VIDEO/ Historia tronditëse, gjendet zemra e shqiptarit në Spanjë

Gjendet zemra e shqiptarit Saimir Sula. “Fact Check” mëson ekskluzivisht për MCN se pas vendimit të Gjykatës së Apelit në Spanjë, prokuroria shqiptare ka nisur procedurat e marrjes së zemrës së shqiptarit Saimir Sula të vdekur në Spanjë duke shënuar kështu edhe fundin e pritjes nga familjarët e tij.

Gjykata e Apelit në Spanjë ka vendosur të kthejë për autoritetet shqiptare zemrën e sekuestruar të ndjerit Saimir Sula. Ky vendim i hap rrugë kërkesës për kthimin e zemrës, e cila në javët në vijim pritet të merret zyrtarisht nga një grup hetuesish shqiptarë dhe t’i dorëzohet më pas familjarëve. Megjithatë ende nuk dihet nëse familjarët e Sulës do t’i bashkohen grupit hetimorë në marrjen në dorëzim të zemrës. Më pas, çështja do të shoqërohet me një tjetër procedurë ligjore në tiranë atë të lejes për zhvarrosjen e të ndjerit dhe bashkimin e trupit me zemrën.

Pas më shumë se tre vitesh merr fund historia që tronditi opinionin publik në Shqipëri, ku një i ri shqiptar erdhi i pajetë nga Spanja dhe atij i mungonte zemra. Vdekja e çuditshme u pasua nga një sërë misteresh. I riu shkoi në spital në Spanjë, pasi ishte infektuar nga pandemia e koronavirusit. Por ndërroi jetë në spital. E motra, Majlinda nuk e pranoi versionin e spitalit sepse pa mavijosje në trupin e vëllait të saj dhe kërkoi që kufoma do të transferohej në Shqipëri, ku edhe iu bë një ekspertizë e dytë nga e cila u mësua se trupi kishte mbërritur pa zemër.

Edhe sot e kësaj dite familja e viktimës pohon se ende nuk e dinë se çfarë i ndodhi Saimirit atë natë, pse trupi mbërriti në Tiranë pa zemër? Mediat spanjolle ka kontaktuar me Spitalin del Mar, nga ku nuk kanë pranuar të bëjnë asnjë deklaratë, megjithatë hetimet kanë nisur edhe pse ende nuk ka asnjë përgjigje zyrtare për të mbyllur dosjen e për të vendosur drejtësinë në vend.