Protestë kombëtare para Ministrisë së Arsimit, të rinjtë ngrenë zërin: Protestojmë për çdo gjë…

Studentët dhe të rinjtë kanë njoftuar organizimin e një proteste kombëtare këtë të martë, përpara Ministrisë së Arsimit në Tiranë, për të kundërshtuar problematikat që, sipas tyre, vijojnë të mbeten të pazgjidhura dhe mungesën e reagimit nga institucionet përgjegjëse.

Përmes një thirrjeje publike, organizatorët u bëjnë apel studentëve nga të gjitha qytetet e vendit, si dhe qytetarëve të tjerë, që t’i bashkohen tubimit për të kërkuar vëmendje më të madhe ndaj shqetësimeve të të rinjve.

Protesta është bërë publike përmes një pankarte, ku përcillet mesazhi i pakënaqësisë ndaj problematikave që, sipas organizatorëve, vazhdojnë të mos marrin zgjidhje. Ata synojnë që përmes këtij tubimi të ngrenë zërin për çështjet që ndikojnë te studentët dhe të rinjtë, si dhe të kërkojnë reagim nga institucionet.

“Protestojmë për çdo gjë që nuk funksionon dhe për çdo gjë që duam të jetë ndryshe”, thuhet në mesazhin e publikuar nga organizatorët.

Deri më tani, në thirrjen publike nuk janë specifikuar të gjitha kërkesat konkrete që do të paraqiten gjatë protestës.