Politike

Përplasje në mbledhje/ Shehu propozon të mbrohet Berisha me ‘qëndrim të egër’

Gjatë mbledhjes së Grupit parlamentar të PD, e cila u zhvillua me dyer të mbyllura, ka patur diskutime mes ligjvënësve opozitarë edhe për veprimtarinë e tyre në Parlament.

Raportohet se kreu i grupit, Bardhi ka zbuluar se opozita do të këmbëngulë për për mocionin me debat nesër për drogën dhe Xibrakën, si edhe do të dërgojnë në Gjykatën Kushtetuese përsëri mandatin e Olta Xhaçkës.

Po ashtu ai ka orientuar deputetët se do të diskutojnë tek të gjitha gjitha pikat e rendit të ditës për të cilat do votojnë kundër, përveç marrëveshjes me BE.

Sa i përket një shqetësimi të deputetëtve për lënien jashtë grupit të Sali Berishës nga një vendim i Kuvendit, ai u shpreh se anëtarësimi në grup sipas rregullores është me vetë deklarim.

Bardhi shtoi se demokratët nuk duhet të bien në kurthin që të kthehen përsëri tek përqendrimi i debatit publik për grupin, ndërsa nënvizoi se kryetar i partisë është Sali Berisha.

Nga ana tjetër deputeti Tritan Shehu ka kërkuar që të mbahet një qëndrim i egër nga ana e Grupit Parlamentar për të mbrojtur Sali Berishën dhe për ta përfshirë në grup, duke propozuar që t’i dërgohen letra ndërkombëtarëve.

Sakaq, Bylykbashi ka sqaruar atë që përcakton rregullorja për këtë rast, duke propozuar që të përdoret kjo metodë. Të këtij mendimi kanë qenë edhe deputetët Flamur Noka dhe Luan Baçi.

Pjesë nga diskutimet:

Gazment Bardhi: Kalojmë tek çështjet e rendit të ditës. Do këmbëngulim për mocionin me debat nesër për drogën dhe Xibrakën. Do të dërgojmë në Gjykatë Kushtetuese përsëri mandatin e Xhaçkës. Do të diskutojmë tek të gjitha pikat e rendit të ditës për të cilat do votojmë kundër, përveç marrëveshjes me BE. Për çështjen e cila ka nisur si diskutim dhe kam marrë shumë shqetësime nga ana juaj në chatgrupin tonë (I referohet grupit të Whatsappit ku shumë deputetë kanë shprehur shqetësim për vendimin e Kuvendit për të lënë jashtë grupit Berishën dhe se duhet të bëhet betejë që të futet në Grupin Parlamentar të PD-së), ju sqaroj se kjo nuk është çështje e kryetarit të grupit, sepse anëtarësimi në grup sipas rregullores është me vetë deklarim. Unë mendoj që ne nuk duhet të biem në kurthin që të kthehemi përsëri tek përqendrimi i debatit publik për grupin.

Interesi i Edi Ramës është të na rikthej në debatin për grupin parlamentar, prandaj e luajtën në publik prej disa ditësh me këtë; një herë 35 anëtarë, një herë 38 anëtarë, sot e kishin bërë 42 anëtarë. Ne jemi grupi parlamentar i PD dhe kryetar i PD është Sali Berisha. Tani nga kjo kuptohet i gjithë absurdi i kësaj. Ne e dimë shumë mirë se kush është i përfshirë në grup parlamentar, që nga data 5 Shtator 2023 dhe nuk presim njohje nga Edi Rama për këtë mendoj. Grupi nuk ka një procedurë për futjen e deputetëve në grup, sepse kjo është me vetëdeklarim në Kuvend, pa përfshirjen e grupit. Psh para disa kohëve është përfshirë në grup kolegia Merita Bakiu, është vetëdeklaruar dhe është përfshirë pa u përfshirë grupi në këtë çështje. Mospërfshirja e z. Berisha që në nisje të kësaj Legjislature është bërë nga Kuvendi me interpretimin që nuk është tek lista fillestare që ka sjell Partia, para krijimit të grupit. Problemi nuk është tek ne. Në çdo rast më thoni çfarë shqetësimi kemi dhe si e adresojmë.

Tritan Shehu: Qëndrim të egër duhet të mbaj Grupi Parlamentar për të mbrojtur Sali Berishën, për ta përfshirë në grup, madje duhet edhe t’u dërgojmë letra ndërkombëtarëve, ku t’i informojmë për burgosjen politike të kreut të opozitës. Duhet të mendojmë një procedurë, të marrim vetëdeklarimet, të bëjmë diçka.

Oerd Bylykbashi: Rregullorja sqaron sesi behet anëtarësimi në grup (lexon nenin e rregullores). Pra vetëdeklarim dhe lista e KQZ. Këtë mendoj ta përdorim, por e vendosim.

Flamur Noka: Po kjo mund të behet mendoj.

Luan Baçi: Edhe unë mendoj si kolegët. Ne jemi shumica e grupit, të analizohet rregullorja dhe të bëhet.

Gazment Bardhi: Dakort. Për problemin që ngriti Albana, kam takuar Kryetaren e Kuvendit për këtë shqetësim dhe e kam kërkuar të mos pengohet funksionimi i komisioneve hetimore parlamentare (TIMS-i dhe koncensionet në shëndetësi). Kryetarja e Kuvendit më ka konfirmuar që nuk ka asnjë vendim politik të PS për t’i bllokuar komisionet dhe keqkuptimet që janë krijuar duhet të zgjidhen. Nëse ka pengesa duhet të ulen dy kryetarët me dy nënkryetarët që të përcaktojnë vijimin, dhe të gjitha shkresat për informacion më është konfirmuar që nuk do pengohet asnjë, do të kalojnë dhe nuk do të këtë asnjë pengesë.

Related Topics:bardhi berisha mbledhje politike Shehu

Politike

“Më gjykoni nga reputacioni i armiqve”, Veliaj mesazh të ‘koduar’ para se të shkonte në SPAK?!

Mbrëmë, mediat pranë opozitës, duket se i kishin koordinuar mirë emisionet e tyre, duke ftuar në studio analistë e gazetarë që njihen për sulmet ndaj kryebashkiakut të Tiranës, Erion Veliaj, për të komentuar vajtjen e tij në SPAK ditën e sotme.

Por, sot në mëngjes Veliaj, u është përgjigjur atyre me një story në WhatsApp, duke cituar një nga shprehjet e famshme të Presidentit Amerikan, Frenklin D. Ruzvelt.

“Më gjykoni nga reputacioni i armiqve që kam bërë”, ka shkruajtur Veliaj, i cili pasi është ka shkuar në SPAK, do të jetë prezent në mbledhjen e sotme të Këshillit Bashkiak të Tiranës ku do t’i jepet titulli “Qytetar Nderi” Ali Ahmetit dhe një rrugë në Tiranë do të marrë emrin e Remzi Hoxhës, biznesmeni që u zhduk nga SHIK-u i Sali Berishës në vitin 1995.

Politike

“Meta akuzon Monikën si bashkëpunëtore të SPAK”

Analisti Poli Hoxha bëri të ditur në emisionin ‘3D nga Alban Dudushi’ në RTSH, se për të analizuar atë çfarë ndodhi në Konventë nuk është se kërkon një analizë shumë të detajuar sepse situata është mjaft e qartë dhe e thjeshtë për ta kuptuar.

Ilir Meta shpalli armiq të gjithë ata që kanë dëshmuar në SPAK duke filluar që nga Monika Kryemadhi, pasi dyshon se të gjithë e kanë tradhtuar dhe janë bashkëpunëtorë të SPAK-ut.

“Bëjmë gabim në analiza kur flasim për politikë të stërholluar, sepse çdo simptome do i gjejmë shkakun. Pse ka nisur çarja Meta- Kryemadhi? Ajo ka nisur nga SPAK. Të gjithë që janë pyetur nga SPAK dhe shumë mesa di kanë thënë të vërtetën, të gjithë u shpallën armiq. Telefoni që u gjet në shtëpinë e mamasë së Monikës ku janë biseda ndër vite. Elona Guri armike se është thirrur në SPAK, Monika po ashtu, Brahimllari armik se ka qenë në SPAK, Luan Rama armik se është thirrur në SPAK etj. Nuk e kuptoj se çfarë opozite do të bëj Meta? Që kur është futur në arrest shtëpie Berisha, Meta ka mbajtur distancë. Por gjërat qartazi ecin paralel me SPAK. Kanë informacione ata se çfarë ndodh në SPAK. Meta kujtohet që këtë distancë ta shuajë menjëherë sepse e mendon se SPAK i është afruar. Këndon këngë për Berishën poshtë ballkonit, ai nuk i përmend as emrin.”, tha Hoxha.

Politike

A ka Meta informatorë në SPAK? Myslim Murrizi zbulon emrin

Ish- deputeti i PD, Myslym Murrizi foli në lidhje me zhvillimet politike të vendit dhe kryesisht për atë që po ndodh me Partinë e Lirisë dhe tashmë presidentin e saj, Ilir Meta.

Murrizi e cilësoi kreun e PL si një enverist që është në betejë me Ramën për të marrë ithtarët komunistë. Por kur pyetet se si një enverist nuk “ngurojnë të veshë bluzën “Free Berisha” dhe të mbështesë liderin e opozitës”, ai thotë se “hipokrizia është gjellë që hahet me orekse. Këta e hanë me garuzhde, për një karrige të qelbët të shtetit dhe pushtetit”.

Ish- deputeti nuk e beson “luftën ndaj depozitimit” që Meta ka shpallur në partinë e tij.

“Nuk është e vërtetë, njerëz që ndajnë 8 orë krevatin së bashku, prindër të 3 fëmijëve, të jenë kaq shumë të mosmarrur vesh për hatër të parimeve për këtë mender demokraci që jetojnë shqiptarët 34 vite. Ky është një teatër, jo të gjithë mund të na fyejnë injorancën me këto veprime. Nuk e besoj faktin që Monika është tërhequr.

As shqiptarët nuk e besojnë. Nuk do tërhiqet sepse politika është ves. (…) Atë që ndodhi që ndodhi do të quaja një taktikë elektorale politike brenda subjektit për të ngritur adrenalinën e militantëve, për të thënë që këtu po bëhet një gjë e madhe”.

Përsa i përket marrëdhënies së Ilir Metës me SPAK-un, Murrizi tha se nuk është çudi që ai të ketë informatorët e tij brenda këtij institucioni.

Në një institucion me 18 prokurorë dhe 17 agjentë të BKH, nuk është çudi që të marrësh informacion. Për shembull, keni dëgjuar ndonjëherë Metën ta zërë me gojë Arben Krajën.

Asnjëherë! E ka pas vartës. Kur ishte Kryeministër, e ka pas atje. Pasi iku nga nënkryetar i Kontrollit të Lartë të Shtetit nga Mustafa Kërçuku vajti shefi ia anti-korrupsionit dhe këshilltar e jurist i tij”, tha Murrizi.

Politike

Berisha nga ballkonit: Nga këtu lart shoh një horizont që s’e kemi parë 11 vite, dimri po ikën…

Sali Berisha gjatë fjalës së mbajtur në tubimin qytetar, një ditë para protestës tek bashkia e Tiranës, deklaroi se, shikon vetëm fitore.

“Këtu nga Rruga e Shpresës, nga ky ballkon, nga ky podium unë shoh një horizont që nuk e kemi parë 11 vite! Unë shoh fitore, fitore, fitore”, deklaroi kryedemokrati Sali Berisha.

Sali Berisha: Të dashur qytetarë dhe qytetare! Të nderuar qëndrestare dhe qëndrestarë. Heronj të vërtetë të shpresës dhe të ardhmes së Shqipërisë. Çdo muaj. Çdo javë. Çdo ditë dhe çdo orë ju zhvilloni një betejë epike. Një qëndresë të admirueshme. Të denjë për secilin qytetar që e quan veten shqiptar, që i thotë lirisë, liri dhe dinjitetit njerëzor, dinjitet.

Ju qëndruat në ditët më të zeza të demokracisë. Ju përhapët dritë në natën e saj. Ju qëndruat në ditët më të acarta për pluralizmin. Nën stuhitë më të egra ndaj narkoshteti të bandave dhe krimit kundër opozitës shqiptare. Ju qëndruat këtu përditë në ‘Rrugën e Shpresës’. Por të dashur miq, tani ne jemi në një stinë tjetër.

Dhe nuk e kam fjalën për përfundimin e stinës së dimrit. Po e kam fjalën për përfundimin e stinës 11-vjeçare të Rilindjes shkatërrimtare të kombit shqiptar dhe të Edi Ramës. Të dashur miq, pranvera e lirisë, pranvera e shpresës ka nisur në të katër anët e vendit. Flladi i tyre po freskon, po ushqen mendjet dhe zemrat e shqiptarëve. Këtu nga Rruga e Shpresës, nga ky ballkon, nga ky podium unë shoh një horizont që nuk e kemi parë 11 vite! Unë shoh fitore, fitore, fitore!

Politike

Fati i çiftit Meta-Kryemadhi është vendosur para një jave, ja çfarë u dekonspiruar

Analisti Arian Curi ka deklaruar se për kreun i Partisë së Lirisë, Ilir Meta dhe zonja Monika Kryemadhi është marr masa e sigurisë para një jave.

Sipas tij, ekzekutimi i kësaj masa sigurie nuk është ekzekutuar më parë sepse është dekonspiruar operacioni.

“Operacioni u shty sepse u dekonspirua. SPAK nuk ka dëshirë që të dekonspirohet operacioni por në mestë të javës së kaluar është marr masa e sigurisë për çiftin Meta-Kryemadhi , ku një prej të dyve është arrest shtëpie dhe një tjetër arrest me burg.

Në ditët në vazhdim do ta shikoni se cili është në njërin vend dhe cili në vendin tjetër. Thjesht pritet që të ekzekutohet vendimi”, deklaroi ai