Politike

Spaho: Tani jemi me pushime, nuk bëjmë dot protesta se nuk na vijnë as qytetarët

Deputeti i Partisë Demokratike të Rithemelimit, Edmond Spaho, foli mbi punimet e seancës së fundit plenare për këtë sesion parlamentar, që pritet të zhvillohet këtë të enjte.

Sipas Spahos tema e ditës do të jetë interpelanca për aferën e inceneratorëve, dhe arratisja e ish-zv.kryeministrit Arben Ahmetaj. Spaho tha më tej se, nëse kjo aferë, ky skandal do të kishte ndodhur në ndonjë vend tjetër, kryeministri automatikisht do të kishte dhënë dorëheqjen.

Ndërkohë, sa i përket protestave të opozitës, Spaho u shpreh se tani afër nuk kanë ndërmend të thërrasin ndonjë të tillë, për shkak të kohës së pushimeve, por dhe për shkak se i duhet të zgjidhin disa çështje të brendshme në PD.

Nesër mbahet seanca e fundit plenare e këtij sesioni. Më jepni opinionin tuaj, me çfarë bilanci mendoni se po e mbyll kuvendi këto punime këtë herë?

Sa për bilancin e maxhorancës, mjafton të shikosh skandalet e 40 ditëve të fundit për të parë bilancin e këtyre që na drejtojmë. Skandale që tregojnë përmasat e përlyerjes së kësaj qeverie në aspektet korruptive dhe nevojën urgjente për ndryshim.

Nesër do të jetë një ditë e gjatë me shumë çështje për t’u diskutuar. Që nga mocioni me debat për skandalin e inceneratorëve, duke u fokusuar tek arratisja e Arben Ahmetajt, mocion që mazhoranca po përpiqet me çdo formë që ta shmangë.

A dini ju ndonjë vend në Evropë ku të arratiset zv.kryeministri për një aferë shumë të madhe korruptive, ku përfshihen edhe personazhe të tjerë si Kryeministri, Sekretari i Përgjithshëm i Kryeministrisë, kryetari i Bashkisë së Tiranës dhe të themi që nuk ka urgjencë.

Nëse kjo do të kishte ndodhur diku tjetër, automatikisht kryeministri do kishte dhënë dorëheqjen. Të parën gjë që do të ngremë nesër është të korrigjohet rendi i ditës.

A ka instrumente imponimi brenda sallës së Parlamentit?

Ka forma. Këto janë të gjitha ato që ne kemi diskutuar prej kohës, që iniciativat e mazhoracnës nuk miratohen asnjëherë dhe parlamenti është kthyer në një kasolle të mazhorancës. Opozitës i ka ngelur vetëm fjala.

Mund t’i drejtohemi qytetarëve, por këto të shërbejnë edhe si nxitës për qytetarët, që kur ti drejtohemi protestave, të marrin pjesë në mënyrë masive për ta rrëzuar këtë qeveri dhe për ta çuar vendin në zgjedhje të parakohshme.

Do të thotë që protestat presin ende?

Ne do të gjejmë momentin më të përshtatshëm që edhe pjesëmarrja qytetare të jetë masive. Ndërkohë ne kemi qenë të zënë me çështjen e denoncimit të vjedhjes së zgjedhjeve, po ashtu duhet të zgjidhim edhe disa çështje brenda partisë.

Politike

Rastësi apo zgjedhje? Meta nuk e ndjek fjalimin e Kryemadhit, pamjet

Rastësi apo zgjedhje?! Ilir Meta nuk qëndroi në sallë në Konventën e Partisë së Lirisë për të ndjekur fjalimin e Monika Kryemadhit. Ai vendosi që të shkojë të votojë dhe u kthye pasi Kryemadhi mbaroi fjalën.

Politike

“Uaaa, flet partia e vulës për moral”/ Meta: Basha gënjen edhe kur fle

Kreu i Partisë së Lirisë, Ilir Meta u pyet nga gazetarët në lidhje me një video të publikuar sot nga PD e vulës, ku tregoheshin episode të kaluara politike me akuza të ndërsjellta mes Berishës dhe Metës.

Meta e ka cilësuar ‘parti e vulës pa moral’, teksa kthen në vëmendje zgjedhjen e Lulzim Bashës kryetar të Bashkisë së Tiranës.

“Uaaa, ore flet partia e vulës për moral. Si doli ky vulaxhiu kryetar bashkie në Tiranë në 2011, me 23 mijë vota dhe prapë u desh qëndresa e heroike e Arben Ristanit që të dilte. Çfarë të themi, Jo vetëm të gënjen për orën, por ai dhe kur fle nuk ngopet së gënjyeri”, tha Meta.

Politike

Loja vazhdon/ Meta do ta largojë, Kryemadhi i qëndron besnike e voton për president të PL-së

Loja brenda Partisë së Lirisë mes Ilir Metës kryetar partie dhe bashkëshortes së tij, ish-kryetare dhe anëtare e kryesisë ka vijuar gjatë gjithë ditës së sotme teksa në Pallatin e Kongreseve është mbledhur Konventa Kombëtare.

Prej 2-3 javësh, Ilir Meta nisi një fushatë të egër kundër Kryemadhit duke e akuzuar për shkatërrimin e partisë që ia la me 17 deputetë dhe tani ka vetëm katër. Ai e akuzoi bashkëshorten e tij për nepotizëm, që sipas Metës ka dëmtuar rëndë Partinë e Lirisë.

Për këtë Meta thirri edhe Konventën Kombëtare për të ribërë forumet e partisë, e me këtë rast për të larguar bashkëshorten nga kjo forcë politike.

Vetëm ditën e sotme Kryemadhi “e pranoi” fitoren e Metës teksa deklaroi se ajo është një gladiatore me taka, por që do të shohë prioritete të tjera duke iu përkushtuar familjes.

E megjithëse burri e nxori nga skena politike, loja brenda partisë ka vijuar deri në momentet e fundit, kur Kryemadhi e votoi Ilir Metën për President të Partisë, duke e bërë publike votën e saj.

“Nuk ka fshehtësi vote mes burrit dhe gruas”, tha Kryemadhi në votimin që mesa duket do të jetë i fundit i saj si e zgjedhur në forumet e larta të partisë së bashkëshortit të saj.

Politike

Konventa e PL-së/ Meta zbut tonet ndaj SPAK!, asnjë akuzë ndaj drejtësisë

Për rreth një orë 30 minuta kryetari i Partisë së Lirisë, Ilir Meta mbajti një fjalim në Konventën e partisë së tij.

Meta akuzon Ramën se ka rrëmbyer vulën e PD e i gënjen mendja se mund të marrë dhe vulën e PL-së e të shuajë opozitarizmin.

‘Partia do ribëhet! Kush është me Ilir Metën, nëse sot votohet sot si president, rri me Ilir Metën, kush nuk është, burrë apo grua i jep dorën e ikën. Kush qëndron për të bërë lojrat e don Agaçit e Tarallakut e ka gabim, se Ilir Meta ka bërë shkollën e Fatos Nanos, Ramiz Alisë e Sali Berishës. I ka bërë të gjitha shkollat që I duhen për tu përballur me mafian. Nuk bëhet opozita një dorë baklava e një dorë revani’ -tha ish presidenti në fjalën e tij.

Në fjalimin e gjatë s’la pa shigjetuar edhe kundërshtarët të tjerë politikë, por ajo që u vu re ishte se Meta nuk bëri asnjë sulm kundrejt drejtësisë, ndryshe sa e kemi parë kohët e fundit me retorikën e tij të ashpër, kryesisht ndaj kreut të SPAK, Altin Dumanit.

Meta u tregua i kujdesshëm sot që mos të sulmonte sistemin e drejtësisë.

Meta tregoi në Konventë edhe se si ja dha nënshtetësinë Kryepeshkopit të Kishës Ortodokse Autoqefale të Shqipërisë. Meta tha problemi nënshtetësisë së Kryepeshkopit është përdorur për politikë, por ai i dha zgjidhje këtij problemi.

‘Kur më erdhi ambasadorja greke, Eleni, në takimin e parë si president, më tha ‘si do iki unë nga Shqipëria, çështjen e detit jo, çështjen e shtetësisë së Fortlumturisë jo’, dëgjo i thash, tek kjo e detit nuk ma ka fal gjyshi, nuk është i imi, po të doni shtëpinë time, atë ua fal.

Aty është Kushtetuta dhe ka një vendim të Gjykatës, dhe unë dua ta zgjidh në interes të dy vendeve. Ti nuk do ikësh pa asnjë sukses i thash, se problemi i Fortlumturisë do zgjidhet, se çdo gjë është përdorur si një sajesë politike, të shkonte ai 90 vjeç në polici, apliko në komisariat, e kërkon procedura thoshin. Erdhi zotëria, për një javë u zgjidh çështja’, u shpreh Meta.

Politike

Meta: Dy agjenci izraelite të Bashës dhe të Ramës punonin kundër LSI-së

Në Konventën e Partisë së Lirisë Ilir Meta ka cilësuar si krim të madh djegien e mandateve. Meta po ashtu tha se dy kompani izraelite të cilat punonin për Bashën dhe për Ramën, kanë punuar kundër LSI-së.

‘Filloi me 9% LSI numërimet, kur u zgjova unë vajti 6%. E dinim që ishin dy kompani izraelite të cilat koordinonin bashkë kishin lidhje bashkë njëra për Lulin tjetra për Ramën të dyja kundër LSI-së. Çdo njeri ishte i identifikuar. Ata që nuk ishin blerë u bëheshin presion. Kam bërë gabim që kam fol vetëm me 2 deputetë, por duhet të kisha folur më të gjithë një më një. I thash Haxhinastos, që pse e dogje mandatin? Më tha mendova se ti ishe larguar. Por si morë jam larguar unë nga beteja. Me 4 mln shqiptarë plus. Me organizmin që sot fillon nga e para. Sot në darkë do të mblidhemi. Gjysma e partisë sot është në emigracion.’- tha Meta.

Meta po ashtu kritikoi strukturat e partisë në lidhje me anëtarësimet e reja në parti. Meta foli në Konventë me mesazhet e Stalinit e Lenini, ishte udhëheqës i Bashkimit Sovjetik

‘Do mblidhemi në komision organizimi dhe do bëjmë bilancin sot dhe do ta fillojmë nga vetja kur vija politike është e qartë ka thënë Stalini faktor vendimtar për fitoren mbetet organizimi. Lenini pushteti merret ose humbet çdo ditë, ose i bën njerëzit për vete ose i largon. Pse gënjehet Ilir Meta me foto?! 1000 të rinj i mbledh Ilir Meta sot, jo vetëm 15 veta. Çdo kush nga që ka 15 vite plus në parti, duhet të kishte nga 15 mijë të rinj nga mbrapa. Nuk është e lehtë që në kohë kaq të trazuara kërkojnë të shkatërrojnë identitetin shqiptar.’- tha Meta.