Skandali me videot intime/ Aktori Flor Binaj bën deklaratën e fortë: Ata që na q**ë ne…

Publikimi dhe shpërndarja në rrjet e videove me përmbajtje intime, që pretendohet se përfshijnë persona të njohur të showbizit shqiptar, vijon të shkaktojë reagime nga figura publike.

Në mesin e tyre është edhe aktori Florjan Binaj, i cili ka zgjedhur ta zhvendosë vëmendjen nga jeta private e personave të përfolur te çështjet që, sipas tij, kanë ndikim të drejtpërdrejtë te qytetarët.

Binaj ka shpërndarë në Instagram një postim të Genc Sejkos, ku theksohet se jeta intime e individëve nuk duhet të jetë fokusi i debatit publik, ndërsa vëmendja duhet të përqendrohet te problematikat që prekin qytetarët.

Aktori e ka shoqëruar postimin me një shenjë miratimi, duke sinjalizuar dakordësinë e tij me mesazhin.

Reagimi vjen në një kohë kur materialet private dhe pretendimet që qarkullojnë rreth tyre kanë marrë vëmendje të gjerë në rrjetet sociale. Krahas interesit për materialet, debati është zhvendosur edhe te respektimi i privatësisë dhe përgjegjësia për publikimin apo shpërndarjen e pamjeve pa pëlqimin e personave të përfshirë.

Qëndrimi i Binajt fokusohet te ideja se jeta private e individëve nuk duhet të zëvendësojë diskutimin për çështjet me interes publik, duke e orientuar vëmendjen te problematikat sociale dhe përdorimi i fondeve publike.