Makina përplas mjetin e tonazhit të lartë/ Plagosen burrë e grua, transportohen me urgjencë drejt spitalit

Si pasojë e përplasjes kanë mbetur të plagosur një çift, burrë e grua nga Tepelena.

Sipas burimeve paraprake  automjeti që udhëtonte çifti drejt Tepelenës ka goditur frikshëm nga prapa një automjet të tonazhit të lartë i cili kishte ndalur në rrugë për shkak të një defekti në motor. Goditja ka qenë e fortë ndërsa të dy janë plagosur.

Për momentin të lënduarit janë përcjellë në Qendrën Spitalore të qytezës së Fratarit e cila ndodhet 500 m larg vendngjarjes ndërsa në vendngjarje ka mbërritur edhe policia.