Bota
“Vdekje e SHBA-së”/ Khamenei për në banesën e fundit, mungon djali i ish-Liderit Suprem
Dhjetëra mijëra qytetarë iranianë janë mbledhur të shtunën në një kompleks të madh fetar në Teheran për të marrë pjesë në ceremoninë publike të varrimit të Udhëheqësit Suprem të ndjerë të Iranit, Ali Khamenei, i cili ka udhëhequr Republikën Islamike për 37 vite.
Pjesëmarrësit, të veshur me të zeza dhe me flamuj të Iranit në duar, mbanin gjithashtu postera dhe fotografi të Khameneit dhe të djalit të tij, Mojtaba Khamenei, i përmendur si pasues i mundshëm në krye të vendit.
Ceremonia u zhvillua në një atmosferë të rënduar emocionale, ndërsa arkivoli i Khameneit u vendos fillimisht në një homazh të mbyllur për zyrtarët e lartë iranianë dhe të huaj, përpara se të zhvendosej në një platformë të hapur ku publiku pati mundësi ta shihte nga larg, ndërsa qytetarët e mbledhur bënin thirrjen: “Vdekje e SHBA-së”.
Sipas mediave iraniane, në të njëjtin sulm ajror ku u vra udhëheqësi suprem, humbën jetën edhe disa anëtarë të familjes së tij, arkivolet e të cilëve u ekspozuan së bashku gjatë ceremonisë.
Ndërkohë, vëmendje ka tërhequr mungesa e gjatë e djalit të tij, Mojtaba Khamenei, i cili nuk është shfaqur në publik që nga fillimi i konfliktit, pavarësisht deklaratave zyrtare se gjendja e tij shëndetësore është e mirë. Megjithatë, në qarqet mediatike kanë qarkulluar edhe spekulime për fatin e tij.
Protestuesi me epilepsi u dhunua? Bardhi: Trajtim çnjerëzor, Prokuroria të hetojë
Diaspora në Tiranë/ Ndalesa e parë te paraburgimi “Mine Peza” për protestuesit e arrestuar
Vapa ‘pushton’ Tiranën, mjekët: Kujdes temperaturat e larta
U fut në det për të shpëtuar fëmijët e tij të mitur, 54-vjeçari ndërron jetë pasi del në breg
“Vdekje e SHBA-së”/ Khamenei për në banesën e fundit, mungon djali i ish-Liderit Suprem
Diaspora mbërrin në Tiranë, autokolona e makinave me flamurin kuq e zi “pushtojnë” Kryeqytetin
Përplasje brenda protestës! Debat i fortë për “Kuvendin Kombëtar Qytetar”
