Mjeku holistik Luçiano Bardhi: Pionier në ushqyerjen dhe mirëqenien holistike

Luçiano Bardhi (lindur më 13 dhjetor 1999, në Berat, Shqipëri) është mjek holistik, nutricionist, këshillues dietolog dhe autor, i njohur për kontributin e tij në promovimin e një jetese të shëndetshme përmes ushqyerjes dhe kujdesit ndaj mirëqenies fizike e mendore.

Edukimi dhe kualifikimet profesionale
Luçiano Bardhi përfundoi arsimin fillor në shkollën “29 Nëntori” në Kuçovë dhe arsimin e mesëm në gjimnazin “5 Tetori” po në Kuçovë. Pas përfundimit të shkollës së mesme, në tetor të vitit 2018, ai nisi studimet e larta në Fakultetin e Shkencave Mjekësore “Aleksandër Xhuvani,ku u specializua në degën e Radiologjisë-Mjekësore (nr licence, 1838,Tiranë)
Ai përfundoi studimet dhe u diplomua në nëntor të vitit 2021 dhe u licencua si mjek në nëntor të vitit 2022.
Gjatë praktikës profesionale, Luçiano punoi në Spitalin Rajonal të Beratit dhe si praktikant vullnetar në repartin e Imazherisë pranë Spitalit Universitar të Traumës (QSUT) në Tiranë.
Në vitin 2023, ai mori certifikime të specializuara në shkencën e ushqimit dhe suplementet ushqimore, një trajnim që zgjati nga gushti deri në nëntor të të njëjtit vit. Më pas, ai vijoi një certifikim tjetër në shkencën e bimëve mjekësore, ku u përgatit si herbalist bimor në shkollën ACE-Shqipëri në Tiranë.
Aktualisht, ai është në proces të kualifikimit si nutricionist i specializuar, duke ndjekur një program njëvjeçar pranë Akademisë Italiane DermoLife që pritet të përfundojë në tetor të vitit 2024.

Karriera profesionale dhe autorësia
Luçiano Bardhi është autor i librit të njohur “Udhëtimi i ushqimit në trupin tonë”, i publikuar në tetor të vitit 2024. Ky botim ofron një perspektivë gjithëpërfshirëse mbi proceset fiziologjike të ushqimit dhe rëndësinë e ushqyerjes së vetëdijshme, duke ndihmuar lexuesit të kuptojnë ndikimin e ushqimit në trupin e tyre. Aktualisht, ai është duke punuar për librin e tij të dytë, që do të thellohet më tej në tema të lidhura me mirëqenien holistike.
Prej tre vitesh, Dr. Bardhi drejton një emision televiziv mbi shëndetin në kanalin @NTV, ku ndan njohuritë dhe përvojat e tij në fushën e mjekësisë holistike, ushqyerjes dhe kujdesit ndaj shëndetit mendor.

Filozofia e tij
Për Dr. Bardhin, ushqyerja nuk është vetëm proces biologjik, por një ndërveprim i ngushtë mes trupit dhe mendjes. Në një intervistë për programin “Zgjohu me MCN”, ai theksoi rëndësinë e një mjedisi pozitiv gjatë vakteve dhe ndikimin e faktorëve emocionalë në tretjen dhe përvetësimin e ushqimit.
“Truri dhe sistemi tretës janë në sinkron të plotë,” u shpreh ai. “Nëse ushqehemi me njerëz toksikë ose në një ambient stresues, ushqimi nuk tretet si duhet. Kjo ndikon jo vetëm në shëndetin tonë fizik, por edhe në mirëqenien mendore.”
Puna e tij përfshin ndërgjegjësimin mbi rëndësinë e një diete të balancuar, shmangien e ushqimeve toksike dhe ndërtimin e zakoneve të shëndetshme që përmirësojnë cilësinë e jetës.

Përfundim
Luçiano Bardhi është një model i frymëzimit për ata që kërkojnë të përmirësojnë shëndetin dhe mirëqenien e tyre. Me një bazë të fortë shkencore dhe përkushtim ndaj edukimit publik, ai vazhdon të ndikojë pozitivisht në komunitetin shqiptar dhe më gjerë.