Lifestyle

Zgjidhni këto produkte natyrale për një lëkurë të shëndetshme

Kujdesi ndaj lëkurës është çështje dite për të gjitha vajzat. Mes të gjitha produkteve që ka në treg, zgjedhja përsëri është e vështirë, pasi nuk ndodh shpesh të gjesh produktin që i përmbush të gjitha kërkesat e lëkurës. Ajo që të gjitha ne kërkojmë më shumë te një produkt bukurie, në mënyrë që të na bindë për ta bërë pjesë të rutinës të kujdesit ndaj lëkurës, është të përmbajë përbërës të sigurt për shëndetin (100% natyral), të jetë ushqyes për lëkurën dhe, mbi të gjitha, të japë efektin e shumëpritur.

Pas disa vitesh, në “luftë” për gjetjen e një produkti që përmbushte kërkesat e mia, një mikesha ime më sugjeroi produktet australiane të Australian Skincare, që vijnë në Shqipëri nga Apialpharma. Ajo që më joshi që në fillim dhe më nxiti t’i provoja ishte përbërja 100 për qind natyrale. Pra, nuk përmbajnë kimikate apo përbërës të tjerë të dëmshëm, por janë të sigurt jo vetëm për lëkurën, por edhe për mjedisin. Produktet janë të pasur me vitamina, antioksidantë dhe ushqyes për lëkurën, të cilat, të kombinuara së bashku, stimulojnë prodhimin e kolagjenit – proteina më e rëndësishme për organizmin.

Është e rëndësishme të dimë se prodhimi i kolagjenit, pas moshës 25-vjeçare, reduktohet ndjeshëm, gjë që sjell humbjen e elasticitetit të lëkurës dhe krijimin e rrudhave dhe njollave të errëta. Prandaj përdorimi i produkteve që stimulojnë prodhimin e tij është i domosdoshëm për të patur një lëkurë të re dhe të freskët.

Me përdorimin e produkteve të Apialpharma, fillova të vija re menjëherë ndryshimin në lëkurë. Produktet që ofron Apialpharma, të kombinuar edhe me njëri-tjetrin, ishin zgjidhja perfekte e problemeve të fytyrës sime, që nuk ishin të pakëta. Ajo që më pëlqeu më shumë ishte se këto produkte, jo vetëm i dhanë lëkurës vitalitetin e munguar prej kohësh, por pasi ndërpreva përdorimin e tyre lëkura ime dukej po njësoj. Më pas u informova se përbërësit e produkteve ndërhyjnë dhe veprojnë në përbërje të qelizës, prandaj me ndërprerjen e përdorimit të tyre efekti vazhdon. U binda që investimi që kisha bërë ia vlente! Ju keni mundësi të zgjidhni mes dy linjave të produkteve kozmetike Sasy n Savy dhe NEO.

Ka 47 përbërës aktivë në gamën e produkteve me mbi 41 përfitime shëndetësore dhe për lëkurën, të lidhur për të stimuluar rritjen e qelizave të lëkurës dhe kolagjenit.

Sasy n Savy është një kompani australiane që prodhon produkte për fytyrën, trupin dhe flokët. Dhe kujdeset që të ndiheni dhe të dukeni më të rinj. Përbërësit kryesorë të produkteve të kësaj linje përfshijnë: Kakadu Plum, që është burimi më i lartë i vitaminës C në botë. Përmban antioksidantë që parandalojnë dëmtimin e strukturës së qelizave të lëkurës dhe ndihmojnë në stimulimin e prodhimit të elastinit dhe kolagjenit për të siguruar mbajtjen e lakueshmërisë së lëkurës. Luleshtrydhja e egër e Rosella përmban proteina dhe lëndë ushqyese natyrale për të ringjallur lëkurën tuaj. Ekstrakt boronice që është një antioksidues dhe një anti-inflamator i fuqishëm. Ekstrakt Wild Rosella që është një proteinë e lartë natyrore që ringjallë lëkurën tuaj.

Pjesë e kësaj linje janë këto produkte:

1. Anti Aging Vitamin Serum. Serumi antirrudhë është i pasur me vitamina, antioksidantë dhe ushqyes, që stimulojnë rigjenerimin e qelizave të lëkurës dhe prodhimin e kolagjenit, duke e bërë lëkurën të duket më e re.

2. Firming Eye Cream. Kremi i syve që redukton dukjen e rrudhave të lehta dhe rrathëve të zinj të syve. Përdoret dy herë në ditë dhe është i përshtatshëm për të gjitha llojet e lëkurave.

3. Vitamin Enriched Rejuvenation Serum. Serumi për përtëritjen e lëkurës është i pasur me vitaminat A, B, C, E dhe me antioksidantë. Serumi luksoz parandalon dëmin nga rrezet UV dhe njollat e moshës, ndërkohë që edhe stimulon kolagjenin dhe përtëritjen e qelizave të lëkurës.

4. Purifying Balancing Toner. Toniku pastrues dhe balancues heq yndyrën e tepërt, papastërtitë dhe ndiçimin e tepruar në sipërfaqe të lëkurës. Rregullon pH e lëkurës dhe zvogëlon poret. Përdoret përditë pas pastrimit të lëkurës dhe e lë atë të pastër dhe të freskët. Është ideal për lëkurë të yndyrshme në mikse.

5. The Revive Face Lotion. Locioni për vitalitetin e lëkurës ndihmon në hidratimin dhe zbutjen e lëkurës. Ndihmon kundër dëmtimit të radikaleve të lira dhe tharjes apo dehidratimit të lëkurës. Përthithet shumë shpejt nga lëkura dhe përmban vitamina, antioksidantë dhe vajëra natyralë. Është ideal për lëkurë të yndyrshme në mikse.

6. SPF 15 Skin Firming Creme. Kremi antirrudhë me SPF 15 siguron përkujdesje dhe mbrojtje të përditshme të lëkurës. Hidraton dhe ushqen lëkurën, ndërkohë që edhe parandalon plakjen e parakohshme. Përdoret përditë dhe është ideal për çdo lloj lëkure.

7. Vitamin Enriched Facial Exfoliant. Eksfolianti për fytyrën është i pasur me vitamina dhe antioksidantë, që ndihmojnë në rritjen e elasticitetit të lëkurës si dhe në reduktimin e skuqjeve dhe irritimeve të lëkurës. Heq qelizat e vdekura dhe yndyrën e tepërt duke e lënë lëkurën më të pastër. Është ideal për të gjitha lëkurat dhe mund të përdoret përditë.

8. Spearmint n Lavender Sea Salt Foaming Cleanser. Shkuma pastruese me kripë deti bën pastrim të thellë të fytyrës si dhe ndihmon në rritjen e elasticitetit të lëkurës. E bën atë të duket më e ndriçuar dhe më e freskët. Është e përshtatshme për lëkurë të yndyrshme në mikse.

Dallimi i këtyre linjave është se të gjitha produktet janë bërë nga bimët më të bukura botanike australiane, erëza, ekstrakte, vajra esenciale dhe vajra vegjetale te presuara në të ftohtë. Të gjitha produktet janë të larta në vitamina, antioksidantë dhe lëndë ushqyese që janë jetësore për rritjen e shëndetshme të qelizave të lëkurës. Të sigurta për t’u përdorur në të gjitha llojet e lëkurave dhe janë 100 për qind australiane.

Diçka që ia vlen të përmendet është se produktet nuk kanë: kimikate, paraben, sulfat natriumi, petrokimike ose vajra minerale, ngjyra sintetike ose artificiale, DEA ose MEA, pesticide ose mbetje herbicid, ETOSHILAT ose Glikol Propilen, silikone ose phthalates.

NEO është linja përkujdesëse për lëkurën dhe është rezultat i disa viteve kërkim për kujdesin e lëkurës.

1. Cleanse1. Redukton skuqjen e lëkurës si dhe parandalon shfaqjen e rrudhave. E bën lëkurën të duket më e shëndetshme dhe më e re. Është hapi i parë për përkujdesjen e lëkurës.

2. Moisture3. Antirrudha me kolagjen siguron hidratimin e lëkurës, redukton skuqjet dhe shenjat e moshës. MOISTURE3 redukton rrudhat dhe i jep lëkurës shkëlqim.

3. Serum2. Është i pasur me Q10 dhe antioksidantë, që stimulojnë rigjenerimin e qelizave dhe prodhimin e kolagjenit për riparimin e qelizave të lëkurës. E bën lëkurën të duket më e re.

4. Scrub+. Heq qelizat e vdekura dhe nxit elasticitetin e lëkurës dhe siguron një pamje më të freskët të saj. Gjalpi shea që përban scrub-i ndihmon në hidratimin e lëkurës duke e lënë atë shumë të butë.

5. Smooth+. Zbutësi dhe reduktuesi i rrudhave ndihmon në përmirësimin e vijave dhe rrudhave dhe i jep lëkurës një shkëlqim të menjëhershëm.

6. Përbërësit e tyre qetësojnë sytë dhe reduktojnë dukjen e shenjave të lehta të moshës, rrathëve të zinj dhe rrudhave, duke hidratuar zonën rreth syve.

Related Topics:lekure lifestyle ORGANIZMI Produkte qelizat e vdekura shendeti

Lifestyle

Njerëzit inteligjentë e gjejnë më vështirë dashurinë e jetës

Njerëzit inteligjentë janë më analitikë kur është fjala për dashurinë. Kjo për shkak se njerëzit inteligjentë kanë tendenca të kenë parashikime më të mira sesa të tjerët.

Kur i përmendim ‘parashikimet’, fjala është për aftësinë e të analizuarit një situatë, të rikujtoni përvojat e kaluara relevante dhe t’i shikoni mundësitë adekuate për të ardhmen.

Nëse këtë mentalitet e aplikoni edhe në lidhje të dashurisë, njerëzit inteligjentë largohen më shpejt nga lidhja kur shfaqen shenjat e para të telasheve, transmeton Ekonomia Online. Pra, nëse përvoja është mësuesi më i mirë, atëherë njerëzit e mençur do të mbështeten në të për t’i marrë vendimet.

Inteligjentët “mbrohen”

Efekt tjetër anësorë i të mbështeturit në përvojë kur është fjala për dashurinë, është se inteligjentët kanë tendenca të mbrohen apo ruhen më shumë. Ata kanë më shumë problem të jenë më të hapur sepse truri i tyre analitik asnjëherë nuk ndalon së reflektuari në rrethanat e të kaluarës kur janë hapur me dikë tjetër dhe që janë lënduar nga ky proces.

Për këtë arsye, njerëzit tjerë mendojnë se personi është i ftohët – karakteristikë të cilën askush nuk e dëshiron te një partner.

Njerëzit inteligjentë duan vet të jenë beqarë

Njerëzit me inteligjencë të lartë mendojnë analitikisht, edhe kur vjen fjala për gjërat si lidhjet e dashurisë. Prandaj, njerëzit inteligjentë e kuptojnë se të qenit vetëm është më mirë sesa të qenit me personin e gabuar. Ky është vendim tejet i menduar dhe i arsyeshëm.

Pra, në esencë, njerëzit inteligjentë janë beqarë sepse duan të jenë beqarë.

Lifestyle

Pluhuri afrikan pritet të mbulojë Athinën dhe Kretën në Greqi

Autoritetet janë në alarm “të kuq” për shtatë ditët e ardhshme, pasi sipas parashikimeve të ekspertëve pritet të ketë një përqendrim të madh të pluhurit afrikan në atmosferë.

Nëse parashikimet vërtetohen, përqendrimi i pluhurit afrikan në atmosferë do të jetë veçanërisht i lartë dhe spitalet dhe autoritetet kompetente do të duhet të mobilizohen menjëherë, për grupet vulnerabël dhe qytetarët me probleme të frymëmarrjes.

Më konkretisht, nga dita e sotme, e premte, 17 maj, deri të enjten, 23 maj, pluhuri afrikan pritet të mbulojë vendin, ndërsa do të ketë edhe rritje të temperaturës.

Efektet do të intensifikohen gjatë fundjavës dhe do të zgjasin të paktën deri të enjten.

Deri më tani, ato pritet të tërhiqen gradualisht të premten.

Parashikimet tregojnë se zonat ku fenomeni do të jetë më intensiv janë Kreta dhe Athina.

Në këto dy zona pritet një përqendrim i lartë i pluhurit afrikan, por të dhënat e deritanishme nuk tregojnë se fenomeni do të ngjajë me pamjet e frikshme të ndodhura muajin e kaluar.

Efektet do të jenë më të dobëta në Peloponez, ndërsa Greqia e Veriut nuk duket të jetë prekur deri më tani.

Në të njëjtën kohë, në të njëjtat ditë merkuri do të rritet ndjeshëm dhe temperaturat do të lëvizin në kufijtë e valës së të nxehtit, por pa i tejkaluar ato.

Në Kretë temperaturat “do të arrijnë” deri në 35 gradë Celsius.

Harta tregon përqendrimet e vlerësuara të pluhurit pranë tokës për orët e mbrëmjes të së premtes 17/05 në të gjithë vendin, ndërsa grafikët e ngulitur paraqesin përqendrimet e pluhurit në lartësi në tre qytete të zgjedhura (Athinë, Kalamata, Heraklion).

Lifestyle

Gjërat për të cilat njerëzit ju gjykojnë më së shumti

Shoqëria sot përballet me një varg problemesh sociale e një ndër to është edhe paragjykimi. Madje, njerëzit shkojnë aq larg, duke bërë gjykime edhe për gjërat më të vogla që ndoshta ju nuk u kushtoni fare rëndësi.

Ngjyra e rrobave

“Psychology Today”, thotë se njerëzit gjykojnë në bazë të ngjyrave të rrobave tuaja. Nëse ju visheni më shumë me ngjyrë të zezë do të thotë se jeni person më serioz dhe më artistik, ndërsa personat që preferojnë ngjyrat si e kuqja, cilësohen më energjik dhe më të hapur.

Kafshimi i thonjve

Nga anketa të ndryshme është vërtetuar se personat të cilët hanë thonjtë e tyre ose lëvizin këmbët gjatë qëndrimit ulur janë më të stresuar.

Këpucët

Njerëzit kanë shkuar deri tek ky element. Psikologët kanë treguar se këpucët luajnë një rol të rëndësishëm në përshtypjen që njeriu krijon tek të tjerët. Për shembull, lloji i këpucëve tregon moshën, pjekurinë, personalitetin, gjininë, nivelin intelektual e gjëra të tjera.

Mënyra si ju i shtrëngoni duart

Për këtë mund të kemi dëgjuar edhe më parë. Shtrëngimi i duarve mund të tregojë vendosmëri, fuqi dhe guxim apo në anën tjetër, dobësi, frikë dhe vetë-dyshim.

Shkrimi juaj

Personat të cilët shkruajnë me shkronja të vogla janë më të ndrojtur dhe më të rezervuar përkundër personave që shkruajnë me shkronja të mëdha që mendohet të jenë më të hapur.

Lifestyle

16 Maj, Dita Ndërkombëtare e Dritës

Dita Ndërkombëtare e Dritës festohet çdo vit më 16 maj, në përvjetorin e funksionimit të parë të suksesshëm të lazerit, në vitin 1960 nga fizikani dhe inxhinieri, Theodore Maiman. Kjo ditë është një thirrje për të forcuar bashkëpunimin shkencor dhe për të shfrytëzuar potencialin e tij për të nxitur paqen dhe zhvillimin e qëndrueshëm, shkruajnë mediat e huaja.

Sipas UNESCO-s, Dita Ndërkombëtare e Dritës thekson rolin që luan drita në shkencë, kulturë dhe art, arsim dhe zhvillim të qëndrueshëm dhe në fusha të ndryshme si mjekësia, komunikimi dhe energjia.

Studimi i dritës ka çuar në burime alternative premtuese të energjisë, përparime mjekësore që shpëtojnë jetë përmes teknologjisë dhe trajtimet diagnostikuese, internetin me shpejtësi të dritës dhe shumë zbulime të tjera që kanë revolucionarizuar shoqërinë dhe kanë formësuar të kuptuarit tonë për universin.

Të fundit!

Këto teknologji u zhvilluan përmes shekujsh kërkimesh mbi vetitë e dritës, duke filluar me veprën kryesore të Ibn Al-Haytham, Kitab al-Manazir, “Libri i Optikës”, botuar në 1015 dhe duke përfshirë punën e Ajnshtajnit në fillim të shekullit të 20-të, e cila ndryshoi mënyrën se si mendojmë për kohën dhe dritën.

Pa dritë, planeti ynë do të ishte vetëm një vend i ftohtë dhe djerrë. Në të vërtetë, ku ka dritë, shpesh ka jetë me bollëk. Megjithatë, drita përfaqëson edhe më shumë për njerëzimin. Drita shkon dorë për dore me dijen; është një lente përmes së cilës mund të shihet dhe të kuptohet bota.