Lifestyle

Sindroma e lodhjes kronike, mos i injoroni simptomat

Sindroma e lodhjes kronike, siç sugjeron edhe emri, është një sëmundje rraskapitëse: Njerëzit me lodhje kronike vuajnë nga një ndjesi e pashpjegueshme dhe ekstreme e lodhjes, që mund të zgjasë për disa muaj deri disa vite.

Deri tani, ka pasur një konceptim të gabuar mbi këtë sindromë – edhe nga vetë mjekët – pasi mendohej se sëmundja ishte psikologjike ose, më keq akoma, e imagjinuar. Ky koncept u hodh poshtë nga një grup ekspertësh në vitin 2016, të cilët e shpjeguan lodhjen kronike si një “gjendje molisje serioze” me simptoma të qarta fizike.

Si diagnostikohet lodhja kronike?

Nuk ka një test laboratorik që mund të përcaktojë lodhjen kronike dhe simptomat e saj mund të ngatërrohen lehtësisht me disa sëmundje të tjera, gjë qe e bëjnë të vështirë diagnostikimin e sëmundjes.

Fakti që është një sëmundje komplekse me simptoma të ndryshme në trup e vështirëson edhe më shumë diagnostikimin e saj. Në librat mjekësorë gjithashtu shkruhet shumë pak për lodhjen kronike dhe më pak se 1/3 e shkollave mjekësore e përfshijnë atë në kurrikulat e tyre.

Për të diagnostikuar sëmundjen, mjeku duhet të përjashtojë sëmundjet e tjera që shkaktojnë lodhje dhe të identifikojë shenjat treguese të lodhjes kronike të prezantuara më poshtë.

Keni këputje

Ndiheni të lodhur dhe të këputur pa asnjë arsye. Gjendja vazhdon të jetë e njëjtë edhe pasi bëni pushim. Ekspertët thonë se të paktën një e katërta e njerëzve që vuajnë nga sindroma e lodhjes kronike arrijnë në një pikë që duan të qëndrojnë vetëm shtrirë.

Edhe qëndrimi ulur për një kohë të gjatë në një pozicion të parehatshëm mund të bëhet shkak për shfaqjen e këtyre simptomave.

Ndiheni edhe më keq kur i kaloni limitet

Nëse vendosni më shumë stres (fizik, mendor ose emocional) në trup, atëherë gjendja do të përkeqësohet edhe më shumë. Nyjet limfatike të pacientit mund të ënjtjen, ose mund të kenë dhimbje të kyçeve e në pjesë të tjera të trupit.

Ekspertët përmendin raste të pacientëve që tregojnë se kur bëjnë ushtrime më shumë seç duhet, përjetojnë dhimbje në të gjithë trupin. Në këtë rast u duhet një ditë e tërë ose më shumë që të rimarrin veten.

Zgjoheni shpesh të lodhur

Njerëzit me sindromën e lodhjes kronike mund të qëndrojnë 12 orë në shtrat, megjithatë, kur çohen mund të ndihen sikur nuk kanë fjetur fare. Ky fenomen quhet ndryshe “gjumë i parifreskuar’.

Sipas Qendrës për Kontrollin e Sëmundjeve, shumë njerëz që vuajnë nga sindroma e lodhjes kronike fillojnë të kenë probleme me gjumin. Disa nga shqetësimet më të zakonshme, si pagjumësia dhe zgjimi shpesh gjatë natës, bën që pacientët të ndihen të këputur në mëngjes në vend që të jenë plot energji.

Prandaj këta pacientë duhet të dinë shumë mirë që t’i menaxhojnë energjitë e tyre.

Truri fillon të ngadalësohet

Disa njerëz me lodhje kronike fillojnë të përjetojnë “çrregullime njohëse”. Në shumicën e raste ndodh që ata të kenë vonesa në përpunimin e informacionit. Ata mund të kenë gjithashtu probleme me kujtesën afatshkurtër.

Këto probleme mendore – ku përfshihet edhe vështirësia për t’u përqendruar, për të zgjidhur ndonjë problem apo bërë ndonjë planifikim – e bëjnë më të vështirë mbajtjen e një pune apo ndërveprimin në situata të ndryshme sociale. Këto probleme mund të përkeqësohen edhe më shumë kur jeni të stresuar ose e lodhni shumë veten. Ata mund të çojnë në ndjenja izolimi dhe vetmie.

Keni marrje mendsh

Për shumë pacientë që vuajnë nga sindroma e lodhjes kronike, edhe një veprim i thjeshtë si qëndrimi në këmbë – duke bërë dush për shembull, ose duke larë enët – mund të shkaktojë marrje mendsh, trullosje, ndoshta edhe gjendje të fikëti. Nëse personi ulet ose shtrin këmbët, simptomat mund të lehtësohen. Por nuk zhduken krejtësisht.

Ky fenomen quhet ndryshe “intoleranca ortostatike”, i cili lidhet me ndikimin e lodhjes kronike në sistemin nervor autonom, që është “pjesë e sistemit nervor që kontrollon gjithashtu që është automatike në trup, përfshirë edhe qarkullimin e gjakut. Lodhja kronike shkakton probleme me presionin dhe qarkullimin e gjakut.

Keni dhimbje të kokës, muskujve ose kyçeve

Dhimbja është një simptomë e zakonshme e lodhjes kronike, e cila mund të jetë në disa forma, duke filluar nga dhimbja e kokës deri tek dhimbja e kyçeve dhe muskujve. Ajo ndryshon gjithashtu në intensitet nga një person në tjetrin. Shumë pacientë që vuajnë nga kjo sindromë ndiejnë sikur janë me grip apo sikur janë të dehur.

Simptoma të tjera

Pacientët që vuajnë nga sindroma e lodhjes kronike tregojnë se kanë përjetuar edhe simptoma të tjera, edhe pse më pak se të tjerat.

Këta pacientë kanë probleme gastrointestinale, dhimbje të fytit, probleme me traktin urinar dhe ndjeshmëri ndaj ilaçeve, ushqimeve ose stimuj të tjerë të caktuar.

Nëse i keni këto simptoma, duhet të konsultoheni patjetër me një mjek. Sa më shpejt të diagnostikoheni, aq më shpejt mund të merrni trajtimin për t’u ndier më mirë.

Lifestyle

Ja çfarë i ndodh trupit gjatë fluturimit me aeroplan

Të marrësh pushim nga puna dhe jeta e përditshme për të udhëtuar është një mënyrë mjaft e mirë për ta rifreskuar mendjen dhe trupin, por nëse keni për të bërë një udhëtim të gjatë me aeroplan, atëherë duhet t’i dini disa rreziqe shëndetësore që shkaktohen nga fluturimi

Një infografikë e lëshuar nga Citybase Apartments tregon se çfarë ndodh saktësisht në trupin tuaj gjatë fluturimit.

Fryrje, të ftohtë, rrahje të parregullt të zemrës dhe një rritje të rrezikut të prishjes së dhëmbëve janë vetëm disa nga sëmundjet për të cilat duhet të përgatiteni para fluturimit tuaj të ardhshëm.

Grafika tregoi gjithashtu se të çoheni në këmbë dhe të bëni zgjatje gjatë fluturimit ndikon që të mos i përjetoni problemet e cekura.

Kjo thuhet në grafikë:

Goja: Atmosfera në kabinë do t’ju dehidratojë në mënyrë natyrale, dhe sigurisht, kjo përkeqësohet nëse pini alkool gjatë fluturimit.

Zemra: Disa udhëtarë mund të vuajnë nga ‘aritmia’, një çrregullim i rrahjes së zemrës. Kjo ndodh sidomos tek ata që kanë shtypje të lartë të gjakut ose që kanë konsumuar kafeinë shumë ose alkool.

Stomaku: Ngjashëm me mushkëritë, stomaku do të zgjerohet në shkallë të lartë, duke shkaktuar dhimbje abdominale dhe kapsllëk. Për ta evituar këtë, qëndroni larg pijeve me gaz.

Këmbët: Të qëndrosh ulur në pozitën e njëjtë për orë të tëra jo vetëm që është e parehatshme por edhe ndikon në formimin e mpiksjeve të gjakut. Një mpiksje mund të ndalojë rrjedhjen e gjakut në këmbë, duke shkaktuar ënjtje dhe zgjerim të venave.

Veshët: Duke u nisur aeroplani, ajri në veshë mblidhet, duke formuar një vakum. Nëse tubat ‘Eustachian’ në veshë bllokohen, shkakton dhimbje në timpanin e veshit.

Hunda: Keni 100 herë më shumë gjasa që të ftoheni gjatë një fluturimi. Kjo për shkak se kabinat janë virtualisht pa lagështi, një atmosferë e përsosur për të shpërndarë grip.

Dhëmbët: Ndryshimet në presionin e ajrit mund të shkaktojnë vrima të vogla të gazit në dhëmbë dhe të ndikojnë në prishjen e tyre.

Mushkëritë: Ajri në kabinë bën që mushkëritë të zgjerohen, duke shkaktuar fryrje. Tek ata që kanë astmë, mund të ketë komplikime të tilla si dështim të mushkërive.

Lifestyle

A e dini se edhe sytë “digjen” nga dielli? Çfarë duhet të bëni për t’i mbrojtur

Ka gjithmonë një pjesë të fytyrës suaj që nuk mbroni si duhet, sytë tuaj. Gjatë dhe pas pushimeve të verës, shumë njerëz ankohen për probleme të syve dhe shikimit. Mjaft persona përjetojnë shqetësime sikur kanë copëza prej qelqi në sytë e tyre. Këto janë shenja që sinjalizojnë fotokeratitin. Fotokeratiti është në thelb një djegie nga dielli në pjesën e përparme të syrit tuaj, që quhet kornea.

Ashtu si djegia e lëkurës nga dielli mund të jetë e dhimbshme, fotokeratiti sjell shqetësime serioze në sy.

Përveç ndjenjës së “copëzave të xhamit”, fotokeratiti shkakton skuqje, shikim të paqartë, ndjeshmëri ndaj ndriçimit dhe në raste të rralla edhe humbje të përkohshme të shikimit. Sa më gjatë t’i ekspozoheni sytë ndaj rrezeve UV, aq më të rënda mund të jenë simptomat, thonë specialistët.

Gjendja, gjithashtu, mund të shkaktohet nga reflektimet nga dielli, kur pasqyrohet në ujë ose shkëmbinj të bardhë dhe rërë.

Për fat të mirë, dëmtimi i syve nga dielli, zakonisht nuk është i përhershëm. Njëlloj si djegiet në lëkurën tuaj, fotokeratiti zgjat vetëm për disa ditë, thonë ekspertët.

Rreziku i dëmtimit të përhershëm është i ulët nëse ekspozimi ndaj rrezeve UV është kufizuar në pjesën e përparme të syrit, te kornea.

Megjithatë, nëse ekspozimi ndaj rrezeve UV ndikon tek retina, që ndodh nëse shikoni direkt në diell, ekziston një rrezik më i madh dhe më serioz i problemeve të përhershme me shikimin.

Ndërsa sytë tuaj shërojnë nga fotokeratiti, ata mund të trajtohen duke përdorur pika të syrit, pika antibiotike, ose pomadë të rekomanduara nga një mjek okulist.

Ashtu si mbroni lëkurën tuaj nga dielli, është e rëndësishme të mbroni sytë tuaj për të parandaluar ndonjë djegie.

Ndërkohë që, pa dyshim, nuk vendosni kremin kundër djegies në sy, por duhet të lyeni gjithmonë kapakun e syve tuaj.

Një studim zbulon se njerëzit kanë tendencë të lënë pa trajtuar me krem kundër djegies rreth 10 për qind të fytyrës së tyre – duke përfshirë zonën e syve.

Lëkura e hollë dhe e ndjeshme rreth syve është zona ku ndodhin 10 për qind të rasteve të kancerit të lëkurës. Prandaj është shumë e rëndësishme të siguroheni që po mbroni të gjithë zonën e syve nga rrezet e dëmshme.

Lifestyle

Lëngu i lakrës së kuqe, si ta përdorni për veshkat, mëlçinë dhe tretjen

Lëngu i lakrës së kuqe është i jashtëzakonshëm për organizmin.

Ai është i pasur me vitamina, minerale dhe antioksidantë të cilët forcojnë imunitetin, luftojnë sëmundjet dhe mbrojnë organet prej tyre.

Sipas të dhënave të AgroWeb.org, lakra e kuqe është një nga burimet më të mrekullueshme të vitaminës C, që ndikon pozitivisht për shumë funksione në organizëm.

Një gjysëm gote uji me lëngun e lakrës së kuqe përmban 150 miligramë vitaminë C, që është edhe 100% e nevojës ditore të organizmit për këtë vitaminë.

Në të njëjtën sasi mund të merrni 650 miligramë kalium që përbën 14% të dozës së rekomanduar ditore dhe 102 mikrogramë të vitaminës K, që përbën 85% të nevojës ditore të organizmit për këtë vitaminë.

Lakra e kuqe ka 10 herë më shumë vitaminë A se lakra e bardhë.

Kjo vitaminë e mban lëkurën të shëndetshme, forcon imunitetin dhe mbron shikimin.

Për më tepër, lakra e kuqe ka dyfishin e hekurit që ofron lakra e bardhë.

Në këtë artikull do të mësoni tre receta të rëndësishme të lëngjeve me bazë të lakrës së kuqe, të cilat ju ndihmojnë për mbrojtjen e veshkave, pastrimin e mëlçisë dhe sistemin tretës.

Për pastrimin e mëlçisë
Për të marrë një dozë të lartë antioksidantësh kundër radikaleve të lira dhe pastrimin e mëlçisë, rekomandohet:

Përbërësit:
Gjysma e një lakre të kuqe të përmasave mesatare
Një panxhar mesatar
Kokrrat e një shege
Një copë e vogël xhenxhefili e qëruar.
Hidhini të gjithë përbërësit në një shtrydhëse frutash dhe pijeni lëngun menjëherë.

Për shëndetin e veshkave
Përbërësit:
1 tufë me kopër
Gjysëm molle jeshile,
3 gota uji me lakër të kuqe të grirë.
Hidhini të gjithë përbërësit në shtrydhëse dhe pijeni rregullisht.

Lëngu i lakrës së kuqe për tretjen
Lakra e kuqe rekomandohet edhe për përmirësimin e tretjes.

Për të marrë përfitimet e saj ndiqni recetën e mëposhtme:

Përbërësit:
2 gota uji me lakër të kuqe të grirë
3 kërcenj selinoje
Gjysma e një limoni me gjithë lëkurë
Gjysma e një molle jeshile
Lajini të gjithë përbërësit dhe kalojini në shtrydhësen e frutave.

Lëngun pijeni menjëherë.

Ky lëng eliminon gazrat e tepërt në stomak dhe vë në lëvizje të gjithë sistemin tretës.

Nga secili prej lëngjeve mund të pini një gotë në ditë për rreth 2 javë e ta përsërisni sa herë të jetë e nevojshme.

Lifestyle

Çiftet e zodiakut që mund të drejtojnë një biznes së bashku

BINJAKËT – PESHORJA

Binjakët dhe Peshorja e kuptojnë njëri-tjetrin me sy. Ata me shumë mundësi do të kenë një biznes që përfshin shërbimin ndaj klientit dhe marrëdhëniet me publikun. Suksesi është i garantuar sepse ata kanë qëllime dhe praktika të përbashkëta.

VIRGJËRESHA – BRICJAPI

Forca në unitet. Këtu po flasim për një çift shumë efikas. Virgjëresha është një “milingonë” në punë, nuk ndalet së punuari dhe Bricjapi është i përsosur në menaxhimin e biznesit. Qëllimi i tij është vetëm suksesi dhe fitimi dhe ai do të bëjë gjithçka për ta arritur atë.

LUANI – DASHI

Nëse këta të dy mund të lënë pak mënjanë egon e tyre dhe të bien dakord se kush është në krye të biznesit, atëherë ju e dini se ata mund të arrijnë gjëra të mëdha. Sepse të dy janë liderë, synimi i tyre është paraja dhe jeta e mirë dhe bëjnë gjithçka për të fituar para dhe për të kënaqur shijet e tyre.

DEMI – AKREPI

Këtu po flasim për çiftin që mund të krijonte një perandori, jo thjesht një biznes. Dy shenjat që kanë paratë në gjak, dinë t’i bëjnë, kanë këmbëngulje, obsesion dhe efikasitet të madh. Ata nuk ndalen para asnjë pengese dhe mbi të gjitha vënë interesin e familjes, sigurinë dhe stabilitetin financiar dhe mirëqenien e saj.

GAFORRJA – UJORI

Nëse ky çift do të hapte një biznes, do t’ia dilnin për mrekulli dhe kjo sepse Gaforrja është “mjeshtre” në menaxhimin financiar, por edhe e rezervuar, ndërsa Ujori është novator dhe do të jepte ide që askush tjetër nuk do t’i kishte menduar.

Lifestyle

Pse është më mirë të bëni një dasmë të vogël?

Një çift mesatarisht shpenzon shumë para për dasmën e tyre.

Kur ia shtoni kësaj shume edhe “dramën” familjare të pashmangshme dhe listën e gjatë të detajeve, vetëm shpenzimet emocionale mund të jenë të pallogaritshme, shkruan EO.

Konsiderojeni një dasmë intime (dasmë me pak të ftuar).

Dasmat e tilla kanë shumë më pak stres sesa planifikimi i një ngjarje ekstravangte me 250 të ftuar.

Përpos këtij fakti, janë edhe disa arsye që i gjeni më poshtë e që mund t’ua ndryshojnë mendjen – nga një dasmë plot luks e të ftuar, në diçka shumë më të thjeshtë, festë mes familjes e miqve për kurorëzimin e dashurisë suaj.

Lista e mysafirëve e reduktuar

Nuk ka më diskutime nëse do të ftoni vetëm një kushëri për secilën familje, apo do t’i ftoni me fëmijë ose jo. Thjesht ftoni prindërit tuaj, familjen e ngushtë dhe miqtë e festoni me ta.

Kur lista e mysafirëve reduktohet, shumica e njerëzve e kuptojnë pse nuk i keni ftuar.

Peshojeni nëse është më mirë të mos i njihni të ftuarit tuaj apo të gëzoheni për praninën e secilit në festën tuaj.

Dekore të “pakufizuara”

E keni dëshiruar gjithmonë atë setin e pjatave të shtrenjta? Blini. Keni ëndërruar që ajo kompania që e keni parë në Instagram të bëjë dekorimin e ambientit të dasmës suaj? Thirreni.

Kur keni për të rregulluar një tavolinë (mendoni: një darkë super-elegante) ose një dhomë të vogël, nuk ka presion – sidomos kur është fjala për portofolin tuaj.

Megjithatë, do ta keni dasmën tuaj të ëndrrave

Një tortë e mrekullueshme, lulet që i doni, fotografi plot dashuri, lista e këngëve që keni dëgjuar që kur keni qenë nëntë vjeç?

Asnjë nga këto gjëra nuk duhet të anashkalohet sepse ju po festoni me më pak njerëz.

Në fakt, për shkak se ka më pak të ftuar, mund të bëni gjërat që gjithmonë keni dashur.

Hapësira është e kufizuar, por kur bëhet fjalë për fantazitë tuaja të dasmës, qielli është ende kufiri.