Politike

‘Rasti Muça fakton drejtësinë me regji’/ Berisha: SPAK-u vegël e Partisë

Kryetari i Partisë Demmokratike Sali Berisha ka deklaruar se rasti i kreut të IT-së në Policinë e Shtetit Ervin Muçës, fakton drejtësinë me regji. Me anë të një postimi në Facebook, Berisha thekson se Muçën në krye të Departamentit të Teknologjisë së Informacionit, e ka emëruar vetë Taulant Balla. Po ashtu Berisha shkruan se vetëm 3 ditë pasi hyri në punë Muça ka shkarkuar në USB të dhënat e TIMS me qëllim eksportimin e tyre. Berisha thekson se të dhënat e TIMS u vodhën për të ndërhyrë në sistem dhe për të zhdukur në gjurmët, datat, fotografitë e Taulant Ballës, Olsi Ramës në dhjetëra e qindra udhëtime të tyre në shoqërim të bosëve të trafikut të drogës.

Postimi i Plotë:

Të dashur miq, Taulant Balla politikani më i përfolur për lidhjet e tij me krimin, drogën, vetëm 5 ditë pas emërimit Ministër i Brendshëm, emëroi në krye të Departamentit të Teknologjisë së Informacionit Ervin Muça, cyber kriminelin e damkosur për hakerimin e tatimeve, kadastrës së shtetit, borderove të administratës shtetërore dhe jo shtetërore etj. Në atë kohë u tha se ky emërim u be me porosi direkt të Edi Ramës.

Vetëm tre ditë pas marrjes së detyrës, Ervin Muça kreu haptas dhe publikisht një nga krimet shtetërore më të rënda në fushën e sigurisë së shtetit shqiptar. Ervin Muça në kundërshtim flagrant me ligjin shkarkoi në USB të dhënat e TIMS me qëllim eksportimin e tyre. Këtë akt të pashembult Muça e kreu kryesisht me persona të kompanive private me qendër në Qipro, mbasi punonjësit përgjegjës për sistemin refuzuan të merrnin pjesë në këtë akt kriminal, ata dhanë dorëheqjen nga detyra dhe denoncuan po atë ditë këtë akt shumë të rëndë të drejtorit të sapo emëruar. Qëllimet më kryesore të këtij mega skandali dhe mega krimi të shëmtuar janë:

1-Eksporti i të dhënave sekrete të TIMS në Moskë dhe Beograd duke iu dhënë kështu mundësi armiqve të Shqipërisë të njihen me të gjitha hyrjet dhe daljet e punonjësve të partnerëve tanë të NATO-s në Shqipëri, identitetin e tyre, numrin e pasaportës, eventualisht targat e tyre, kohën e qendrimit etj.

2- Dorëzim i të dhënave të TIMS kundrejt miliona eurove grupeve dhe organizatave kriminale të lidhura me Ramën dhe Ballën për të patur të dhëna të plota për grupet rivale, vendndodhjen në Shqipëri ose jo të tyre.

3- Të dhënat e TIMS u vodhën për të ndërhyrë në sistem dhe për të zhdukur në TIMS gjurmët, datat, fotografitë e Taulant Ballës, Olsi Ramës në dhjetëra e qindra udhëtime të tyre në shoqërim të bosëve të trafikut të drogës si Edmond Bego, Pëllumb Gjoka, Genti Xhixha, Ilir Hyseni, Gentian Gjonaj, Ermal Hoxha etj., etj.

4- Të dhënat e TIMS u vodhën për të fshirë gjurmët e personave misteriozë në qindra udhëtime të ‘Ismailit’ bashkudhëtarë të Ramës dhe siç flitet edhe gjurmët e ngarkesave në baule të mëdha diplomatike të qindra udhëtimeve të tij brendia e të cilave është për t’u hetuar.

Pas zbulimit të këtij superskandali si për të demaskuar veten, reaguan njëri pas tjetrit të tre përgjegjësit kryesor Muça, Balla, Rama.

Me gjithë shqetësimin publik që shprehu përfaqësuesi i Ambasadës së SHBA për këtë skandal me pasoja serioze për sigurinë e vendit. Muça deklaroi se ka zbatuar vetëm detyrën, Balla deklaroi e mashtroi se nuk ka patur asnjë shartësim apo rrjedhje kurse Rama u shpreh se fajin e ka Saliu dhe se: ‘Hetimi i brendshëm është kryer i plotë dhe ska asnjë shqetësim’. Pas këtyre deklaratave çdo gjë u la në harresë, Spak ndonëse kishte të bënte me një krim shumë të rëndë shtetëror në fushën e sigurisë të kryer në bashkëpunim, pra që plotësonte çdo kusht për grup të strukturuar kriminal hap çështje penale kryesisht vetëm me urdhër të Partisë. Por pas krijimit të Komisionit Hetimor Parlamentar për të përjashtuar çdo mundësi hetimi për Ramën dhe Ballën u vendos që çështja t’ju dërgohej për kompetencë Prokurorisë së Tiranës apo Prokurorisë Felaj duke dëshmuar kështu se kemi të bëjmë me një farsë të neveritshme gjyqësore që dëshmon plotësisht fytyrën reale të drejtësisë së re dhe kontrollin e plotë të saj nga Edi Rama.

Related Topics:Ervin Muça.kreut të IT-së kryesore politike qeveri rama sali berisha TE DHENA TIMS

Politike

Nikoll Lesi: Ja kush përflitet si kandidati i opozitës për kryeministër

Nikoll Lesi thotë se në opozitë kanë nisur të qarkullojnë emrat, për kandidatë të mundshëm për kryeministër, nëse fitojnë zgjedhjet e 2025.

“Opozita ka filluar të mbledhë rripat dhe të riorganizohet. Gazmend Bardhi dhe Agron Gjekmarkaj janë dy emrat më të besuar në publikun e gjerë në raport me Berishën që ka afro 400 mijë militantë të tij.

Edhe Ilir Meta po forcohet, nga 110 mijë vota synon të kapë 200 mijë vota e kusur.

Por prapë nuk e mposhtin Edi Ramën që ka 800 mijë vota të garantuara.

Ndaj burime brenda opozitës tregojnë se përveç opozitës së rrugës duke goditur e denoncuar pushtetin, e dijnë se akoma janë pas kryeministrit, që mbetet një makineri elektorale gjigande; ndaj po shikojnë se si të mbledhin pjesën gri të votuesve.

Skema është se duhet të dalin me emrin e kryeministrit dhe zv.kryeministrit në zgjedhje dhe të mos e lenë pas zgjedhjeve. Kjo bëhet që të shtojnë votat.

Belind Këlliçi dhe Ilir Alimehmeti janë dy emrat me të lakuar nga opozita për emrin e kandidatit për kryeministër.

Por Ilir Meta ndonëse ka afërsi dhe besim te Këlliçi kërkon që emri i zv.kryeministrit të jetë Erisa Xhixho. Ndërkohë mjeku Ilir Mehmeti është më i gjithëpranuar nga publiku sepse nuk bën pjesë në asnjë grupazh në opozitë.

Ilir Alimehmeti po të garonte për kryebashkiak në kryeqytet mund të shkonte kokë me kokë me Erion Veliaj. Por lobingjet e interesit të kullave nuk e lejuan të kandidonte mjekun Alimehmeti.

Përflitet koridoreve të opozitës se edhe Gazment Bardhi mbetet kandidaturë serioze por PL nuk e pranon për arsyet e saj. Agron Gjekmarkaj pranohet nga Ilir Meta, nëse Berisha e kandidon.

Por nga të gjithë mjeku Ilir Alimehmeti mbetet kandidati jashtë klaneve dhe pazarëve dhe që mund të garantojë drejtësi e ligj”, shkruan Lesi në gazetën e tij.

Politike

Veliaj: Lepujt s’më heqin dot, nuk dorëzohem

Rithemelmi nuk heq dorë nga dhuna. Pavarësisht apelit të policisë për të mos kryer akte dhune, grupiprotestuesit kanë hedhur molotov drejt bashkisë së Tiranës. Disa të rinj janë filmuar edhe duke hedhur vezë drejt godinës. Pjesëmarrja është shumë e ulët.

Protesta e Rithemelimit dhe Aleancës për Mbrojtjen e Teatrit ka nisur në orën 16:30 pranë Bashkisë së Tiranës kur dhe është thirrur dhe këshilli bashkiak që po zhvillohet online.

Veliaj duke folur online para këshilltarëve bashkiakë me gjuhë të ashpër ndaj kundështarëve politikë e jo vetëm, atyre që i quan ‘armiqë’ u shpreh i vendosur se do të vijojë të jetë në krye të bashkisë madje inkurajoi dhe këshilltarët bashkiakë të vijojnë punën për një Tiranë më europiane.

“Lepujt s’na heqin dot… Nuk dorëzohem. Do të punoj akoma më shumë. E shijova në mënyrë profesionale shkuarjen në SPAK. Nëse janë burra të zbresin nga ballkoni I Berishës të zbresin nga paralelja e Metës e të shkojnë në SPAK. Secili prej maskarenjve atje përballë ka interesin e vet”

Politike

Basha: Sfida kodoshësh, i përdorin njerëzit si ‘mish për top’

Kryetari i partisë Demokratike Lulzim Basha ka ironizuar fjalën e Ilir Metës se është në gjendje të grumbullojë qindra protestues sërish në shesh. Sipas Bashës këto janë numra të një kaste politike, që i përdor njerëzit si mish për top. Basha tha në Frontline Interview në Report Tv, se do ta çrrënjosin këtë kulturë politike.

‘Këta janë sfida kodoshësh të vjetër që nuk kanë lidhje me realitetin. Janë njerëz të mbaruar. Çfarë janë këta i ka rrogëtar nëse u ka falur janë numra të një kaste të vjetër politike që i trajtojnë njerëzit mish për top këtë kulturë politike në do ta çrrënjosim. Nuk ka më të marrë këtu të çoj atje, hajde këtu.

Nëse qeveria do të rrezohet vetëm me protesta atëherë do të ishte e thjeshtë, anulonim zgjedhje, anulonim kushtetutën. Ky është model anarkist. Protestat janë një moment presioni.’- tha Basha

Politike

‘I bëri elozhe prej legjendari, por Berisha e lëshoi Metën’

Arben Meçe foli për indiferencën e Sali Berishës për Konventën Kombëtare të PL-së së Ilir Metës. Meçe tha se, Berisha nuk do ta lejojë Metën që ta lidhë figurën e tij, më të, edhe pse kreu i PL-së i thuri elozhe prej legjendari ish-kryeministrit.

“Berisha ishte bojkotuesi më i madh i Konventës së Metës. Ai ishte absolutisht i ftohtë me Metën. Sepse vetëm një gjë nuk e pranon Berisha. Nuk mundet ta barazojë autoritetin e vet, simbolikën e vet me simbolikën e Ilir Metës dhe të dy të bashkohen si të dënuar politikë nga regjimi i Ramës etj.

Berisha është i kujdesshëm që nesër kur të arrestohet Meta të thotë: “Jo zotëri ai e bëri veprimin, por unë nuk e pranova, sepse unë nuk i dërgova njerëz, nuk e thirra, ai erdhi vetë.” Në fjalimin e tij Berisha nuk foli fare për PL-në. Çdo lloj fjalimi mbajti, ama vetëm për PL-në nuk foli.

Ndërsa Meta veshi fanellën simbolikë dhe i bëri elozhe prej legjendari Berishës. Kishte një qëndrim prej servili. Nuk ishte servil, por ishte strategji ndaj Berishës që të bashkonte figurën e vet më të ish-kryeministrit. Por Berisha nuk e pranon këtë gjë.”, tha zoti Meçe.

Politike

“Isha te kolegët”/ Berisha: Veliaj në SPAK, si kryeinspektori i drejtësisë!

Ish-kryeministri, Sali Berisha ka komentuar mbrëmjen e sotme thirrjen në SPAK të kryebashkiakut të Tiranës, Erion Veliaj dhe deklaratën e këtij të fundit, duke i qujatur prokurorët ‘kolegë’.

Gjatë fjalës në protestën poshtë banesës së tij, Berisha u shpreh ndër të tjera se ‘kryehajduti i Tiranës shkoi te Skapi i partisë si kryeinspektor i drejtësisë’.

Më tej Berisha theksoi se Veliaj urdhëroi mbledhjen e Këshillit online, dhe rrethoi Bashkinë me 500 policë pasi u frikësua nga revolta e qytetarëve.

“Ju e patë se si u struk në vrimën e miut, i rrethuar me 500 policë, kryehajni i Tiranës”,- thotë Berisha ndër të tjera.

Berisha: Miqtë e mi, kur qytetarët e Tiranës dhe të mbarë Shqipërisë, mbarë kombit, pa se si u ngritën në ajër si luanë barrikadat që mbronin horrin.

Keni marrë, keni merituar bekimin e mbarë shqiptarëve.

Urimin e zemrës së mbarë shqiptarëve.

Mosbindja juaj civile, revolta juaj ishte një kryevepër në llojin e vet.

Një kryevepër e njerëzve që mbrojnë kauza të drejta.

Është fatlum ai apo ajo që i kushton veten një kauze të drejtë.

Dhe ju e patë se çfarë fuqie kishte kauza jonë sot.

Ju e patë se si u struk në vrimën e miut, i rrethuar me 500 policë, kryehajni i Tiranës.

Ju e patë mirë shpërfytyrimin e tij.

Të dashur miq, kam një lajm të mirë për ju dhe për shqiptarët.

Duke evokuar protestat e 30 viteve më parë, lajmi i mirë është ky: ju garantoj se këta qeveritarë të sotëm, të kalbur dhe krimbur në krime dhe drogë, kanë humbur çdo sens realiteti më keq se sa nomenklatura komuniste e vitit 1991.

Ju u keni kallur datën, po i lebetitni, po i lemerisni me qëndresën tuaj.

Diktaturës i keni dhënë sot goditjen më të rëndë.

I keni dhënë sot lebetinë dhe tmerrin më të madh.

Miqtë e mi, por sot ishte edhe një ditë siç u thashë, që dëshmoi kalbësirën e plotë dhe totale të narkoshtetit, të narkodrejtësisë, të narkobashkisë.

Ju e dëgjuat vetë se si Erion Veliaj u tha shqiptarëve se isha te kolegët dhe bashkëpunëtorët dhe se i përgëzoj se po punonin mirë.

Pra, kryehajduti i Tiranës shkoi te Skapi i partisë si kryeinspektori i drejtësisë.

E kuptoni ju vetë se çfarë poshtërimi i bëri ky Skapit të partisë.

Ky kryehajdut i bashkisë.

Por mos harroni se ky e shprehu haptas: isha te bashkëpunëtorët.

Nuk ka të vërtetë më të madhe, vjedhjet i kanë të përbashkëta.

Bashkëpunimi i tyre i vetëm është vjedhja, abuzimi dhe mbrojtja e krimit.

Edhe kjo është një pjesë e qenësishme e fitores tuaj sot.

Sepse sot, prapë ju hapët sytë edhe shqiptarëve më skeptikë se kush është Erion Veliaj dhe ç’është Skapi i partisë.