Çudia me emrin Vladimir Bilçik/ Fale Zot, se nuk di çfarë flet
Ajo që pashë pas zgjedhjeve të 17 dhjetorit në Serbi, tregon se sa Rusia vazhdon të luajë një rol të tepruar në Ballkanin Perëndimor. Kjo është një lojë që e kemi parë shumë herë nga Vladimir Putin dhe aleatët e tij” – Kështu tha ndër të tjera eurodeputeti dhe raportuesi për Serbinë në Parlamentin Europian, Vladimir Bilçik
Teksa pritet që në fillim të muajit shkurt, deputetët e Parlamentit Evropian do votojnë rezolutën për zgjedhjet në Serbi, Bilçik u shpreh se ai pret që rezoluta të jetë faktike dhe të ofrojë disa hapa të ardhshëm në kontekstin e asaj që duhet bërë.
“Por gjithmonë duhen dy për tango. Problemet e Serbisë nuk mund të zgjidhen brenda institucioneve të Bashkimit Evropian, brenda Parlamentit Evropian. Shpresoj që edhe Serbia të vazhdojë dhe të fillojë të konstituojë institucionet e veta” – deklaroi europarlamentari
Duke I kujtuar se opozita në Serbi pretendon se zgjedhjet janë vjedhur. Kështu thonë edhe raportet e vëzhguesve vendas dhe të huaj të cilët kanë vërejtur parregullsi të shumta.
I pyetur a është zgjidhja adekuate e krizës aktuale politike formimi sa më i shpejtë i qeverisë dhe vazhdimi sikur të mos kishte ndodhur asgjë, Bilçik deklaroi –
“Rezultatet e zgjedhjeve parlamentare janë shpallur dhe mendoj se është koha që institucionet e reja të fillojnë punën. Parlamentarët serbë duhet të marrin mandatet e tyre dhe të formohet qeveria. Vendi duhet t’i zgjidhë të gjitha dështimet përmes kanaleve të duhura institucionale. E them këtë edhe sepse ka një pikëpyetje të madhe, natyrisht, për zgjedhjet lokale në Beograd.
Atje rezultati ishte i pasigurt dhe aktualisht ka një ngërç politik. Mendoj se është e rëndësishme që Gjykata Kushtetuese të zgjidhë këtë sfidë dhe që të gjitha autoritetet përkatëse të veprojnë sa më hapur dhe transparente në mënyrë që këto sfida të zgjidhen në përputhje me parimet e shtetit të së drejtës”.
I pyetur se si ai e komentoni retorikën anti-evropiane që vjen nga zyrtarët shtetërorë në mediat pro regjimit, Bilçik tha se “Serbia meriton një të ardhme evropiane dhe politikanë që mund ta realizojnë atë dhe që do të punojnë realisht për të ardhmen evropiane. Serbia duhet të marrë një vendim të qartë – nëse dëshiron të punojë plotësisht dhe vazhdimisht për të ardhmen e saj evropiane. Retorika anti-evropiane e askujt nuk ndihmon, sepse nuk fiton miq apo partnerë në BE, Bruksel dhe institucione të tjera evropiane. Dua të them vetëm se të gjithë në Bruksel, Strasburg dhe në mbarë kryeqytetet e BE-së e dinë dhe janë të informuar mirë se çfarë po ndodh dhe çfarë po thuhet në Serbi”.
Fabrikat serbe prodhojnë papagallë propagande që rrisin mbështetjen për Moskën
Kur Zonja e Parë e Ukrainës Olena Zelenska mbërriti në Beograd më 12 maj, një media e quajti atë “sinjal të largimit të vendit ballkanik nga Moska”. Një tjetër nxori një përfundim të ngjashëm. Por shumica e serbëve në Ballkan nuk e shohin kështu.
Presidenti gjithnjë e më autoritar i Serbisë, Aleksandër Vuçiç, është përpjekur të projektojë një imazh neutraliteti ndaj Ukrainës, duke thënë se vendi i tij nuk është “lakeja e asnjërës palë”, ndërsa përpiqet të pozicionohet si një figurë e ngjashme me Titon që është në gjendje të mbajë marrëdhënie miqësore me Perëndimin.
Për të qetësuar miqtë e tij perëndimorë, ai thuhet se ka dërguar disa “armë vdekjeprurëse” dhe ndihma humanitare në Ukrainë – me sa duket të mjaftueshme për të siguruar që nuk do kishte asnjë reagim sado të vogël ndaj veprimeve destabilizuese të regjimit të tij në Kosovë në vitin 2023.
Por çfarëdo që Vuçiç t’i thotë Perëndimit, dy vjet pas fillimit të luftës, serbët në të gjithë rajonin e Ballkanit po mbështesin hapur veprimet e Rusisë.
Një sondazh i Institutit Republikan Ndërkombëtar (IRI) në Ballkanin Perëndimor i publikuar më 14 maj zbuloi se shumica e të anketuarve nga Shqipëria, Kosova, Bosnja dhe Hercegovina, Mali i Zi dhe Maqedonia e Veriut dënojnë agresionin rus në Ukrainë, ndërsa 49% e serbëve e shohin pushtimin si “të justifikuar”.
Një numër i konsiderueshëm i serbëve mbështetën gjithashtu veprimet e Rusisë në Mal të Zi (31%) dhe Bosnje dhe Hercegovinë (27%). Rreth 29% e malazezëve e identifikuan veten si serbë në regjistrimin e vitit 2011, ndërsa në Bosnje dhe Hercegovinë, 31% janë serbë, sipas një vlerësimi të vitit 2013.
Pikëpamjet e tyre i bëjnë jehonë atyre të kanaleve serbe të lajmeve me lidhje të ngushta me regjimin e Vuçiçi, të cilat shpesh transmetojnë propagandë pro-Kremlinit në vende me popullsi të konsiderueshme serbe.
Narrativat antiperëndimore gjejnë terren pjellor mes serbëve, shumë prej të cilëve besojnë se ndërhyrjet ushtarake të NATO-s në Bosnjë dhe Hercegovinë në 1995 dhe në Kosovë në 1999 ishin të pajustifikuara.
Ndonjëherë, kur mbron Kremlinin, Vuçiç e krahason pushtimin rus të Ukrainës me bombardimin e NATO-s gjatë Luftës së Kosovës, megjithëse ka dallime.
Mbështetja e qartë për njërën nga dy anët e luftës ruso-ukrainase është gjithashtu një reflektim i rajonit të Ballkanit Perëndimor. Shqiptarët dhe kosovarët mbështesin në masë dërrmuese Ukrainën, ndërsa mbështetja e qartë për Kievin është më e heshtur në Bosnje dhe Hercegovinë, Mal të Zi dhe Maqedoninë e Veriut. Në Serbi është minimale (4%).
Arsyeja më e dukshme që Kremlini është në favor të serbëve është fakti se elitat ballkanike si Vuçiq (Serbi), Milorad Dodik (lideri i serbëve të Bosnjës) dhe Andrija Mandiq (Kryetar i Parlamentit të Malit të Zi) kanë marrëdhënie të ngushta me Kremlinin, i mbështetur nga mediat lokale dhe ruse dhe nga Kisha Ortodokse Serbe. Këto lidhje shërbejnë si kanale për narrativat ruse dhe formësojnë opinionin publik dhe pozicionet politike në rajon.
Ndërsa shtetet perëndimore ndalojnë kanalet propagandistike të Moskës, Serbia e ka mirëpritur Rusinë, duke e lejuar atë jo vetëm të vazhdojë luftën e saj të informacionit nga zyra e Sputnik Serbisë në Beograd, por edhe duke hapur RT Balkan, e cila ka zgjeruar operacionet e dezinformimit rus.
Nëse Perëndimi dëshiron të luftojë dezinformimin rus në Ballkan, ai duhet të përballet me epiqendrën e tij: Beogradin, ku janë të bazuara shumë prej organizatave mediatike serbe që papagallëzojnë propagandën e Kremlinit.
Luftimi i mediave të lidhura me Kremlinin është gjithashtu i rëndësishëm sepse Rusia po nxit ndjenjat secesioniste mes serbëve në Republikën Srpska dhe në Kosovën veriore, të cilat përbëjnë një kërcënim për stabilitetin rajonal. Një përshkallëzim i tillë jo vetëm që do të ndikonte në Ballkan, por do të kishte edhe pasoja të rënda për Ukrainën, pasi Perëndimi ka kapacitet të kufizuar për t’iu përgjigjur krizave dhe luftërave të mëtejshme.
Detaje të reja nga ngjarja e rëndë në Greqi, foshnja u hodh e gjallë në koshin e plehrave
Detaje të reja janë zbardhur nga ngjarja e rëndë që ndodhi pak ditë më parë në Greqi, ku babai hodhi në koshin e plehrave fëmijën e porsalindur.
Sipas mediave greke, nga analizat e kryera deri më tani, mësohet se foshnja ka qenë i gjallë kur është hedhur në kosh, teksa prindërit e rinj kanë pretenduar në polici të kundërtën.
Të dhënat e reja tregojnë se foshnja, përveç goditjeve në kokë, ka pësuar edhe goditje para vdekjes në zonën e qafës.
Dy prindërit e të miturit, janë arrestuar nga policia dhe akuzohen për vrasje. Nëna 24-vjeçare ka deklaruar se kur e ka lindur foshnjën në një dhomë hoteli ku ajo punonte i ka rënë gjendje të fikët dhe nuk është përmendur ka gjetur foshnjën të pajetë dhe të maviosur.
“Ai nuk kishte puls dhe ishte i mavijosur. Më kapi paniku dhe vendosa ta hidhja dhe ta fusja në një qese plehrash. Është faji im, më vjen keq që e bëra, më vjen shumë keq”, ka thënë nëna. Vetë ajo ka kërkuar që të lirohet, pasi ka nevojë për vendin e punës sepse i kthen paratë në vendlindje për rritjen e fëmijës së saj të mitur, të cilin prindërit e rritin.
Ndërsa babai i foshnjës, ka deklaruar se ai nuk ka qenë i pranishëm në dhomën e hotelit kur ka lindur bashkëshortja e tij, ndërsa shton se nuk ka qenë as në dijeni se çfarë përmbante qesja e plehrave.
Ai ka pohuar se bashkëshortja e tij e ka zbuluar aktin e saj teksa ishin në taksi, duke u nisur drejt spitalit për t’i dhënë ndihmën e parë.
Megjithatë, të dy të pandehurit shprehën dhimbjen e tyre për humbjen e foshnjës.
VIDEO/ Vrasja e 40-vjeçares nga ish-bashkëshorti, publikohen pamjet pak minuta pas krimit
Publikohen pamjet pak minuta pas ngjarjes së rëndë në Menidi, ku mbeti e vrarë me thikë 40-vjeçarja shqiptare, Enkelejda Danaj.
Në video, shfaqet gruaja fatkeqe e shtrirë në tokë pasi është goditur me thikë në bark.
Gruaja është pikasur nga fqinjët rreth orës 6 të mëngjesit në kryqëzimin e rrugëve Parnithos dhe Aristotelous. Rasti po hetohet nga Departamenti i Vrasjeve.
Sipas informacioneve, 40-vjeçarja kishte bërë më parë akuza për dhunë në familje ndaj bashkëshortit të saj, ndërsa policia e kërkonte atë si të dyshuar për vrasjen. Ankesa e parë është bërë dy vite më parë, ndërsa e dyta në periudhën e Pashkëve.
Një dëshmitar, i cili foli për MEGA tha se, menjëherë pas vrasjes, vajza e 40-vjeçares ka mbërritur në vendngjarje. Ajo filloi të qajë dhe të bërtasë, ajo kërkonte ndihmë, duke qarë dhe duke folur në telefon me vëllain e saj gjithashtu të mitur duke i thënë, “babai me siguri ka vrarë mamin”.
Në të njëjtën kohë është tronditur edhe një banore e Menidit, e cila me të mbërritur në vendin ku u gjet e pajetë 40-vjeçarja nga Shqipëria , pa – përveç trupit të gruas fatkeqe – edhe vajzën e saj në gjendje shoku duke folur në telefon dhe duke thënë se babai i saj ka vrarë nënën e saj.
“Një vajzë e vogël erdhi, këtu në vendin e ngjarjes, dhe tha ‘ndoshta është nëna ime’ ndërsa ajo po qante”, thotë ajo.
“Ajo i tregoi një foto Policisë dhe kështu u identifikua si nëna e saj. Ajo tha se mamaja e saj nuk shkoi në punë sot dhe pasi ia tregoi fotografinë policisë, ajo u tha se babai i saj e kishte vrarë”.
Siç pohon banorja, çifti së fundi kishte blerë një shtëpi në këtë zonë, ndërsa tregon se e mitura teksa fliste në telefon thoshte ‘”më kanë vrarë mamin, e kanë vrarë. Mamaja ime, ajo ishte shumë e tronditur”.
Policia ka nisur hetime për të zbardhur vrasjen e gruas 40-vjeçare.
Sipas informacioneve, nga të dhënat e para të mbledhura nga EL.AS. rezulton se 40-vjeçarja, si në të shkuarën e afërt ashtu edhe një dekadë më parë, i është drejtuar tre herë autoriteteve dhe ka denoncuar bashkëshortin e saj për dhunë në familje.
Veçanërisht, denoncimi i parë është bërë më 3 prill 2013, ku gruaja ka denoncuar ish-partnerin e saj për dhunën në familje. Më pas burri u arrestua dhe u dërgua në prokurori.
Ankesa e dytë është bërë më 18 shtator 2022, ku viktima ka denoncuar burrin e saj për kërcënime , lëndim fizik dhe abuzim verbal. Burri u arrestua sërish dhe u dërgua në prokurori.
Në këtë pikë, duhet theksuar se kishte një urdhër gjykate në bazë të të cilit burrit i ndalohej të jetonte me viktimën, por ajo e kishte lejuar atë në vitin 2018.
Ankesa e fundit është bërë më 7 maj 2024, sërish për dhunë në familje (kërcënimi, lëndimi trupor dhe abuzimi verbal).
Ai u arrestua dhe u dërgua në prokurori, ndërsa të premten, 17 maj 2024, do të dilte para gjykatës.
Komandanti i njësisë së dhunës në familje, e telefonoi dy ditë pas ngjarjes dhe ajo i tha se ishte mirë.
40-vjeçarja i është dhënë urdhër për ekspertizë mjeko-ligjore dhe i janë dhënë informacione, udhëzime dhe materiale të printuara, për të marrë, nëse dëshiron, ndihmën e nevojshme materiale nga organet kompetente.
Përveç kësaj, ajo u informua për mundësinë e instalimit të aplikacionit “Panic Button” në celularin e saj dhe iu dha një kod për të hyrë në aplikacionin në fjalë.
Në të njëjtën kohë, ajo u informua për mundësinë e transferimit të saj në një objekt pritës dhe deklaroi se nuk dëshiron.
Tashmë hetimet e drejtuesve të EL.AS. i janë drejtuar këtij njeriu, i cili është në kërkim por ende nuk është gjetur.
Bashkëshorti i 40-vjeçares do të gjykohej nesër për dhunë në familje.
Krim i rëndë në familje/ Vëllai vret vëllanë dhe kunatën më pas plagos dhe veten
Një ngjarje e rëndë ka tronditur Shkupin ditën e sotme.
Mediet fqinje bëjnë me dije se në Stajkovcë të Shkupit një i moshuar ka vrarë vëllanë dhe kunatën dhe më pas ka goditur veten me thikë.
Autori aktualisht ndodhet në spitalin “Sveti Naum Ohridski”.
Policia ka njoftuar se ditën e sotme, rreth orës 12:30, shtetasja S.K 57 vjeç dhe bashkëshorti i saj V.K 64 vjeç, janë gjetur me lëndime në kokë në fshatin Stajkovcë të Shkupit, në tarracën dhe në shkallët e shtëpisë.
Mjeku i Emergjencave Mjekësore në vendngjarje ka konstatuar vdekjen e shtetases S.K, ndërsa V.K me lëndime është transportuar në Kompleksin Klinikë “Nënë Tereza”, ku ka ndërruar jetë në orën 14:00.
Policët e Stacionit Policor Gazi Babë dhe Njësiti i Policisë Intervenuese në SPB Shkup kanë gjetur të plagosur shtetasin L.K 67 vjeç, vëllai i V.K, i cili dyshohet se është autor i vrasjes.
Ai gjithashtu është transportuar në spital për trajtim mjekësor.
Nga autoritetet thonë se po merren masa për zbardhjen e plotë të rastit dhe do të dalin me detaje se si ka ndodhur ngjarja e sotme.
