Serbisë, presion për antarësimin e Kosovës në KiE

Ministri i Punëve të Jashtme i Serbisë, Ivica Daçiç, tha se ndaj Serbisë dhe vendeve anëtare të BE-së, që nuk e kanë njohur Kosovën, po ushtrohet presion që të mos marrin pjesë në seancën e Këshillit të Evropës, ku do të vendoset për fillimin e procesit të pranimit të Kosovës dhe të pajtohen në heshtje me këtë vendim.

Ai tha se Këshilli i Ministrave i Këshillit të Europës aktualisht kryesohet nga Irlanda, e cila i ka premtuar Prishtinës zyrtare se do të iniciojë procedurën për anëtarësimin e saj në këtë organ dhe u shpreh se “Raporti i forcave në Këshillin e Europës është i tillë që garanton se ndoshta vendimi për pranimin e Kosovës do të kalojë”.

Shefi i diplomacisë i sapo emëruar në qeverinë e re të Bërnabiç, deklaroi se Serbia është në një pozitë të vështirë në Europë dhe se kryeministri i Kosovës, Albin Kurti po sillet me arrogance sepse askund në Perëndim nuk është dëgjuar ndonjë deklaratë se Kosova do të përballet me sanksione nëse nuk është konstruktive, por nga ana tjetër, kur flitet për Serbinë “përmenden shuplaka”.

Daçiç gjithashtu ka theksuar se propozimi franko-gjerman është paraqitur në mënyrë të papranueshme për Serbinë dhe se versioni përfundimtar i dokumentit, nuk do të vendoset nga Franca dhe Gjermania në mënyrë të pavarur, por fjalën përfundimtare do ta ketë Këshilli i Sigurimit i OKB-së.