Përmbyset kamioni në aksin Kardhiq-Delvinë, policia në vendngjarje

Një aksident rrugor është regjistruar pak më parë në aksin Kardhiq-Delvinë, ku një kamion është përmbysur në rrugë.

Ende nuk dihen rrethanat dhe shkaqet e aksidentit. Menjëherë pas ngjarjes, në vendngjarje kanë shkuar shërbimet e Policisë, të cilat po punojnë për menaxhimin e situatës dhe normalizimin e qarkullimit.

Deri në këto momente nuk ka informacion të konfirmuar nëse ka persona të lënduar. Autoritetet po vijojnë verifikimet për të zbardhur rrethanat e aksidentit.