Shefi ushtarak i Iranit paralajmëron për sulme më të gjera nëse Izraeli përgjigjet

“Ne kishim aftësinë për të sulmuar infrastrukturën ekonomike të regjimit, por ne synuam vetëm bazat ushtarake,” tha ai të mërkurën.

“Nëse regjimi sionist nuk kontrollohet dhe ndërmerr veprime kundër Iranit, ne do të synojmë të gjithë infrastrukturën e tij”, tha ai.

Bagheri tha se sulmet kundër Izraelit ishin në hakmarrje për vrasjet e Ismail Haniyeh, Hassan Nasrallah dhe Abbas Nilforoushan.

Nasrallah, i cili udhëhoqi grupin militant libanez të mbështetur nga Irani, Hezbollah për më shumë se 30 vjet,  u vra në një sulm ajror izraelit  në selinë e tij nëntokësore në Bejrut të premten.

Nilforoushan, një komandant i lartë nga Korpusi i fuqishëm i Gardës Revolucionare Islamike të Iranit,  u vra së bashku me të, sipas mediave shtetërore iraniane.

Udhëheqësi politik i Hamasit, Haniyeh,  u vra në Teheran në korrik duke përdorur një mjet shpërthyes  që ishte fshehur fshehurazi në bujtinëm ku ai po qëndronte, tha një burim i njohur me çështjen për CNN. Qeveria iraniane dhe Hamasi thonë se Izraeli kreu atentatin. Izraeli as e ka konfirmuar e as mohuar përfshirjen e tij.

“Që nga vrasja e dëshmorit Haniyeh, ne kemi kaluar një periudhë të vështirë kufizimi me kërkesë të përsëritur të amerikanëve dhe evropianëve, të cilët na kërkuan të përmbahemi për të vendosur një armëpushim në Gaza. Megjithatë, pas martirizimit të Sayyed Hassan Nasrallah dhe komandantit Nilforoushan, situata u bë e patolerueshme”, tha Bagheri.