Kryetari i Aleancës për Ardhmërinë e Kosovës, Ramush Haradinaj, ka hedhur akuza të rënda ndaj kryeministrit Albin Kurti për të cilin ka deklaruar se “është agjent i rekrutuar i shërbimeve serbe”.

“Unë besoj se kryeministri I Kosoves Albin Kurti është i rekrutuar prej shërbimeve sekrete serbe. Mendohet se ai ka pasur lidhje dashurie me vajzën e një ministri të Sllobodan Millosheviçit pak para luftës” – theksoi Haradinaj gjatë një interviste.

“Supozohet që ajo lidhje ka qenë ndihmëse për kohën e qëndrimit të tij në burg, përkundër të këqijave i kanë bërë regjimi ne Beograd. Ka shumë shenja që tregojnë se Albin Kurti është në shërbim të agjendës serbe dhe ruse” – u shpreh i bindur kreu i Aleancës për Ardhmërinë e Kosovës.

Gjithashtu, deputeti i AAK-së teksa ka folur për Kurtin, ka theksuar se ky i fundit “i ka gënjyer njerëzit” se është për bashkim kombëtar, por ai ka shtuar se “këtë e paska pasur për te frikësuar të tjerët nga pavarësia e Kosovës”.

Ai gjithahstu ka folur mbajtjen eventuale të zgjedhjeve të parakohshme parlamentare, teksa potencuar se kryeministri Kurti më mirë është të dorëhiqet vet, pasi për Haradinajn, kjo mënyrë “është shpëtim për të”.

“Dëshira jonë për të shkuar në zgjedhje është me shkarkimin e tij, për fajet dhe humbjet që ia ka shkaktuar Kosovës” – potencoi Ramush Haradinaj

Timothy Less, hulumtues kryesor në Qendrën për Gjeopolitikë të Universitetit të Kembrixhit, vlerësoi se politika e Perëndimit ndaj çështjes së Kosovës është në ngërç, ndërsa Kosova po ndjek një politikë të integrimit të dhunshëm të serbëve.

Less tha se besonte për një kohë të gjatë se historia e Kosovës do të përfundonte me një marrëveshje për ndarje dhe shtoi se priste që Richard Grenell dhe administrata e ardhshme e Donald Trump të vazhdonin aty ku e lanë në vitin 2020 dhe se do të avanconin idenë që për të është e vetmja zgjidhje e mundshme për çështjen e statusit.

“Ndërkohë, politika aktuale e Perëndimit është në ngërç. Kosova po ndjek politikën e saj të integrimit të dhunshëm të serbëve ose, më mirë në këndvështrimin shqiptar, të eksodit të tyre nga Kosova. Serbia po kundërshton gjithnjë e më shumë çdo njohje të pavarësisë, që është një përgjigje e parashikueshme ndaj asaj që ai e sheh si persekutim të serbëve të Kosovës dhe presion nga Perëndimi për të hequr dorë nga Kosova pa ndonjë kompensim të konsiderueshëm”, tha Less duke shtuar se kur është fjala për Perëndimin, ai është në kurth sepse, nga njëra anë, mbron anëtarësimin e Kosovës në Këshillin e Evropës, dhe nga ana tjetër, refuzon ta bëjë këtë dhe e kushtëzon Kosovën me themelimin e Asociacionit, kritikon shqiptarët për veprime të njëanshme kundër serbëve dhe forcon praninë e saj ushtarake në Kosovë për të “parandaluar veprimet e njëanshme të serbëve”.

Ndërkohë, shtoi Less, dialogu i udhëhequr nga BE-ja kohëve të fundit është ndërprerë dhe zyrtarët kryesorë, si Gabriel Escobar dhe Miroslav Lajçak po tërhiqen, gjë që është një dëshmi e qartë e dështimit të politikës aktuale perëndimore ndaj Serbisë dhe Kosovës.

“Me fjalë të tjera, çështja e statusit të Kosovës është viktimë e të njëjtit idealizëm të rremë liberal në mendimin perëndimor, i cili duke ndaluar ndryshimin e kufijve dhe duke u fiksuar në të ashtuquajturën drejtësi restauruese, bllokon çdo lloj zgjidhjeje të përhershme apo të qëndrueshme në Bosnje dhe Hercegovinë dhe ruan një gjendje të ngrirë rraskapitëse” – potencoi tha Less.

Kryeministri i Kosovës Albin Kurti, është shprehur i gatshëm për shkuarje në zgjedhje të reja parlamentare. Ai ka zhvilluar takime me përfaqësues të partive opozitare, duke thënë se është i interesuar që të diskutojë me subjektet politike për datën më të përshtatshme për zgjedhjet e reja parlamentare në Kosovë.

I pyetur se pse kreu i Lëvizjes Vetëvendosje, po i përmend zgjedhjet parlamentare, në përfundim të mandatit të tij, profesori dhe eksperti amerikan për politikën dhe çështjet e Ballkanit në Universitetin e Nju Jorkut, Alon Ben-Meir, ka dhënë dy arsye.

Ai i ka lidhur zgjedhjet e reja me çështjen e Asociacionit të Komunave me shumicë serbe.

“Sugjerimi i Kurtit për të shkuar në zgjedhje të parakohshme në thelb është krijuar për të arritur dy gjëra. Njëra është që i gjithë diskutimi i Asociacionit të Komunave Serbe të shtyhet për qeverinë e ardhshme. I dyti, siç deklaruan disa opozitarë, Kurti sugjeroi zgjedhjet e parakohshme, sepse dëshiron të shmangë diskutimin e largimit të Kosovës nga agjenda e komitetit të ministrave në Këshillin e Evropës”, ka deklaruar eksperti amerikan

Por, sipas Ben-Meir, Qeveria e re nuk do të mund të shmangë formimin e Asociacionit.

“Së fundi, përpjekja e Kurtit për të shmangur të pashmangshmen – krijimin eventual të Asociacionit të Komunave Serbe – nuk ka funksionuar deri më tani, dhe mund të mos funksionojë edhe nëse do të ketë zgjedhje të reja, pavarësisht nëse ai apo ndonjë nga partitë opozitare formojnë qeverinë e ardhshme”, ka nënvizuar profesori.

Ai ka shtuar se “nga këndvështrimi i BE-së, çështja e Asociacionit është thelbësore për t’i dhënë fund bllokimit ndërmjet Kosovës dhe Serbisë”.

Sipas tij, pa zhbllokim të raporteve mes të dyja vendeve, “nuk do të ketë përparim thelbësor në procesin e integrimit të Serbisë dhe Kosovës”.

Gjykata e Apelit ka lënë në fuqi vendimin e Shkallës së Parë për ish-drejtorin e IT-së në Policinë e Shtetit, Ervin Muça. Apeli la në fuqi masën e ‘arrestit në shtëpi’ për Muçën, pasi ky i fundit kërkoi që hetimet ndaj tij të vijonin në gjendje të lirë, me argumentin se nuk ka kryer shkelje të ligjit.

Ndërkohë ai u thirr në SPAK për të dëshmuar më 12 prill, ku para mediave deklaroi se është i pafajshëm, pasi sipas tij ka vetëm spekulime mediatike, ndërsa ka kryer vetëm detyrën.

Ndonëse Rezoluta për Srebrenicën u miratua në Kombet e Bashkuara, serbët nuk u shpallen komb gjenocidal, të cilin qeveria e ka trumbetuar shpesh ditët e fundit. Analistët pohojnë se ajo ka përdorimin e saj të brendshëm, politik ditor, ndërsa një pjesë e publikut e interpretoi si “larje” të biografive të aktorëve që vendosën dhe morën vendime kyçe gjatë viteve nëntëdhjetë të shekullit të kaluar.

Edhe pse ishte e qartë edhe pa shtimin e amendamenteve malazeze se me miratimin e Rezolutës për Srebrenicën populli serb nuk do të ishte gjenocidal, tani nuk ka dilemë – nuk do të ketë faj kolektiv.

Përgjegjësit janë individë, jo populli, edhe pse prej ditësh opinioni i hutuar serb është bombarduar me deklarata të pushtetit se fajin do ta kemi të gjithë.

Edhe pse juristë, politologë dhe ekspertë të tjerë u përpoqën të shpjegojnë se është e pamundur të shpallet një komb gjenocidal, qeveria serbe e udhëhequr nga presidenti pretendoi të kundërtën – qëllimi ishte t’i damkoset serbët dhe t’i shënjonin me fjalën “më të keqe” të mundshme – gjenocid.

“ Krahas manipulimeve përmes damkosjes së mbarë kombit, ishte edhe një larje biografish. Ata që ishin politikëbërës në vitet nëntëdhjetë tani janë lojtarë kyç në skenën politike. Duke shtyrë tezën se populli serb është gjenocidal, ata u përpoqën të lajnë përgjegjësitë që kishin” –  deklaroi Aleksandar Popov nga Qendra për rajonalizëm

Ai u shpreh gjithashtu se do të vazhdojmë të dëgjojmë nga presidenti Aleksandar Vuçic se fajin e ka i gjithë populli sepse kjo ka vlerën e vet të brendshme të përdorimit.

“Vuçic do të vazhdojë të insistojë se ky është një mashtrim perfid, se kjo është e drejtuar, në fund të fundit, kundër gjithë popullit serb, kundër të cilit gjoja e gjithë bota është inatosur. E gjithë kjo është në shërbim të politikës së brendshme, që synon publikun e brendshëm për të treguar se beteja te mëdha po bëhen për të ruajtur imazhin dhe krenarinë. Mantra do të mbetet e njëjtë, gjë që justifikon dështimet e mëdha të politikës së brendshme dhe të jashtme” –  shpjegoi Popov.