Sali Berisha: Ngrihuni shqiptarë, mos e hani turpin me bukë

Sali Berisha komentoi dje vendimin e Apeli që e la sërish atë në masën e sigurisë “arrest shtëpie”. Nga ballkoni i banesës së tij, Berisha tha se ky vendim është marrë i diktuar nga kryeministri Rama.

Sipas Berishës, gjykatësja që dha këtë vendim priti derisa mori urdhrin nga Rama, i cili ndodhej jashtë vendit (Rama ndodhej në Kuvend në fakt, në ato momente). Pavarësisht këtij vendimi, Berisha tha se nuk dihet i izoluar, por më i motivuar se kurrë në betejën e tij.

Berisha u bëri thirrje të gjithë shqiptarëve që të ngrihen dhe të mos pranojnë të hanë me turpin me bukë.

“Një gjykatëse mjerane, produkt i reformës së Sorosit, në verbërinë e saj mbajti në fuqi vendimin e diktuar nga Rama.

Unë jam këtu me ju, nuk ndihem i izoluar, por ndihem më i motivuar se kurrë në betejën time, më optimist dhe më me shpresë se asnjëherë.

Kurrë një komb i qytetëruar nuk mund të pranojë një kryeministër një njeri që akuzohet me fakte me dokumente zyrtare nga drejtësia e një vendi tjetër, nga drejtësia e SHBA, se ka korruptuar oficerin më të lartë të zbulimit të saj për të luftuar opozitën shqiptare.

Ky skandal është planetar. Kjo është historia më e turpshme e një kryeministri i cili lufton për një Shqipëri pa opozitë.

Unë ftoj shqiptarët të mos pranojnë të hanë turpin me buke. Nuk ka turp më të madh sesa të pranojnë kryeministër njeriun që për karrigen e tij i korrupton partnerit kryesor, SHBA, njeriun kryesor që duhet të mbronte atë vend nga korrupsioni dhe akte të tjera. E bën këtë sigurt ë ishte një armik i egër i vendit të madh të lirisë”, tha ai.