Kronike
Vrasja e Pëllumb Metës/ Analizat zbulojnë “misterin” e krimit familjar
Vijojnë hetimet për zbardhjen e ngjarjes makabre në Durrës, ku tre fëmijët janë të dyshuar për vrasjen e babait të tyre, Pëllumb Metës.
Mësohet se janë testuar aftësitë e të dyshuarve për përdorimin e armës, që do i japë fund dilemës se kush e shkrepi këmbëzën. Janë një sërë analizash, provash dhe hetimesh, të cilat do të japin përgjigje shteruese për vrasësin e babait.
“Hygerta tregoi një skenë që e kishte vrarë brenda kasolles. Skenari ishte për të dëshmuar sikur vrasja kishte ndodhur brenda kasolles. Një vlerësim balistik do të kryhet,. Policia do bëjë eksperiment të predhë, gjurmëve që janë në vendin e ngjarjes. Trajektoret që plumbat kanë ndjekur në trupën e viktimës. Do të zbulohet lartësia që ka pasur gjuajtësi, pozicioni që ka pasur, përfshi edhe rakordimin e dëshmive. Detajet do të koordinohen për t’i dhënë përgjigje shteruese se kush ishte personi që i shkrepi pistoletën. Bashkëpunëtor kanë pasur edhe vëllanë e vogël, pavarësisht se në momentin që ka ndodhur ngjarja. Edhe e ëma ka qenë jashtë banesës, por kanë qenë të përfshirë, pasi asistuan në zhdukjen e kufomës”-tha Bezat në Top News.
Pavarësisht se skema duket e qartë, mbetet mister arsyeja. Grupi hetimor po punon për të zbardhur se çfarë fshihte kjo familja.
Kronike
Del FOTO/ Ky është 50-vjeçari që humbi jetën në vendin e punës në Shëngjin
Personi që shihni në foton e mësipërme është 50-vjeçari, Preng Gjoni, i cili humbi jetën paraditen e kësaj të shtune në Shëngjin teksa ishte duke punuar në një kantier ndërtimi.
Sipas Policisë, Gjonit dyshohet se i ka rënë një dërrasë druri në kokë. Ai është transportuar në spital për ndihmë mjekësore por nuk ka mundur të mbijetojë. Lidhur me ngjarjen janë shoqëruar dy persona që ishin duke punuar me 50-vjeçarin, për tu marrë në pyetje për zbardhjen e plotë të rrethanave.
Njoftimi i policisë:
Rreth orës 13:30, gjatë punës në një objekt në ndërtim, shtetasit P. Gj., 50 vjeç, dyshohet se i ka rënë një dërrasë druri mbi kokë dhe për pasojë ai ka humbur jetën në spital. Grupi hetimor vijon punën për sqarimin e plotë të rrethanave dhe dokumentimin me prova ligjore të këtij rasti.
Ndërkohë janë shoqëruar në ambientet e Policisë për sqarimin e rrethanave të ngjarjes dy shtetas që ishin duke punuar në objektin ku humbi jetën 50 vjeçari.
Dy ditë më parë, një tjetër punëtor humbi jetën në Shëngjin. 28-vjeçari Emiljano Frroku, që punonte i pasiguruar ra nga kati i nëntë që po ndërtohej pa leje në një pallat dhe humbi jetën.
Kronike
Grabiti makinën e turistëve/ Arrestohet 35 vjeçari, sapo ishte liruar nga burgu falë Amnistisë Penale
Policia e Vlorës pas ngjarjes së ndodhur mbasditen e djeshme, ku u grabit makina e një çifti Italian duke i thyer xhamin, u vu në ndjekje të autorit të dyshuar që nga mbrëmja e djeshme deri në momentin e arrestimit pasditen e sotme në lagjen 28 nëntori.
Pasi e kanë ndjekur gjatë gjithë ditës autori i dyshuar ka vërejtur së po e ndiqnin dhe ka lënë makinën që lëvizte dhe ka tentuar të ikë me vrap. Pas ndjekjes nga forcat e policisë për më shume se 10 minuta në lagjet e Vlorës është bërë e mundur arrestimi i tij.
Sipas informcioneve i ndaluari rreth 35 vjec me mbiemër Myrtaj sapo ka dalë nga burgu duke përfituar nga amnistia para 10 ditësh.
Polica po e kontrrollon në makinën e tij si dhe cantën që ai la në makinë dukeju larguar me vrap policisë.
Kronike
Plagosja në Shkodër/ Identifikohet autori i ngjarjes, si nisi sherri mes të rinjve
Policia ka sjell njoftim shtesë për plagosjen pasditen e sotme në Shkodër. Bëhet me dije se autori është një 46-vjeçar banues në Shkodër. Ndërkohë që plagosja ka ndodhur pas një konflikti të çastit mes autorit dhe të plagosurit. Autori është shpallur në kërkim dhe po punohet për arrestimin e tij.
Njoftimi i Policisë:
Shkodër/Informacion shtesë Policia identifikon dhe vijon punën për kapjen e autorit të plagosjes së 24-vjeçarit. Falë veprimeve të shpejta në vendngjarje, grupi hetimor ka identifikuar autorin e dyshuar, shtetasin G. M., 46 vjeç, banues në Shkodër. Nga hetimet paraprake dyshohet se shtetasi G. M., pas një konflikti të çastit me shtetasin J. O., e ka plagosur atë me armë zjarri pistoletë dhe është larguar menjëherë nga vendi i ngjarjes. Shërbimet e Policisë vijojnë kontrollet për kapjen e 46-vjeçarit.
Kronike
Plagosi babë e bijë gjatë tentativës për t’i grabitur dyqanin, në pranga skifteri shqiptar
Një shtetas shqiptar 49-vjeçar është arrestuar në Milano me akuzën e vrasjes në tentativë, vjedhje dhe armëmbajtje pa leje.
Shqiptari dyshohet se ka qëlluar me armë zjarri dhe ka plagosur pronarin e një dyqani dhe vajzën e tij gjatë një tentative grabitjeje më 4 maj.
Sulmi ndodhi në via Costantino Baroni, kur i dyshuari hyri brenda dyqanit të duhanit në momentin e mbylljes dhe u përpoq të vidhte xhiron ditore dhe biletat gërvishtëse. Pasi i ka plagosur babë e bijë, shqiptari mori në pronësi bileta me vlerë rreth 15.000 euro.
Në një episod të dytë, më 6 maj, ai tentoi të grabiste një dyqan ushqimesh i armatosur me armë, por dështoi.
Hetimet e Policisë së Shtetit kanë çuar në arrestimin e shqiptarit falë analizës së pamjeveve të sigurisë.
Gjatë arrestimit, atij iu gjet një pistoletë gjysmë automatike, plumba dhe një thikë, si dhe veshje që i kishte përdorur gjatë grabitjeve.
Kronike
E FUNDIT/ Të shtëna me armë zjarri në Shkodër, dyshohet për të…
Të shtëna me armë zjarri janë dëgjuar ditën e sotme në qytetin e Shkodrës, ndërsa dyshohet se ka edhe të plagosur.
Raportohet se ngjarja ka ndodhur në lagjen Salo Halili, ndërsa policia ka mbërritur në vendngjarje.
-
Kronike8 hours ago
E FUNDIT/ Të shtëna me armë zjarri në Shkodër, dyshohet për të…
-
Pinknews6 hours ago
Sfidojnë Romeon? Një helikopter sipër ‘BBV’ suprizon me trëndafila blu këtë banor
-
Pinknews8 hours ago
“Ti mendon se do të lutem?”/ Egla acaron Romeon, ja çfarë i mori
-
Horoskopi19 hours ago
Sjellja juaj kundrejt partnerit do lere shume për te dëshiruar gjate kësaj dite
-
Aktualitet5 hours ago
Bombardohet Konsullata Shqiptare në Ukrainë, qeveria interesohet për provat
-
Pinknews4 hours ago
Fotot e Besa Kokëdhimës në Eurovision pushtojnë rrjetin, fustani i nxjerr zbuluar pjesën intime
-
Pinknews9 hours ago
E vërteta e flirtit të Erjolës dhe Romeos/ Çfarë ka ndodhur mes dy kolegëve në koridoret e ‘Top Channel’
-
Horoskopi19 hours ago
Këto janë shenjat më të përkushtuara dhe më besnike të Horoskopit