E pazakontë/ Premtoi se do të humbiste peshë, gjendet i vdekur njeriu më i shëndoshë në botë

Një nga burrat më të shëndoshë në botë është gjetur i vdekur në shtëpinë e tij vetëm disa ditë pasi u zotua të humbasë peshën.

Leonid Andreev, 60 vjeç, peshonte më shumë se tre foshnja elefantë dhe kishte mbetur në shtëpi për pesë vjet. Burri rreth 280 kilogramë u gjet në shtëpi në fshatin Armizonskoye, Rusi, vetëm një ditë pasi i tha mediave lokale se po planifikonte një jetë të re duke humbur peshë dhe duke lëvizur në apartament.

Por më 17 nëntor, ai u gjet i vdekur në shtëpinë e tij pasi raportohet se pësoi një atak në zemër. Ai tha se kishte në plan të fillonte një dietë të re me vetëm një filxhan supë të lehtë për drekë.

Kjo erdhi pasi një mjek e paralajmëroi se duhej të humbiste të paktën 47 kilogramë në mënyrë që të jetonte përsëri normalisht. Andreev tha: “Unë u përpoqa të humbas të paktën pak peshë. Hëngra më pak dhe nuk kënaqesha me produktet e miellit”. 60-vjeçari ishte i martuar dhe i divorcuar dy herë dhe nuk kishte fëmijë.

Ai gjithashtu tronditi gazetarët duke treguar se dikur ka qenë sportist dhe peshonte vetëm rreth 70 kg. Tragjikisht, vetëm dhjetë vjet më parë Andreev ishte një gjahtar që drejtonte fermën e tij dhe mori pjesë në korrjen e të korrave.

Andreev tha se problemet me peshën filluan kur ai la karrierën në ushtri dhe në vetëm tre muaj, pesha e tij gati u dyfishua ne 100 kg dhe nuk ndaloi së shëndoshuri. Shtimi i tij në peshë ishte shkaktuar nga një çrregullim metabolik dhe pesë vjet më parë përmasat e tij ishin aq të mëdha sa iu desh të linte punën.