Beogradi në panik/ Spartak Ngjela ‘godet’ Vuçiçin me mesazh të fortë për Kosovën

Avokati Spartak Ngjela ka reaguar ashpër ndaj qëndrimeve të fundit të presidentit serb Aleksandër Vuçiç, duke thënë se ai po vazhdon politikën e rrezikshme dhe mashtruese, të trashëguar nga epoka e kriminelit Sllobodan Millosheviçit.

Në një shkrim në platformen sociale Facebook, Ngjela pyet me ironi se: “Pse vuajnë kaq shumë në Beograd për një luftë të humbur?” dhe shton se Serbia po vijon me propagandën e saj të përditshme kundër Kosovës, ndërkohë që shpenzon aq shume para për ushtrinë dhe gënjen qytetarët e saj.

Avokati foli edhe për presidentin serb, ku potencoi faktin se Vucic, është i vetëdijshëm se Serbia është mundur dy herë nga shqiptarët – njëherë në vitin 1999 me ndihmën e NATO-s dhe së dyti në vitin 2023, gjatë përpjekjeve për tension në veri të Kosovës, në rastin e njohur si sulmi i Banjskës.

Ndër të tjera, Ngjela theksoi se Kosova ka fituar pavarësinë në një luftë të drejtë çlirimtare, me mbështetjen e drejtpërdrejtë të NATO-s, dhe se prania e trupave amerikane në Kosovë është një garanci e qartë për sovranitetin dhe sigurinë e saj.