Gjykata italiane hedh poshtë Rama-Meloni: Emigrantët të rikthehen sa më parë në Itali

jykata e Romës ka vendosur që sjellja e emigrantëve të paligjshëm në Shqipëri është në shkelje me ligjin. Masa u urdhërua për 12 të huajt nga selia e policisë së Romës më 17 tetor, të cilët janë pjesë e 16 emigrantëve (dhjetë nga Bangladeshi dhe 6 nga Egjipti) të transportuar drejt Shqipërisë drejt CPR Gjader nga anija Libra e Marinës Italiane.

Fati i 12 azilkërkuesve pritet të rikthehen në Itali: si pasojë e dispozitës nuk mund të qëndrojnë në ambiente, por as të lihen të lirë në territorin shqiptar. 

“ Dy vendet nga vijnë emigrantët, Bangladeshi dhe Egjipti, nuk janë të sigurta edhe në dritën e vendimit të Gjykatës Evropiane të Drejtësisë”, shkruajnë gjyqtarët e Romës. Sipas të cilëve gjendja e lirisë mund të rifitohet vetëm me kthimin e tyre në Itali. 

Urdhri i gjykatës së Romës, i ngjashëm me të tjerë të miratuar tashmë nga gjyqtarët e qyteteve të ndryshme italiane, vë në dyshim themelin e gjithë planit shqiptar, për të cilin qeveria ka parashikuar të shpenzojë mbi 600 milionë në pesë vjet. 

Supozimi nga i cili lindën rregullat e nisura nga ministri Piantedosi është se riatdhesimet mund të ndjekin një procedurë të përshpejtuar (4 javë) kur ato kanë të bëjnë me qytetarët e një liste vendesh të konsideruara “të sigurta” për migrantët . Megjithatë, vendimi i Gjykatës së Drejtësisë përcaktoi se kjo kërkesë plotësohet vetëm nga kombet në të cilat të gjitha kategoritë e individëve, pa përjashtim, janë të sigurta nga diskriminimi . Shumë nga 22 vendet e identifikuara si “të sigurta” nga Italia nuk do ta arrinin këtë status. Prandaj pamundësia e mbajtjes së të huajve në CPR-të e destinuara për këtë “procedurë të përshpejtuar”. 

Për sa i përket reagimeve politike, Lidhja i godet të gjithë në grusht:  “Gjyqtarët pro-emigrantë duhet të kandidojnë për zgjedhje , por dijeni se ne nuk do të frikësohemi” thuhet në një shënim zyrtar nga partia e Salvinit.