Për kryeministrin shqiptar, Edi Rama, nuk ka më kuptim që gjashtë vende të Ballkanit Perëndimor, të cilat kërkojnë integrimin në Bashkimin Evropian, të vijojnë e të bllokojnë veten në këtë proces.

Ndaj, ai kërkon një bashkëpunim më të fortë rajonal, për të shtyrë përpara reformat dhe për të vijuar me hapa të shpejtë procesin e anëtarësimit në bashkësinë e madhe evropiane.

Kështu theksoi kreu i Qeverisë shqiptare, gjatë fjalës së tij në një panel, në kuadër të Samitit Bashkimi Evropian – Ballkani Perëndimor, i cili po mbahet në Kotor të Malit të Zi.

“Të vish në gjirin legjendar të Kotorit është kënaqësi e madhe. Dua të shpreh entuziazmin mbi atë që po ndodh e dua të falënderon Varhelyi dhe komisionin që ka punuar ngushtë me në duke na ofruar një platformë dialogu të mirëfilltë, një proces ku si zakonisht kemi dëgjuar, por si pak herë edhe komisioni na ka dëgjuar. Është një shembull që tregon çfarë mund të arrihet kur të dy palët dëgjojnë njëri tjetrin”, e nisi fjalën e tij kryeministri.

Më tej, ai tha se progresi gjatë dy muajve e gjysmë flet vetë, duke shtuar se janë përgatitur plane individuale të reformave dhe janë identifikuar po ashtu nisma, të cilat do ta çojnë rajonin para në tregun rajonal.

Po ashtu, kryeministri shtoi se vendet duhet të punojnë mbi mundësitë e planit të rritjes, për të përgatitur veten për ta integruar në tregun e përbashkët.

“Rajoni ka ardhur koha të jetë pjesë e portofolit digjital evropian. Synojmë të jemi gati në 2027. Presim që komisioni të përfundojë udhërrëfyesin”, trajtoi Rama.

Më herët, kryeministri e ka vlerësuar si tejet pozitiv takimin e radhës mes vendeve të Bashkimit Evropian dhe Ballkanit Perëndimor, i cili zhvillohet në Mal të Zi, ku ka kërkuar edhe fuqizimin e mëtejshëm të bashkëpunimit rajonal.

Duke e nisur me batuta për “motin jo të mirë me të cilin Mali i Zi e priti takimi”, Rama vuri theksin te Plani i Rritjes së Ballkanit Perëndimor, një nismë e re e vitalizuar nga BE-ja, që është edhe vëmendja kryesore e Samitit të liderëve rajonalë dhe atyre evropianë.

“Shtigje të reja për vendet e Ballkanit, për të bërë të mundur investimin në tregun e përbashkët dhe për të nxitur tregtinë. Shpresojmë që brenda këtij viti transfertat bankare të qytetarëve tanë nga vendet e BE të jenë më të lira se nuk do të kenë barrën e shpenzimeve”, theksoi Rama në një fjalë paraprake për mediat.

Ai më tej shtoi se takimi që po zhvillohet nën logon “Një rajon, vizion i përbashkët”, pason takimet e mëparshme të këtij niveli mes liderëve, në Tiranë dhe në Shkup, ku është diskutuar gjerësisht mbi Planin, që synon rritjen ekonomike të rajonit, përshpejtimin e reformave të duhura, dhe kryerjen e investimeve, që mund të avancojnë procesin e zgjerimit të BE-së me vendet e BP-së.

Vetë Samiti është i konceptuar në dy panele, përkatësisht: “Angazhimi dhe planet e së ardhmes”, si dhe “Kontributi për fuqizimin e bashkëpunimit rajonal”, me pjesëmarrjen liderëve të rajonit, si dhe Komisionerit të BE për Zgjerimin dhe Fqinjësinë, Oliver Varhelyi dhe Ndihmës Sekretarit të Shtetit për Evropën dhe Euroazinë, James O’Brien.

Në Samit janë të pranishëm drejtues e përfaqësues të organizatave partnere si Këshilli i Bashkëpunimit Rajonal, Banka Evropiane për Rindërtim dhe Zhvillim, Banka Evropiane e Investimeve, Banka Botërore, përfaqësues të lartë të Komisionit Evropian,etj.

Në nisje të punimeve të Samitit, Kryeministri Rama dhe liderët e tjerë të rajonit u pritën nga Kryeministri i Malit të Zi Milojko Spajić.

“Dy kanë qenë qendrat e goditjes së Shqipërisë, Kosova dhe Çamëria. Kosovën e morëm. Rama tregoi se do të fillojë çështja Çame. Faktet janë këto, por po të flasim për gjëra të tjera, është fantazi. Rama e foli njëherë para dy vitesh këtë gjë dhe grekët na sollën ushtrinë këtu.

Rama e përfshiu energjikisht këtë çështje. Përse? Të shikojmë se ku e ka mbështetjen Edi Rama. Ku e gjen fuqinë që të hyjë e të dalë në konflikt me Greqinë? Në Uashington, mendoj unë!”- u shpreh Ngjela.

Sa i takon deklaratës së bërë nga Dora Bakojanis, motra e kryeministrit grek dhe njëkohësisht eurodeputete në PE, avokati tha se nëna e Kyriakos Mitsotakis, kreut të qeverisë greke është shqiptare.

Disa vite ka qenë emigrantët shqiptarë po trajtohen si njerëz. Me kë flet Bakoyanis? Nënën e ka shqiptare ajo, Marika e ka emrin, e di unë. E kemi takuar njëherë në Kretë”- shtoi Ngjela ndër të tjera.

Sa i takon mesazhit që vizita e Ramës dha për Athinën zyrtare, Ngjela tha se ishte një lloj “hakmarrje” për çështjen e Belerit si dhe mundësi që të rihapet “Çështja Çame”.

Presidenti i Partisë së Lirisë, Ilir Meta është pyetur nëse i është afruar azil politik në Hungari. “Ilir Meta, nuk ka arsye të kërkoj azil politik”, thotë Meta për Fax News.

Ai tha se “dëshira për të më arrestuar mua, është e armiqve të Shqipërisë”. Gjatë intervistës, Meta tha se SPAK “nuk guxon asnjëherë ti përmendë emrin e Edi Ramës, në çështjen e inceneratorëve”.

‘Duke u ndalur te koalicioni me Edi Ramen gjatë periudhës 2013-2017, kreu i Partisë Lirisë tha: “Ilir Meta kur ishte Kryetar Parlamenti, i prishte shumë punë Edi Ramës”. Ai gjithashtu u ndal edhe tek zgjedhjet e vitit të ardhshëm, duke theksuar se “vullneti i popullit shqiptar, do të triumfojë në zgjedhjet e ardhshme”.

Një nismë e deputetit socialist Eduart Shalsi për ndryshimin e një akti normativ të vitit 2008 u transformua kryekëput në komisionin e Ekonomisë të mërkurën, duke i hapur dritën jeshile shkëmbimit apo shembjes së pronave publike në rastet kur këto të fundit pengojnë projekte private.

Ndryshimi i propozuar nga Shalsi në aktin me titull “Për privatizimin dhe dhënien në përdorim shoqërive tregtare dhe institucioneve shtetëtore të ndërmarrjeve apo objekteve të veçanta…,” synonte kalimin e funksionit nga Ministria e Financave tek ministria përgjegjëse për Ekonominë.

Por gjatë diskutimit në komision, deputetët Blerina Gjylameti dhe Alban Xhelilaj bënë propozime të reja, të cilat edhe pse nuk i janë nënshtruar konsultimit publik, synojnë që t’u japin kompetenca çdo institucioni publik që të vendosë për shkëmbimin apo shembjen e pronave publike, për arsye investimesh private në turizëm apo qëllime të tjera.

Sipas propozimeve, “prona shtetërore mund të shkëmbehet me pasuri private nga ministritë, institucionet e tjera qendrore, në varësi të Kryeministrit dhe të ministrive, organet e vetëqeverisjes vendore si dhe ndërmarrjet ose shoqëritë tregtare shtetërore”.

Gjithashtu, objektet shtetërore propozohen të shemben në troje ku janë dhënë leje zhvillimi.

“Kur pasuria shtetërore që përmban objekte apo ndërtesa shtrihet në gjurmën e projekteve për të cilat është miratuar leja e zhvillimit në përputhje me legjislacionin për planifikimin dhe zhvillimin e territorit, objektet dhe ndërtesat ekzistuese të ndodhura në këtë pasuri shemben në funksion të zhvillimit të projektit,” thuhet në propozim, duke përcaktuar se shpenzimet e shembjes dhe vlera kontabël e objekteve përballohen nga kompania private.

Sipas propozuesve, këto ndryshime synojnë rregullimin ligjor të një praktike që është ndjekur deri më sot për shembjen e objekteve shtetërore, dhurimin apo këmbimin e pronës publike, praktika e cila ka kaluar nëpër vendimmarrje ad-hoc të Këshillit të Ministrave.

Por deputetët e opozitës i bënë një lexim tjetër propozimeve, duke aluduar për lidhjen  me interesa të ngushta korruptive në dëm të interesin publik.

Deputetja demokrate, Jorida Tabaku tha se rasti përfaqësonte një shembull tipik të “ligjeve të kapura” dhe se parashikimi për shembjen e objekteve shtetërore dhe dhurimi i pronave publike bien ndesh me ligje të tjera sektoriale dhe me Kushtetutën.

“Është një ligj me porosi, për qëlllime dhe interesa të kujt unë ende nuk e di,” tha Tabaku, ndërsa shtoi se sipas përmbajtjes së neneve, shteti kthehet në një shkëmbyes pronash dhe transaksionesh private.

“Për mua të dyja janë shumë të rrezikshme! Lënë hapësirë për korrupsion, hapësirë në zbatimin e tij…,” këmbënguli Tabaku.

Edhe deputeti Dashamir Shehi akuzoi se pas propozimeve fshiheshin interesa konkrete të ‘oligarkëve” që lidhen me privatizimin e porteve apo pronave të ushtrisë që po kërkohen për investime turistike.

“Kjo bën mu,”  tha ai, duke shtuar se, – “nëse do të kishit sot një listë objektesh që ka dalë kjo problematikë, dyshoj që është Porti i Vlorës, i Durrësit, apo disa reparte ushtarake që sot kanë marrë vlerë turistike për shkak të vendndodhjes së tyre”.

Shehi aludoi se mënyra se si u bënë propozimet nga disa deputetë socialistë, duke shmangur qeverinë nga konsultimi publik, hidhte dyshime për qëllimet e vërteta të ndryshimeve.

Kjo procedurë u kontestua edhe nga deputeti socialist, Erion Braçe.

Braçe tha në komision se bëhet fjalë për “ndryshime themelore” që do të duhej të vinin nga ana e qeverisë, e cila është përgjegjëse për politikat.

“Ministritë janë aty për të ndërmarrë politika, pse duhet të marrin deputetët inciativa kaq të rëndësishme për ndryshim politikash,” tha Braçe, duke shtuar si argument dhe përgjegjësinë e ministrive për një proces konsultimi.

Ai po ashtu u shpreh i pakënaqur me përmbajtjen e ndryshimeve, duke shtruar pyetjen;“po pjesëmarrja e shtetit përmes pronës në një investim, përtej shitjes e shkëmbimit, pse nuk përfshihet?”

Kryetari i Komisionit, Eduard Shalsi pretendoi se propozimet ishin konsultuar me qeverinë dhe propozuesit ishin në dijeni të problematikave të mëparshme që kërkonin kuadrin ligjor.

“Ndërhyrjet me VKM po i sanksionojmë, nuk arrij ta kuptoj çfarë rreziku kanoset” pyeti Shalsi.

“Më thonë nga ministria që ka disa raste ku në një sipërfaqe p.sh. 100 njësi ka një pronë shtetërore 2-3 njësi, ku nuk lejohet lidhja e marrëveshjeve pavarësisht se edhe qeveria edhe investitori kanë rënë dakord që të shkëmbejnë një pronë ..,” solli ai një shembull në favor të arsyetimit mbrojtës.

Të paktën zyrtarisht nuk ka një konsultim me Këshillin e Ministrave mbi ndryshimet e reja thelbësore që u bënë në komision, pasi rezulton që qeveria të ketë dhënë ‘mendim” vetëm mbi nismën fillestare të deputetit Shalsi, që lidhej me rregullimin e kompetencave.

Gjithsesi, zëvendësministri i Ekonomisë, Endrit Yzeiraj i pranishëm në komision dha dakordësinë në mënyrë të thatë. Sipas tij, këto ndryshime “plotësojnë kuadrin ligjor dhe mbrojnë interesin publik”.

Më herët propozimet kaluan në komisionin e Ligjeve, ku po ashtu opozita ngriti pretendime se ndryshimet ishin klienteliste dhe një abuzim me pronat shtetërore.

Deputetja e PD-së, Dhurata Çupi, tha se, “po deformohen aktet normative te deritanishme duke normuar me ligj privatizimet e pronave shtetërore në interesa të individëve të lidhur me pushtetin”.

Ndryshimet ligjore të miratuara në komisionet parlamentare shmangën konsultimin publik dhe kaluan në mënyrë jotransparente, duke u futur në rendin e ditës së seancës plenare të enjten pa u publikuar në faqen zyrtare të Kuvendit.

Kryeministri i vendit Edi Rama, ka reaguar i tronditur pas sulmit me armë që iu bë pasditen e sotme homologut të tij sllovak Robert Fico.

Rama, përmes një postimi në platformën X dënon sulmin dhe i ruon Ficos shërim të shpejtë.

Edi Rama: I tronditur nga lajmi i tmerrshëm i sulmit të neveritshmë ndaj Kryeministrit të zgjedhur të Sllovakisë. Roberti është një i mbijetuar i madh dhe mik i dashur të cilit i uroj shërim të shpejtë dhe një rikthim spektakolar.