“SA SHQIPTARË PO VRET REALISHT COVID-I?”/ Eksperti i shëndetit publik plas skandalin…

Eksperti i Shëndetit Publik, Erion Dasho, ka deklaruar se shifrat e vdekjeve nga Covid-19 që raporton Ministria e Shëndetësisë nuk janë të vërteta.

Sipas tij, ato nuk tregojnë numrin e vërtetë të personave që vdesin nga koronavirusi në vendin tonë “sepse mungojnë të paktën tre kategori personash që humbin jetën nga COVID dhe nuk raportohen në deklaratat zyrtare”.

Sipas tij, janë këto tre kategori: “Personat e shtruar në spitalet COVID me rezultat testi fals negativ. Personat që humbin jetën në shtëpi apo pas daljes nga spitali “të shëruar”. Një kategori ndoshta më e vogël se dy paraardhëset, por që po rritet ndjeshëm është ajo e personave të shpallur pozitivë pas vdekjes”.

Postimi i plotë:

SA SHQIPTARË PO VRET REALISHT COVID-I?

Pasi prej muajsh “masave” të qeverisë kundër COVID-it u ka dalë keq boja, “argumenti” i fundit që ka ngelur në gojën e demagogëve është numri i vdekjeve për banor, i cili sipas tyre e rendit Shqipërinë midis vendeve të suksesshme.