Lifestyle

Simptomat që tregojnë se mund të jeni duke vuajtur nga ankthi

Është më se normale që të folurit në publik apo mungesa e stabilitetit financiar t`ju bëjë të ndiheni të pasigurt apo në ankth, por për disa njerëz ankthi bëhet aq i shpeshtë saqë fillon të jetë pjesë e pandarë e jetës së tyre.

Ankthi shfaqet në disa mënyra, siç janë krizat e panikut, fobia apo edhe forma të tjera.

Më poshtë po ju rendisim disa prej simptomave që tregojnë se vuani nga ankthi dhe nëse i keni shfaqur këto simptoma, e mira është t`i drejtoheni një psikologu, pasi vetëm ai mund t`ju ndihmojë në këtë rast.

Shqetësim i tepruar

Shqetësimi i tepërt është shenjë e ankthit. Njerëzit që vuajnë nga ankthi shqetësohen së tepërmi për gjërat e përditshmërisë, edhe për ato më të voglat dhe të parëndësishmet, madje mund të shqetësohen edhe për faktin pse janë të shqetësuar.

Ankthi ndërhyn në jetën e përditshme dhe shoqërohet me simptoma të dukshme, siç është lodhja.

Problemet me pagjumësinë

Mund të ndodhë që të kesh probleme me pagjumësinë herë pas here, por nëse kjo kthehet në diçka të vazhdueshme mund të jetë një tregues i ankthit.

Nëse nuk ju zë gjumi gjatë natës, pasi jeni të shqetësuar për diçka që ka lidhje me paratë, me ndonjë problem tjetër apo me asgjë në veçanti, mund të vuani nga ankthi.

Tensioni i muskujve

Tensioni i shpeshtë ose i vazhdueshëm i muskujve lidhet me ankthin. Ushtrimi i vazhdueshëm mund ta mbajë tensionin e muskujve nën kontroll, por kjo nuk është një shenjë që duhet ta anashkaloni.

Probleme me barkun

Problemet me barkun lidhen ngushtë me problemet psikologjike si stresi dhe ankthi. Një tregues tjetër janë problemet e vazhdueshme me ngërçet, kapsllëkun, diarrenë dhe gazrat.

Frika për të dalë para shumë njerëzve

Të gjithë kanë emocione para se të dalin para shumë njerëzve, por nëse kjo kthehet në frikë dhe në emocione të pakontrollueshme, atëherë kemi të bëjmë me ankth.

Njerëzit që vuajnë nga ankthi janë të shqetësuar shumë ditë para një situate apo eventi ku ka shumë njerëz dhe nëse ia dalin, më pas shqetësohen se çfarë kanë menduar të tjerët për të.

Po ashtu, njerëzit që vuajnë nga ankthi mund t`i përjetojnë problemet e mësipërme edhe kur janë të rrethuar nga një numër i vogël njerëzish. Atyre ju duket sikur të gjithë po i shohin dhe përjetojnë skuqje, djersitje, të përziera apo vështirësi në të folur.

Krizat e panikut

Krizat e panikut mund të jenë të tmerrshme. Mendoni t`ju kapë një ndjenjë e papritur frike që mund të zgjasë për disa minuta dhe që shoqërohet me rrahje të shpejta të zemrës, me probleme me frymëmarrjen, dridhje duarsh, pafuqi, përzierje, djersitje, dhimbje stomaku, dhimbje kraharori etj.

Fiksimi me perfeksionin

Zakonisht njerëzit që vuajnë nga ankthi janë të fiksuar pas perfeksionit, këshillon Class. Kjo ndikon drejtpërdrejtë në jetën e përditshme, pasi lidhet me paaftësinë për të përfunduar një detyrë pasi kërkohet vazhdimisht që të jetë perfekte apo të mos dalësh nga shtëpia për tre orë, derisa grimi të duket perfekt.

Sjellje obsesive

Në këtë rast mendimet tuaja obsesive shoqërohen edhe me veprime po aq obsesive dhe mund të jenë psikologjike, si të menduarit shumë shpesh shprehje të tipit “gjithçka do të jetë mirë” ose fizike, si larja e vazhdueshme e duarve.

Dyshimet te vetja

Njerëzit që vuajnë nga ankthi kanë vazhdimisht dyshime te vetja dhe bëjnë shpesh pyetje me vete, të llojit: “Po sikur të jem gay?”, “E dua partnerin aq sa më do ai?” etj.

Problemet me zhurmat

Reagimi ndaj çdo zhurme, sado të vogël mund të lidhet me ankthin.

Related Topics:ankth lifestyle pagjumesi pasiguri shendeti shendeti mendor tensione zhurma

Lifestyle

Çfarë ndodh me trupin tuaj kur konsumoni mjaltë çdo ditë?

Mjalti ka qenë gjithmonë një ilaç mjekësor për shumë mijëvjeçarë. Në të gjithë globin, paraardhësit tanë dukej se ishin të vetëdijshëm për përfitimet e shumta shëndetësore të mjaltit.

Marrja e një luge mjaltë çdo ditë mund të ketë përfitime të shumta për shëndetin tuaj. Ushqyesit kryesorë në mjaltë janë karbohidratet në formën e glukozës dhe fruktozës. Gjithashtu përmban sasi të vogla të vitaminave, proteinave dhe mineraleve të nevojshme.

Përfitimet shëndetësore të mjaltit:

1-Mjalti është i mirë për gjakun tuaj

Mjalti ndikon në organizëm në mënyra të ndryshme në varësi të mënyrës se si e konsumoni. Nëse mjalti përzihet në ujë të vakët dhe pihet, ai ka një ndikim të dobishëm në numrin e rruazave të kuqe të gjakut (RBC) në gjak. RBC-të janë kryesisht përgjegjëse për bartjen e oksigjenit në gjak në pjesë të ndryshme të trupit.

2- Mjalti ësht një ushqim energji

Një nga përdorimet e rëndësishme të mjaltit në mjekësinë tradicionale është si një përforcues i menjëhershëm i energjisë. Bordi Kombëtar i Mjaltit i SHBA-së rekomandon konsumimin e mjaltit sepse ai përmban shumë vitamina dhe minerale në sasi të vogla.

3-Mjalti ndihmon me tretjen

Mjalti ndihmin në reduktimin e kapsllëkut,fryrjes dhe gazrave. Ai gjithashtu është i pasur me baktere probiotike të cilat ndihmojnë në tretje, promovojnë shëndetin e sistemit imunitar dhe reduktojnë alergjitë.

4- Mjalti ndihmon fëmijët të flejnë mirë

Rezultatet paraprake nga disa studime tregojnë se mjalti mund të përmirësojë cilësinë e gjumit tek fëmijët. Bazuar në opinionet e prindërve, studimet arritën në përfundimin se mjalti reduktonte kollën tek fëmijët gjatë natës dhe i ndihmonte të flinin më mirë.

5-Mjalti nxit shërimin e djegies dhe plagëve

Ai është përdorur për të shëruar plagët dhe djegiet që nga Egjipti i lashtë dhe është ende i zakonshëm edhe sot. Një përmbledhje e 26 studimeve mbi kujdesin ndaj mjaltit dhe plagëve, zbuloi se mjalti është mjaft i efektshëm në shërimin e djegieve me trashësi të pjesshme dhe plagët që janë infektuar pas operacionit.

6- Përmirëson shëndetin e zemrës

Mjalti mund të ndihmojë në parandalimin e sëmundjeve të zemrës. Sipas një rishikimi, mjalti mund të ndihmojë në uljen e presionit të gjakut, përmirësimin e niveleve të yndyrës në gjak, rregullimin e rrahjeve të zemrës dhe parandalimin e vdekjes së qelizave të shëndetshme.

Lifestyle

Si të lehtësoni dhimbjet e forta të shpinës gjatë shtatzënisë

Dhimbjet e vogla të shpinës gjatë shtatzënisë zakonisht nuk kërkojnë trajtim. Por nëse ajo është një dhimbje e fortë ju duhet të konsultoheni me mjekun pasi mund të jetë një shqetësim serioz që mund të ketë lidhje me shtatzëninë.

Më shumë se 70% e njerëzve përjetojnë dhimbje shpine gjatë shtatzënisë.

Ngritja e këmbëve ose një masazh mund të lehtësojë dhimbjet e vogla të shpinës. Për të ndihmuar në parandalimin e dhimbjes së shpinës duhet të keni parasysh këto këshilla:

Shmangni ngritjen e objekteve të rënda. Nëse ju duhet të ngrini diçka përkuluni në gjunjë, jo në bel.

Kur uleni, mundohuni të uleni drejt në karrige që ofrojnë mbështetje të mirë të shpinës.

Disa zgjedhje veshjesh mund të ndihmojnë në lehtësimin e dhimbjes. Vishni atlete ose këpucë të tjera që ofrojnë mbështetje të mirë dhe lini mënjanë takat deri pas lindjes së foshnjes.

Lifestyle

Pse tradhtojnë partnerët? Arsyet më të shpeshta

Nëse jeni kureshtarë të dini arsyet më të shpeshta pse tradhtojnë partneret, ja ku i keni.

1. Lidhja juaj ka mbaruar

Shkaku më kryesor padiskutim që është fundi i lidhjes suaj. Nëse dy persona janë të dashuruar, mes tyre nuk ka vend për një të tretë. Ndaj, para se të fajësoni vajzën apo djalin që hyri mes jush, duhet të kuptoni që ishit ju të dy që i dhatë këtë mundësi.

2. Dëshira seksuale

Ndonjëherë, partneri juaj nuk tradhton sepse nuk ju do, apo sepse gjithçka mes jush ka mbaruar. Shkaku mund të jetë më sipërfaqësor, thjesht dëshira seksuale. Pra, mes jush ka ende dashuri, por kur shfaqet një person i ri tërheqës, partneri juaj mund të joshet e të humbasë kontrollin.

3. Vetëbesimi i ulë

Nëse partneri juaj ju tradhton, nuk do të thotë që është domosdoshmërisht faji juaj. Ndoshta ai thjesht ka vetëbesim të ulët, e kjo është mënyra e tij të ‘rifitojë’ këtë besim te vetja, të ndihet më i sigurt e më i dëshiruar.

Lifestyle

Rreziqet nga takimet online

Aplikacionet për takime tani janë bërë një mënyrë shumë normale për të takuar njerëz të rinj dhe për të gjetur partnerë, por gjithmonë ekziston një rrezik.

Në përgjithësi, rreziqet që hasen në aplikacionet e takimeve janë të njëjta me ato që hasen në mediat e rregullta sociale. Me ndryshimin që, mbase, brenda kontekstit të takimeve në internet, takimi i drejtpërdrejtë merret pothuajse gjithmonë në konsideratë, i cili është potencialisht një element i rrezikut konkret.

Ata do t’ju dërgojnë gjëra që ju nuk dëshironi – Rreth 51% e grave të pajtuara në aplikacione takimesh thonë se kanë marrë materiale seksuale të qarta dhe të pakërkuara. Shifrat reale janë ndoshta edhe më të mëdha.

Ata do t’ju tregojnë gjëra të këqija të pavërteta – 45% e grave raportojnë se u janë nënshtruar mesazheve agresive. Shaka të vogla, fyerje, kërcënime, nxitje për vetëvrasje, fraza mizogjinie, seksizëm, vrasje femërore. Dhe pastaj përsëri keqdashje, mashtrime, meme dhe mesazhe urrejtëse ndaj gruas dhe ekzistencës së saj. Pak a shumë, ky është thelbi i gjithë poshtërsisë që gratë janë të detyruara të lexojnë çdo ditë.

FOBO (Frika nga opsionet më të mira) – Frika se ka mundësi më të mira, është një pasojë e pakëndshme dhe e natyrshme e takimeve në internet që na bën të kemi frikë se mos humbasim opsione më të mira sesa ato që shfaqen thjesht dhe që na bën të lëvizim furishëm në aplikacion duke kërkuar profile më të mira, buzëqeshje më të bukura, muskuj më të skalitur.

Rreziqet “reale” – Përveç rreziqeve të lidhura thjesht me botën virtuale në të cilën lëvizim në aplikacionet e takimeve, është e rëndësishme të mos harrojmë rreziqet më “klasike”, ato që mund të hasim në të vërtetë në jetën reale, dhe për këtë arsye momenti i takimit. Dhe këtu duhet të zbatojmë një sërë rregullash që në teori duhet t’i dimë tashmë përmendësh për të mbrojtur sigurinë tonë personale.

Lifestyle

Mashkulli ideal ekziston, këto janë shtatë karakteristikat e tij

Gjetja e njeriut ideal nuk është e lehtë, por bëni mirë që në kokën tuaj të keni disa ide të qarta rreth mashkullit perfekt me të cilin vendosni të lidhni jetën

Përveç imagjinatës suaj, kuptohet. Këtu janë shtatë tiparet e djalit të përsosur, që çdo grua do donte ta kishte në krahë.

1. Ai është në gjendje t’ju dëgjojë

Dëgjimi aktiv është një aftësi që nuk duhet të nënvlerësohet dhe djali i përsosur me të vërtetë e merr në konsideratë atë që ju i thoni atij dhe nuk fle gjumë ndërkohë që ju flisni, qoftë edhe për gjëra fare të parëndësishme.

2. Është i ëmbël në shtrat

Edhe intimiteti është shumë i rëndësishëm. Në një marrëdhënie hipotetike romantike dhe ideale, njeriu mund të komunikojë hapur me ju dhe ju jeni në gjendje të hapni plotësisht veten tek ai.

3. Ai është besnik

Djali që dëshiron çdo grua është ai që mund të shohë dhe të mendojë vetëm për ty. Besnikëria është një virtyt i madh në një marrëdhënie serioze.

4. Kujdeset për pamjen e tij

Gratë duan të kenë në krahë të tyre një djalë i cili është i veshur mirë dhe kujdeset për veten, si edhe për aspektin higjienik. Dhe njeriu ideal lahet çdo ditë dhe vishet bukur.

5. Ai është i pëlqyeshëm

Një ndjenjë e humorit është gjithmonë shumë e çmuar nga gratë, të cilat duan të merren me gjithçka ndodh përreth dhe të qeshin me partnerin e tyre.

6. Ai është inteligjent

Një grua nuk i pëlqen njerëzit pa mend në kokë e që nuk janë në gjendje të mendojnë ose të flasin për gjëra serioze. Një njeri inteligjent është gjithashtu një njeri i kulturuar, i cili studion dhe di shumë gjëra.

7. Ai është i sjellshëm

Në një marrëdhënie, mirësia është thelbësore, sepse të gjitha gratë duan të trajtohen mirë. Njeriu ideal është një kavalier, i cili hap derën për të dalë nga makina, i cili ju derdh verë në gotë së pari dhe gjithmonë ju bën kompliment për mënyrën se si jeni veshur.