Lifestyle

Sinjalet e një krize nervore

Një krizë nervore përshkruhet nga ekspertët si një situatë stresuese në të cilën dikush bëhet përkohësisht i paaftë për të vepruar normalisht në jetën e përditshme. Zakonisht kuptohet që ndodh kur kërkesat e jetës bëhen fizikisht dhe emocionalisht dërrmuese.

Termi ”krizë nervore” nuk është term mjekësor. Gjithashtu nuk përcakton një sëmundje mendore. Megjithatë, një krizë nervore mund të jetë një tregues i problemeve të shëndetit mendor që duhen adresuar.

Këto probleme mund të vijnë nga depresioni, ankthi apo stresi. Mund të jenë një tregues i madh që keni arritur një kufi të durimit të gjendjes së të qënit “të stresuar” ose “në gjendje kritike”.

Ka një kufi se sa ne mund të durojmë. Është e rëndësishme të njihni shenjat që mund të çojnë në probleme të tjera shëndetësore.

Më poshtë listohen shtatë shenjat e një krize nervore:

Mungesa e përqëndrimit

Stresi mund të rrisë fuqinë e trurit pasi lëshon hormone që rrisin ruajtjen e kujtesës dhe ndihmojnë në përqëndrim.

Për fat të keq, stresi kronik ndikon në hapësirën e përqëndrimit tuaj dhe në aftësinë për t’u fokusuar në projekte dhe në funksionet normale të ditës.

Në raste të rënda, hormoni i stresit, kortizoli, në fakt mund të pakësojë kujtesën tuaj. Është e rëndësishme të njihni nivelin tuaj të stresit dhe të gjeni kohë për të bërë gjëra që mund ta zvogëlojnë efektin e tij.

Mund të ushtroheni, të dilni në natyrë, apo edhe të merrni kohë për të medituar!

Rrahje jo të rregullta të zemrës

Kur po përjetoni një krizë nervore, mund të ndjeni një rrahje jo të rregullt të zemrës. Ju ndjeni sikur zemra po ju rreh në drejtim të kundërt me kraharorin dhe bëhet e pamundur për të marrë frymë.

Shpesh, mund të filloni të djersisni. Një sulm paniku ka simptoma të ngjashme. Kur të bëni kotrollin tek mjeku, simptomat do të tregojnë se çdo gjë është në rregull.

Një frymëmarrje e thellë madje edhe shtriqja, mund të ndihmojnë në hapjen e zonës së kraharorit. Ankthi dhe stresi mund të imitojnë simptomat e problemeve të zemrës.

Çrregullime të stomakut

Dhimbjet e stomakut janë shpesh shenja fizike të ankthit dhe stresit.

Nëse vëreni se keni dhimbje të shtuar në stomak, kapsllëk, gazra, fryrje apo diarre mund të jeni duke vuajtur nga sindroma e irritimit të zorrëve (IBS). Ajo shkaktohet nga përgjigjet e sistemit imunitar ndaj stresit.

Nëse dyshoni se keni IBS, bisedoni me mjekun tuaj për mundësitë e lehtësimit fizik dhe emocional.

Dhimbje koke të tensionuar

Stresi mund të shkaktojë dhimbje koke të jashtëzakonshme. Ne tentojmë të mbajmë gjithçka brenda dhe trupi tensionohet. Muskujt e qafës dhe shpatullave bëhen të ngurtë dhe gjëja tjetër që ndikohet është koka.

Vini re qëndrimin tuaj. A po rrini shtrembër? A uleni siç duhet dhe ecni drejt?

Kur jemi në stres, trupat tanë fizikë dhe emocionalë sulmohen. Muskujt tanë, veçanërisht rreth zonës së kokës dhe qafës, e gjejnë veten duke punuar jashtë orarit në gadishmeri për çdo lëvizje.

Dhimbjet e tensionuara të kokës mund të jenë gjithashtu shenja të problemeve të tjera me shëndetin. Nëse dhimbjet e kokës vazhdojnë për disa javë, ju lutemi kërkoni ndihmë profesionale mjekësore .

Probleme me gjumin

Mungesa e gjumit është një nga shkaqet më të zakonshme të stresit mendor, veçanërisht e niveleve ekstreme të stresit.

Depresioni shkakton periudha më të gjata gjumi dhe paaftësi për të punuar siç duhet gjatë ditës. Gjumi i tepërt shkaktohet nga stresi i tepërt, ankthi dhe çrregullime të tjera mendore.

Simptomat e pagjumësisë përfshijnë: të qëndruarit zgjuar për periudha të gjata kohore përpara se të bini në gjumë; intervale të shkurtra të gjumit; të qëndruarit zgjuar gjatë pjesës më të madhe të natës; ndjesi sikur nuk keni bërë gjumë fare; dhe/ose të zgjuarit shumë herët në mëngjes.

Mjeku juaj do të diagnostikojë problemet e gjumit bazuar në raportet mjekësore dhe gjumin gjatë një provimi fizik.

Depresioni

Krizat nervore mund të jenë pjesë e depresionit. Depresioni është një gjendje e një humori të keq dhe e mospëlqimit ndaj gjallërisë që mund të ndikojë në mendime, sjellje dhe ndjenjën e mirëqenies.

Depresioni mund të jetë shkaku themelor i krizës suaj nervore. Nëse keni pak interes apo kënaqësi në të bërit gjërat që bëni zakonisht në jetë apo nëse ndiheni të pashpresë, këto janë shenja të rënda të depresionit.

Nëse nuk ndaloni së menduari ose ju shfaqen mendime për vetëvrasje, ju lutemi drejtohuni tek ndihmat e specializuara.

Periudhat e patrajtuara të depresionit mund të çojnë në probleme të mëdha shëndetësore mendore dhe fizike.

Ankthi

Ankthi shkaktohet nga frika dhe fobitë. Është pamundësia për të parë përtej këtij momenti, me një ndjenjë dërrmuese paralize.

Të qenit tejet të stresuar gjatë gjithë kohës është një simptomë e zakonshme ankthi. Ankthi prish gjumin, duke shkaktuar gara mendimesh për orë të tëra.

Ndërsa disa ankthe janë të përgjithësuar, të tjerët mund të jenë më specifikë. Kur ankthi lidhet me diçka specifike si situata të caktuara, mund të jetë dëmtues.

Psikoterapia dhe modalitetet e tjera mendore-trupore, të tilla si akupunktura, yoga, dhe hipnoterapia mund të zvogëlojnë stresin dhe frikën.

Related Topics:krize nervore lifestyle shendeti sinjale

Lifestyle

Pse duhet të konsumoni sa më shumë arra

Përfitimet shëndetësore të arrave janë mbresëlënëse. Ato kanë një mori lëndësh ushqyese, si yndyrna, omega-3, vitaminë E dhe magnez.

Disa nga arsyet pse duhet të hani arra rregullisht është sepse:

Arrat mund të ndihmojnë në uljen e presionit të gjakut.

Studimet kanë zbuluar se arrat janë në gjendje të ulin nivelin e kolesterolit.

Arrat mund të zvogëlojnë rrezikun e disa kancereve

Për shkak të shumë antioksidantëve dhe lëndëve ushqyese anti-inflamatore që gjenden te arrat, komuniteti shkencor ka zbuluar se arrat mund të zvogëlojnë rrezikun e disa llojeve të kancerit, duke përfshirë atë të gjirit, kolorektalin dhe prostatën.

Arrat mbështesin funksionin e mirë të trurit

Disa studime sugjerojnë se arrat janë të mira për trurin dhe kujtesën tuaj. Një studim zbuloi se arrat përmirësonin ndjeshëm aftësitë e të mësuarit, kujtesën dhe ankthin.

Arrat ju ndihmojnë të keni një plakje të shëndetshme

Arrat janë të mbushura me lëndë ushqyese të shëndetshme që përmirësojnë trurin tuaj dhe ju ndihmojnë të plakeni mirë.

Një studim vëzhgues i mbi 50,000 grave të moshuara tregoi se ato me dietat më të shëndetshme kishin një rrezik 13% më të ulët të problemeve shëndetësore dhe arrat ishin ndër ushqimet që dhanë kontributin më të fortë në një dietë të shëndetshme.

Lifestyle

Kjo është shenja më e zgjuar e Horoskopit

Ekzistojnë lloje të ndryshme të inteligjencës – disa janë të lindura, dhe disa i fitojmë gjatë jetës.

Disa njerëz instinktivisht dinë të reagojnë në situata të reja, dhe disa reagojnë bazuar në përvojat e kaluara. Këto janë të gjitha gjëra që përcaktojnë inteligjencën e dikujt, dhe ka faktorë të tjerë. Njëra prej tyre është astrologjia.

Çdo shenjë e zodiakut ka specifikat e veta dhe secila është e veçantë në diçka. Thuhet se Dashi është i pavarur, Akrepat janë besnikë dhe Virgjëreshat janë të organizuara.

Studiuesit britanikë u përpoqën të përcaktonin se cila ishte shenja më e zgjuar, dhe për ta bërë këtë, ata e bazuan kërkimin e tyre në numrin e çmimeve Nobel të dhëna që nga viti 1901.

Binjakët janë treguar të jenë shenja më e zgjuar e zodiakut.

Anëtarët e kësaj shenje morën 97 çmime Nobel në shekullin e kaluar, që është padyshim një arritje mbresëlënëse. Edhe pse mund të mos keni qenë nxënësi më i mirë në shkollën e mesme, tani mund të jetë koha për ta ndryshuar atë dhe për të përqafuar aftësitë tuaja.

Binjakët konsiderohen si shenja më e zgjuar sepse ata gjithmonë përpiqen të jenë më të mirët dhe u pëlqen të mësojnë gjëra të reja, shkruan Astrofame.

Kurioziteti i tyre natyror do të thotë që atyre u pëlqen të sfidojnë veten dhe të shkëlqejnë në gjithçka.

Lifestyle

Njerëzit inteligjentë e gjejnë më vështirë dashurinë e jetës

Njerëzit inteligjentë janë më analitikë kur është fjala për dashurinë. Kjo për shkak se njerëzit inteligjentë kanë tendenca të kenë parashikime më të mira sesa të tjerët.

Kur i përmendim ‘parashikimet’, fjala është për aftësinë e të analizuarit një situatë, të rikujtoni përvojat e kaluara relevante dhe t’i shikoni mundësitë adekuate për të ardhmen.

Nëse këtë mentalitet e aplikoni edhe në lidhje të dashurisë, njerëzit inteligjentë largohen më shpejt nga lidhja kur shfaqen shenjat e para të telasheve, transmeton Ekonomia Online. Pra, nëse përvoja është mësuesi më i mirë, atëherë njerëzit e mençur do të mbështeten në të për t’i marrë vendimet.

Inteligjentët “mbrohen”

Efekt tjetër anësorë i të mbështeturit në përvojë kur është fjala për dashurinë, është se inteligjentët kanë tendenca të mbrohen apo ruhen më shumë. Ata kanë më shumë problem të jenë më të hapur sepse truri i tyre analitik asnjëherë nuk ndalon së reflektuari në rrethanat e të kaluarës kur janë hapur me dikë tjetër dhe që janë lënduar nga ky proces.

Për këtë arsye, njerëzit tjerë mendojnë se personi është i ftohët – karakteristikë të cilën askush nuk e dëshiron te një partner.

Njerëzit inteligjentë duan vet të jenë beqarë

Njerëzit me inteligjencë të lartë mendojnë analitikisht, edhe kur vjen fjala për gjërat si lidhjet e dashurisë. Prandaj, njerëzit inteligjentë e kuptojnë se të qenit vetëm është më mirë sesa të qenit me personin e gabuar. Ky është vendim tejet i menduar dhe i arsyeshëm.

Pra, në esencë, njerëzit inteligjentë janë beqarë sepse duan të jenë beqarë.

Lifestyle

Pluhuri afrikan pritet të mbulojë Athinën dhe Kretën në Greqi

Autoritetet janë në alarm “të kuq” për shtatë ditët e ardhshme, pasi sipas parashikimeve të ekspertëve pritet të ketë një përqendrim të madh të pluhurit afrikan në atmosferë.

Nëse parashikimet vërtetohen, përqendrimi i pluhurit afrikan në atmosferë do të jetë veçanërisht i lartë dhe spitalet dhe autoritetet kompetente do të duhet të mobilizohen menjëherë, për grupet vulnerabël dhe qytetarët me probleme të frymëmarrjes.

Më konkretisht, nga dita e sotme, e premte, 17 maj, deri të enjten, 23 maj, pluhuri afrikan pritet të mbulojë vendin, ndërsa do të ketë edhe rritje të temperaturës.

Efektet do të intensifikohen gjatë fundjavës dhe do të zgjasin të paktën deri të enjten.

Deri më tani, ato pritet të tërhiqen gradualisht të premten.

Parashikimet tregojnë se zonat ku fenomeni do të jetë më intensiv janë Kreta dhe Athina.

Në këto dy zona pritet një përqendrim i lartë i pluhurit afrikan, por të dhënat e deritanishme nuk tregojnë se fenomeni do të ngjajë me pamjet e frikshme të ndodhura muajin e kaluar.

Efektet do të jenë më të dobëta në Peloponez, ndërsa Greqia e Veriut nuk duket të jetë prekur deri më tani.

Në të njëjtën kohë, në të njëjtat ditë merkuri do të rritet ndjeshëm dhe temperaturat do të lëvizin në kufijtë e valës së të nxehtit, por pa i tejkaluar ato.

Në Kretë temperaturat “do të arrijnë” deri në 35 gradë Celsius.

Harta tregon përqendrimet e vlerësuara të pluhurit pranë tokës për orët e mbrëmjes të së premtes 17/05 në të gjithë vendin, ndërsa grafikët e ngulitur paraqesin përqendrimet e pluhurit në lartësi në tre qytete të zgjedhura (Athinë, Kalamata, Heraklion).

Lifestyle

Gjërat për të cilat njerëzit ju gjykojnë më së shumti

Shoqëria sot përballet me një varg problemesh sociale e një ndër to është edhe paragjykimi. Madje, njerëzit shkojnë aq larg, duke bërë gjykime edhe për gjërat më të vogla që ndoshta ju nuk u kushtoni fare rëndësi.

Ngjyra e rrobave

“Psychology Today”, thotë se njerëzit gjykojnë në bazë të ngjyrave të rrobave tuaja. Nëse ju visheni më shumë me ngjyrë të zezë do të thotë se jeni person më serioz dhe më artistik, ndërsa personat që preferojnë ngjyrat si e kuqja, cilësohen më energjik dhe më të hapur.

Kafshimi i thonjve

Nga anketa të ndryshme është vërtetuar se personat të cilët hanë thonjtë e tyre ose lëvizin këmbët gjatë qëndrimit ulur janë më të stresuar.

Këpucët

Njerëzit kanë shkuar deri tek ky element. Psikologët kanë treguar se këpucët luajnë një rol të rëndësishëm në përshtypjen që njeriu krijon tek të tjerët. Për shembull, lloji i këpucëve tregon moshën, pjekurinë, personalitetin, gjininë, nivelin intelektual e gjëra të tjera.

Mënyra si ju i shtrëngoni duart

Për këtë mund të kemi dëgjuar edhe më parë. Shtrëngimi i duarve mund të tregojë vendosmëri, fuqi dhe guxim apo në anën tjetër, dobësi, frikë dhe vetë-dyshim.

Shkrimi juaj

Personat të cilët shkruajnë me shkronja të vogla janë më të ndrojtur dhe më të rezervuar përkundër personave që shkruajnë me shkronja të mëdha që mendohet të jenë më të hapur.