Sirena alarmi në Francë: Është zhdukur Kante

FRANCE – Që kur luajti ndeshjen e tij të fundit për Chelsean, kundër Tottenhamit (2-2) më 14 gusht, dihet pak ose asgjë për ish-mesfushorin e kombëtares së Francës. N’Golo Kante, i cili ka luajtur vetëm 175′ këtë sezon, pësoi një dëmtim muskulor dhe që atëherë ka humbur 12 ndeshje për blutë e Londrës.

Rishfaqja e tij dukej e afërt, por ai është rikthyer dhe gjithçka tregon se do të mungojë edhe për “disa javë të tjera”. Në Francë është shpallur gjendja e alarmit. “Në varësi të burimit, vlerësimet ndryshojnë. Por në çdo rast, do të kalojnë dy javë para një rikuperimi të mundshëm”,- siguron ‘L’Équipe’.

Edhe në atë skenar, më e mira nga të gjitha, prania e tij në Kupën e Botës do të rrezikohej seriozisht. Kante do të luante vetëm dy ndeshje (Dinamo Zagreb dhe Arsenal) përpara Katarit 2022.

“Ne jemi ende duke pritur për N’Golo. Ai kishte një problem në stërvitje dhe nuk është në gjendjen e tij ideale. Është zhgënjyese për të dhe për ne. Duhet të presim dhe të shohim shkallën e shqetësimit”,- thotë trajneri Graham Potter.

Mesazhi i Didier Deschamps është i qartë. Ai tashmë ka paralajmëruar për dëmtimin e Pogbas: “Nuk do të thërras asnjë lojtar, kushdo qoftë ai, që nuk është 100%”. Trajneri i kombëtares së Francës do të japë listën më 9 nëntor. Kanë mbetur vetëm 26 ditë… dhe koha po ikën kundër Kanté.