Bilçik: Nëse dialogu s’ecën para, do shohim më shumë konflikte

Raportuesi për Serbinë në Parlamentin Evropian, Vladimir Bilçik, në një prononcim për “The Guardian”, ka thënë se Kosova dhe Serbia kanë “përgjegjësi të madhe për të siguruar që ne t’i kthehemi dialogut sa më shpejt të jetë e mundur”.

“Fatkeqësisht, me ardhjen e Albin Kurtit në pushtet, negociatat janë zvarritur dhe nuk po shkojnë në drejtim të gjetjes së zgjidhjes – dhe këtë e them si dikush që është shumë i hapur për të kritikuar palën serbe” – theksoi eurodeputeti sllovak.

Bilçik potencoi se “nëse dialogu nuk ecën përpara, do të shohim më shumë konflikte, më shumë nacionalizëm, më shumë tërheqje nga bota ”.

Ndërsa, raportuesja për Kosovën në Parlamentin Evropian, Viola von Cramon, ka thënë, po ashtu për “The Guardian” se është e shqetësuar për situatën e tensionuar në Veri të Kosovës.

“Ne – tha jo – duhet të dimë se në çfarë mase dhe me ndihmën e kujt e ka kryer sulmin ky grup terrorist duke pasur parasysh sasinë e municioneve dhe automjeteve të blinduara”

Sipas saj, BE-ja tani duhet të rivlerësojë strategjinë e përgjithshme ndaj bisedimeve Serbi-Kosovë dhe rajonit të Ballkanit Perëndimor në përgjithësi.