Petkoviç: Turqia me Kosovën janë fajtorë për kërcënimin ndaj paqes dhe stabilitetit në Ballkanin Perëndimor

“Turqia, së bashku me Kosovën, është fajtorja më përgjegjëse për kërcënimin ndaj paqes dhe stabilitetit në Ballkanin Perëndimor” – keshtu tha Petar Petković, drejtor i Zyrës për Kosovën ne kuvendin e Serbisë.
Petković i tha TV Informer se lajmi për dorëzimin e disa mijëra dronëve Prishtines, përfaqëson kërcënimin më të drejtpërdrejtë për paqen dhe stabilitetin në Ballkanin Perëndimor dhe tregon se Turqia ka vendosur të përshkallëzojë situatën, duke këmbëngulur të jetë fuqia e parë për sa i përket mbështetjes dhe pranisë, duke kërcënuar kështu më drejtpërdrejt shtetin e Serbisë, por edhe të gjithë Ballkanin Perëndimor.
Ai kujtoi se kjo shkon kundër gjithçkaje për të cilën po lufton Presidenti serb Aleksandar Vuçiç me nisma të ndryshme, që është kapërcimi i mosmarrëveshjeve historike me prosperitet ekonomik dhe stabilitet në Ballkan.
Petković nënvizoi gjithashtu se sjellja e Turqisë nuk është vetem e djeshme, teksa i dha drone Kosoves dhe se kjo e fundit është një pikë uji në kovë.
“Ju e dini shumë mirë se në vitin 2023, Turqia i dorëzoi dronë Bayraktar Kosoves. Kurti gjithashtu nënshkroi marrëveshje me Turqinë për të ndërtuar një fabrikë municionesh dhe një laborator për prodhimin e dronëve të thjeshtë. E gjithë kjo tregon se Turqia po e armatos seriozisht Kosovën”, theksoi Petkovic
“Kurti nuk po armatoset për të sulmuar Shqipërinë. Ai po krijon aleancë me Shqipërinë dhe Kroacinë, duke shkelur marrëveshjen për kontrollin e armëve rajonale. Ai nuk po kërcënon Bullgarinë, sepse ajo dëshiron t’i bashkohet asaj aleance ushtarake, ose Malit të Zi, i cili e ka njohur Kosovën. Ky është një kërcënim i drejtpërdrejtë dhe ekskluzivisht për Serbinë”- potencoi Petkoviç duke shtuar se dronët që mori Kosova janë një armë serioze vdekjeprurëse që përdoret ekskluzivisht për sulm.