shqiptarëve në Greqi. Nuk është me të thënë, duhet ta bëjë, sepse është kryeministër dhe e ka në dorë. Problem janë radhët në kufi, problem tjetër janë certifikatat e pronësisë për pronat që shqiptarët kanë në Greqi. Këta kanë miratuar ligje në bazë të interesave. Në Shqipëri është krijuar filozofia që kush shkon “lart” do të vjedhë. Ne na mbështesin për shkak të parimeve tona dhe përballjen tonë me këtë qeveri. Ne shohim burimin e problemit. Gjithçka vjen sepse çdo gjë merret pa garë. Nuk është problemi se kush vjen në pushtet, por të vendosen disa parime për shtetbërje. Njerëzit e dinë të vërtetën dhe ndryshimi do të vijë”, tha Lapaj.

Continue Reading
Advertisement

TRENDING