Lifestyle

Shpëtoni nga fryrja e barkut dhe kilogramët e tepërt

Fryrja e barku është një problem me vete. Rrobat të rrinë keq, ndihesh e avashtë dhe dikush mund të mendojë se je 3 muajsh shtatzënë.

Ka disa truqe për t’i shpëtuar këtij problemi, edhe pse disa prej tyre mund të jenë humbje kohe. Por, për fatin tuaj të mirë, ekspertët kanë zbuluar se cilat nga këto truqe duhet të shmangni, cilat duhet t’i ndiqni me kujdes dhe cilat janë të sigurta për t’i shpëtuar fryrjes së barkut. Më poshtë do t’i gjeni të renditura nga ato më pak efikase deri ato më të mirat.

8. Vaji i kastorit

Thuhet se nëse aplikoni vaj kastori të vakët në pjesën e stomakut, mund t’ju ndihmojë të digjni dhjamin e tepërt në trup dhe të keni një bark më të sheshtë. Ekspertët thonë se nuk ka të dhëna që vërtetojnë nëse funksionon ose jo dhe nuk ka asnjë arsye të qartë që mund ta shpjegojë. Përfundimi: është humbje kohe ta provosh këtë teknikë.

7. Mbështjellja e trupit

Shumica e njerëzve mendojnë se mbështjellja e trupit është një mënyrë e lehtë për hequr dhjamin e tepërt në bark. Ky trajtim përfshin mbështjelljen e pjesës së belit me qese plastike dhe mbajtja ashtu për një kohë të gjatë. Edhe pse disa njerëz betohen për të, nuk ka të dhëna që ajo funksionon vërtetë, thonë ekspertët. “Sigurisht që do të humbisni përmbajtje të ujit nga djersa, por trupi transporton sërish lëngje aty ku ka mungesa”.

Me pak fjalë: do të vini re një farë efekti brenda 1-2 orësh, por vetëm kaq.

6. Çajrat detoksikues

Këto lloje çajrash, që mendohet se pastrojnë sistemin, përshpejtojnë metabolizmin dhe ulin fryrjen e barkut, mund të jenë efektive deri në njëfarë pike, megjithatë duhet të tregoni kujdes në përdorimin e tyre. Teprimi me to mund të çojë në efekte anësore, si diarre për shembull. Çaji jeshil është më i mirë në këto raste, pasi është më diuretik, ndihmon për t’u dobësuar ose kur keni fryrje barku, dhe më e rëndësishmja, ka më pak efekte anësore.

5. Gjumi i mirë

Fjetja mjaftueshëm, 7-9 orë në natë, ndihmon në normalizimin e funksionimit të zorrëve dhe parandalon kapsllëkun, duke minimizuar kështu fryrjen e barkut.

4. Thithni më pak ajër

Ngrënia shumë shpejtë, përtypja e çamçakëzit, pirja me pipëz etj, të gjitha këto bëjnë që ju të thithni me shumë ajër. Ajri i tepërt kalon në stomak, tek zorra e hollë dhe e trashë, duke shkaktuar kështu fryrje barku dhe gazra. Për të shmangur një gjë të tillë, qëndroni larg këtyre veseve.

3. Hani shpesh dhe nga pak

Kur hani vakte të bollshme, ata kërkojnë më shumë kohë për t’u tretur, dhe fermentimi i ushqimeve të patretura mund të çojë në gazra të brendshme. Nëse këto gazra nuk dalin nëpërmjet gromësirave, atëherë mund të grumbullohen në stomak dhe zorrë, dhe shkaktojnë fryrje të tyre. Mundohuni të hani shpesh dhe nga pak që t’i jepni mundësi stomakut ta tresë ushqimin siç duhet.

2. Konsumoni erëza qetësuese

Mundohuni të kufizoni ushqimet me piper të zi, spec djegës, salcë domatesh, uthull molle, qepë, mustardë, salcë djegëse, pasi të gjitha këto rrisin acidet në stomak dhe shkaktojnë refluks acidik. Në vend të tyre zgjidhni erëza qetësuese, si xhenxhefil, Shafran Indie, kanellë, mente etj.

1. Shmangni ushqimet që shkaktojnë gazra

Shmangia e ushqimeve që shkaktojnë gazra ose konsumimi i tyre me limit është mënyra më e mirë për të luftuar fryrjen e barkut. Këtu fillojmë që me karbohidratet, si buka e bardhë, orizi i bardhë, ëmbëlsirat, torta, po ashtu me perimet si brokoli, lulelakra etj. Në vend të tyre konsumoni ushqime të pasuar në proteina, me pak yndyra, si kos, peshk etj.

Related Topics:barku Fryrja e barkut kilogramët e tepërt lifestyle obezitet ORGANIZMI renie ne peshe shendeti

Lifestyle

Pse duhet të konsumoni sa më shumë arra

Përfitimet shëndetësore të arrave janë mbresëlënëse. Ato kanë një mori lëndësh ushqyese, si yndyrna, omega-3, vitaminë E dhe magnez.

Disa nga arsyet pse duhet të hani arra rregullisht është sepse:

Arrat mund të ndihmojnë në uljen e presionit të gjakut.

Studimet kanë zbuluar se arrat janë në gjendje të ulin nivelin e kolesterolit.

Arrat mund të zvogëlojnë rrezikun e disa kancereve

Për shkak të shumë antioksidantëve dhe lëndëve ushqyese anti-inflamatore që gjenden te arrat, komuniteti shkencor ka zbuluar se arrat mund të zvogëlojnë rrezikun e disa llojeve të kancerit, duke përfshirë atë të gjirit, kolorektalin dhe prostatën.

Arrat mbështesin funksionin e mirë të trurit

Disa studime sugjerojnë se arrat janë të mira për trurin dhe kujtesën tuaj. Një studim zbuloi se arrat përmirësonin ndjeshëm aftësitë e të mësuarit, kujtesën dhe ankthin.

Arrat ju ndihmojnë të keni një plakje të shëndetshme

Arrat janë të mbushura me lëndë ushqyese të shëndetshme që përmirësojnë trurin tuaj dhe ju ndihmojnë të plakeni mirë.

Një studim vëzhgues i mbi 50,000 grave të moshuara tregoi se ato me dietat më të shëndetshme kishin një rrezik 13% më të ulët të problemeve shëndetësore dhe arrat ishin ndër ushqimet që dhanë kontributin më të fortë në një dietë të shëndetshme.

Lifestyle

Kjo është shenja më e zgjuar e Horoskopit

Ekzistojnë lloje të ndryshme të inteligjencës – disa janë të lindura, dhe disa i fitojmë gjatë jetës.

Disa njerëz instinktivisht dinë të reagojnë në situata të reja, dhe disa reagojnë bazuar në përvojat e kaluara. Këto janë të gjitha gjëra që përcaktojnë inteligjencën e dikujt, dhe ka faktorë të tjerë. Njëra prej tyre është astrologjia.

Çdo shenjë e zodiakut ka specifikat e veta dhe secila është e veçantë në diçka. Thuhet se Dashi është i pavarur, Akrepat janë besnikë dhe Virgjëreshat janë të organizuara.

Studiuesit britanikë u përpoqën të përcaktonin se cila ishte shenja më e zgjuar, dhe për ta bërë këtë, ata e bazuan kërkimin e tyre në numrin e çmimeve Nobel të dhëna që nga viti 1901.

Binjakët janë treguar të jenë shenja më e zgjuar e zodiakut.

Anëtarët e kësaj shenje morën 97 çmime Nobel në shekullin e kaluar, që është padyshim një arritje mbresëlënëse. Edhe pse mund të mos keni qenë nxënësi më i mirë në shkollën e mesme, tani mund të jetë koha për ta ndryshuar atë dhe për të përqafuar aftësitë tuaja.

Binjakët konsiderohen si shenja më e zgjuar sepse ata gjithmonë përpiqen të jenë më të mirët dhe u pëlqen të mësojnë gjëra të reja, shkruan Astrofame.

Kurioziteti i tyre natyror do të thotë që atyre u pëlqen të sfidojnë veten dhe të shkëlqejnë në gjithçka.

Lifestyle

Njerëzit inteligjentë e gjejnë më vështirë dashurinë e jetës

Njerëzit inteligjentë janë më analitikë kur është fjala për dashurinë. Kjo për shkak se njerëzit inteligjentë kanë tendenca të kenë parashikime më të mira sesa të tjerët.

Kur i përmendim ‘parashikimet’, fjala është për aftësinë e të analizuarit një situatë, të rikujtoni përvojat e kaluara relevante dhe t’i shikoni mundësitë adekuate për të ardhmen.

Nëse këtë mentalitet e aplikoni edhe në lidhje të dashurisë, njerëzit inteligjentë largohen më shpejt nga lidhja kur shfaqen shenjat e para të telasheve, transmeton Ekonomia Online. Pra, nëse përvoja është mësuesi më i mirë, atëherë njerëzit e mençur do të mbështeten në të për t’i marrë vendimet.

Inteligjentët “mbrohen”

Efekt tjetër anësorë i të mbështeturit në përvojë kur është fjala për dashurinë, është se inteligjentët kanë tendenca të mbrohen apo ruhen më shumë. Ata kanë më shumë problem të jenë më të hapur sepse truri i tyre analitik asnjëherë nuk ndalon së reflektuari në rrethanat e të kaluarës kur janë hapur me dikë tjetër dhe që janë lënduar nga ky proces.

Për këtë arsye, njerëzit tjerë mendojnë se personi është i ftohët – karakteristikë të cilën askush nuk e dëshiron te një partner.

Njerëzit inteligjentë duan vet të jenë beqarë

Njerëzit me inteligjencë të lartë mendojnë analitikisht, edhe kur vjen fjala për gjërat si lidhjet e dashurisë. Prandaj, njerëzit inteligjentë e kuptojnë se të qenit vetëm është më mirë sesa të qenit me personin e gabuar. Ky është vendim tejet i menduar dhe i arsyeshëm.

Pra, në esencë, njerëzit inteligjentë janë beqarë sepse duan të jenë beqarë.

Lifestyle

Pluhuri afrikan pritet të mbulojë Athinën dhe Kretën në Greqi

Autoritetet janë në alarm “të kuq” për shtatë ditët e ardhshme, pasi sipas parashikimeve të ekspertëve pritet të ketë një përqendrim të madh të pluhurit afrikan në atmosferë.

Nëse parashikimet vërtetohen, përqendrimi i pluhurit afrikan në atmosferë do të jetë veçanërisht i lartë dhe spitalet dhe autoritetet kompetente do të duhet të mobilizohen menjëherë, për grupet vulnerabël dhe qytetarët me probleme të frymëmarrjes.

Më konkretisht, nga dita e sotme, e premte, 17 maj, deri të enjten, 23 maj, pluhuri afrikan pritet të mbulojë vendin, ndërsa do të ketë edhe rritje të temperaturës.

Efektet do të intensifikohen gjatë fundjavës dhe do të zgjasin të paktën deri të enjten.

Deri më tani, ato pritet të tërhiqen gradualisht të premten.

Parashikimet tregojnë se zonat ku fenomeni do të jetë më intensiv janë Kreta dhe Athina.

Në këto dy zona pritet një përqendrim i lartë i pluhurit afrikan, por të dhënat e deritanishme nuk tregojnë se fenomeni do të ngjajë me pamjet e frikshme të ndodhura muajin e kaluar.

Efektet do të jenë më të dobëta në Peloponez, ndërsa Greqia e Veriut nuk duket të jetë prekur deri më tani.

Në të njëjtën kohë, në të njëjtat ditë merkuri do të rritet ndjeshëm dhe temperaturat do të lëvizin në kufijtë e valës së të nxehtit, por pa i tejkaluar ato.

Në Kretë temperaturat “do të arrijnë” deri në 35 gradë Celsius.

Harta tregon përqendrimet e vlerësuara të pluhurit pranë tokës për orët e mbrëmjes të së premtes 17/05 në të gjithë vendin, ndërsa grafikët e ngulitur paraqesin përqendrimet e pluhurit në lartësi në tre qytete të zgjedhura (Athinë, Kalamata, Heraklion).

Lifestyle

Gjërat për të cilat njerëzit ju gjykojnë më së shumti

Shoqëria sot përballet me një varg problemesh sociale e një ndër to është edhe paragjykimi. Madje, njerëzit shkojnë aq larg, duke bërë gjykime edhe për gjërat më të vogla që ndoshta ju nuk u kushtoni fare rëndësi.

Ngjyra e rrobave

“Psychology Today”, thotë se njerëzit gjykojnë në bazë të ngjyrave të rrobave tuaja. Nëse ju visheni më shumë me ngjyrë të zezë do të thotë se jeni person më serioz dhe më artistik, ndërsa personat që preferojnë ngjyrat si e kuqja, cilësohen më energjik dhe më të hapur.

Kafshimi i thonjve

Nga anketa të ndryshme është vërtetuar se personat të cilët hanë thonjtë e tyre ose lëvizin këmbët gjatë qëndrimit ulur janë më të stresuar.

Këpucët

Njerëzit kanë shkuar deri tek ky element. Psikologët kanë treguar se këpucët luajnë një rol të rëndësishëm në përshtypjen që njeriu krijon tek të tjerët. Për shembull, lloji i këpucëve tregon moshën, pjekurinë, personalitetin, gjininë, nivelin intelektual e gjëra të tjera.

Mënyra si ju i shtrëngoni duart

Për këtë mund të kemi dëgjuar edhe më parë. Shtrëngimi i duarve mund të tregojë vendosmëri, fuqi dhe guxim apo në anën tjetër, dobësi, frikë dhe vetë-dyshim.

Shkrimi juaj

Personat të cilët shkruajnë me shkronja të vogla janë më të ndrojtur dhe më të rezervuar përkundër personave që shkruajnë me shkronja të mëdha që mendohet të jenë më të hapur.