Connect with us

Sociale

Balkan Detox Life: Projekti i ri që lufton helmimin ndaj jetës së egër përgjatë shteteve të Ballkanit

Published

on

Lançimi i projektit të financuar nga BE, synon rritjen e ndërgjegjësimit dhe forcimin e
kapaciteteve kombëtare për të luftuar problemin e helmimit të jetës së egër në Ballkan, i cili
është një nga shkaqet më kryesore për uljen e numrit të popullatave të shumë llojeve të
rrezikuara.


Pavarësisht se helmimi i jetës së egër është një aktivitet i jashtëligjshëm në Ballkan, kjo praktikë
e dëmshme është ende e përhapur dhe përbën një rrezik të konsiderueshëm për jetën e egër,
mjedisin, shëndetin e njerëzve dhe, në veçanti, për shkabat. Falë aksioneve ruajtëse, është bërë
një progres i konsiderueshëm në këtë drejtim, dhe tani, me lançimin e këtij projekti ambicioz, ne
do të vazhdojmë akoma më tej drejt luftimit të këtij problemi! Në projektin “BalkanDetox Life”,
nëntë organizata do të punojnë së bashku me grupet e interesit kombëtare e ndërkombëtare, duke
filluar nga autoritete qeveritare, gjuetarë dhe barinj, në mënyrë që të minimizohet kërcënimi i
helmimit dhe të arrihen rezultate konkrete përgjatë 7 vendeve të Ballkanit.
“Projekti BalkanDetox Life është ndërtuar mbi themelet e qëndrueshme të punës së Fondacionit
për Ruajtjen e Shkabave në projektin Ballkanik Kundër-Helmimit (BAPP), veçanërisht në
sigurimin e angazhimit të institucioneve qeverisëse ndaj çështjes së helmimit të jetës së egër.
Projekti në fjalë do të mundësojë vazhdimin e kësaj iniciative për të përmirësuar menaxhimin e
incidenteve të helmimit, si dhe arrijë një ulje të konsiderueshme të numrit të shkabave të
ngordhura nga përdorimi i paligjshëm i helmeve në këtë rajon”, thotë Uroš Pantović,
Koordinator i Projektit BalkanDetox Life.
Rasti më i zakonshëm i helmimit të jetës së egër në Ballkan vjen prej përdorimit të kurtheve të
helmatisura, si një mënyrë për të vrarë kafshët grabitqare, të cilat shkaktojnë dëme në bagëti apo
lloje të tjera. Përtej kafshëve të targetuara nga kjo veprimtari, lloje të tjera në mënyrë indirekte
bien viktimë e këtyre kurtheve. Shkabat, duke qenë se janë lloje që ushqehen me kërma, bien
lehtësisht viktimë e helmeve, qoftë duke konsumuar në mënyrë të drejtpërdrejtë kurthin me helm, apo duke u ushqyer me kafshët të cilat e kanë konsumuar atë. Incidentet e shpeshta të
helmimit të Ballkan kanë rezultuar në 465 raste të konfirmuara të ngordhjes së shkabave në 20
vitet e fundit. Një studim i VCF tregon se së paku 115 shkaba ngordhin çdo vit nga helmimi në
Ballkan, duke qenë se vetëm 20% e incidenteve zbulohen e dokumentohen.
“Ky problem alarmues ka shkaktuar zhdukjen e llojeve të shkabave në vendet e Ballkanit, ku
popullatat janë me numra të ulët e të fragmetuar. Për këtë arsye, duhet që në mënyrë urgjente të
adresojmë këtë problem, nëse duam që t’i rimëkëmbim këto popullata në nivelet dhe
shpërndarjen e mëparshme. Shkabat njihen si skuadra pastruese e natyrës, të cilat largojnë
mbetjet e kafshëve të ngordhura, duke ndihmuar në shëndetin e ekosistemeve, që përkthehet në
përfitim si për natyrën, jetën e egër, po ashtu edhe shoqërinë njerëzore!”, thotë José Tavares,
Drejtues i VCF.
Projekti BalkanDetox Life synon të ndryshojë sjelljen dhe perceptimin e një numri të gjerë
aktorësh, duke filluar nga vendimmarrësit, publiku i gjerë, e deri tek përdoruesit e kurtheve të
helmatisur. Skuadra e projektit do të rrisë ndërgjegjësimin mbi helmimin e jetës së egër, si dhe
do të këshillojë mbi mënyra alternative të zgjidhjes së konflikteve midis njeriut dhe jetës së egër,
si masat parandaluese që nuk dëmtojnë kafshët dhe as mjedisin. Akoma më tej, projekti do të
forcojë kapacitetet operative, do të koordinojë aksionet institucionale për të përmirësuar
menaxhimin e incidenteve të helmimit, do të lehtësojë një përgjigje efektive ndaj këtyre
incidenteve, si dhe do të forcojë përpjekjet për t’i parandaluar ato. Qëllimi final është minimizimi
i shkallës dhe qëllimit të helmimit të jetës së egër në Ballkan, duke ndihmuar në ruajtjen e
natyrës e të njerëzve!


“Helmimi i jetës së egër është një krim mjedisor, dhe si i tillë kërkon përfshirjen e autoriteteve
për të regjistruar, investiguar dhe ndëshkuar këto aktivitete. Ky projekt do të punojë së bashku
me institucionet ligjzbatuese për ta arritur këtë”, thotë Jovan Andevski, Menaxher i Programeve
të Ruajtjes pranë VCF.
Projekti “BalkanDetox Life” është një përpjekje pesë-vjeçare me një buxhet prej 1.8 milionë €, i
cili financohet nga programi LIFE i Bashkimit Evropian. Ai bashkëfinancohet nga VCF,
Fondacioni Mava dhe EuroNatur, si dhe Fondi Whitley për Natyrën, apo Fondi për Mbrojtjen
Mjedisore dhe Efiçencën Energjitike. Ky projekt do të implementohet në Shqipëri, BosnjëHercegovinë, Bullgari, Kroaci, Greqi, Maqedoni e Veriut dhe Serbi. Partnerët e projektit janë
Vulture Conservation Fund, si njësi koordinuese, për të vazhduar me Albanian Ornithological
Society, Association BIOM, Bird Protection and Study Society of Serbia, Fund for Wild Flora
and Fauna, Hellenic Ornithological Society, Macedonian Ecological Society, Ornitološko društvo NAŠE Ptice dhe Protection and Preservation of Natural Environment in Albania. Akoma
më tej, ky projekt bazohet në praktikat më të mira Spanjolle dhe mbështetet nga Junta de
Andalucía dhe Ministria e Tranzicionit Ekologjik dhe Ndryshimeve Demografike.

Sociale

Italia kryeson me dhënien e lejeve për shqiptarët

Published

on

By

Janë gati 780 mijë shqiptarë që kanë marrë leje qëndrimi në një nga vendet e Bashkimit Europian dhe në Mbretërinë e Bashkuar gjatë periudhës 2008-2021.

Sipas të dhënave të Eurostat, të përpunuara nga Monitor, është Italia shteti që kryeson me dhënien e lejeve për këtë periudhë, me 372 mijë lejë të dhëna, ose 47% e totalit.

Pas Italisë, vendin e dytë e zë Greqia, me 258 mijë leje të dhëna, ose 33% e totalit.

Në vendin e tretë vitet e fundit ka kaluar Gjermania, që ka dhënë gjithsej 53 mijë leje, ose gati 75 të totalit. Lejet e qëndrimit të dhëna nga shteti gjerman janë rritur vitet e fundit pasi shumë shqiptarë iu drejtuan Gjermanisë për të punuar, kryesisht mjekë, infermierë, punonjës të teknologjisë së informacionit etj.

Mbretëria e Bashkuar ka kaluar në vend të katërt, me rreth 20 mijë leje qëndrimi të dhënav, por për këtë shtet Eurostat raporton të dhënat deri në 2018-n. deri atë vit përgjithësisht jepeshin 2-3 mijë lejë në vit.

Pas këtyre katër shteteve renditet Franca, me 17 mijë lejë qëndrimi të dhëna gjithsej, ose 2.2% e totalit, Ndonëse Franca është më e preferuara për kërkesat për azil nga shqiptarët, duke u renditur e para vitet e fundit, duket se shteti francez edhe pse mund të mos I përzërë, sërish është ngurrues për të dhënë leje qëndrimi.

Belgjika, Suedia Kroacia, kanë dhënë në periudhën 2008-2021 rreth 7-9 mijë lejë qëndrimi, ndërsa shtetet e tjera më pak se 3 mijë leje gjithsej.

Edhe në vitin 2021, kur u dhanë në total 55 mijë leje nga shtetet e BE-së (pa Mbretërinë e Bashkuar) Italia ishte shteti më bujar, me gati 30 mijë leje, ose 54% të totalit, e ndjekur nga Greqia me 18%.

Por, ndërsa deri në vitin 2011 kishte një diferencë të lartë mes lejeve që jepeshin nga Italia dhe Greqia në raport me shtetet e tjera, vitet e fundit diferenca është ngushtuar dukshëm duke treguar një preferencë drejt shteteve të tjera, kryesisht Mbretërisë së Bashkuar dhe Gjermanisë (shiko grafikun: Lejet e qëndrimit dhënë në vite, sipas shteteve kryesore, 2008-2021)

Ikja vazhdon

Ikja e shqiptarëve drejt vendeve të Bashkimit Europian duket se nuk ka të ndalur.

Të dhënat e Eurostat tregojnë se në vitin 2021 janë dhënë 55.2 mijë leje qëndrimi për shtetasit shqiptarë në një nga vendet e BE-së.

Në krahasim me një vit më parë, kur ky process u bllokua nga pandemia, lejet janë rritur me 47%.

Që nga viti 2008, kur Eurostat raporton të dhënat, shtetet e BE-së kanë dhënë për shqiptarë gjithsej 756 mijë shtetas shqiptarë. Duke përfshirë dhe Mbretërinë e Bashkuar shifra arrin në rreth 780 mijë Nga institucionet ndërkombëtare, numri i lejeve të qëndrimit për shtetasit e një vendi llogaritet si emigracion.

Kjo shifër është gati sa 30% e popullsisë që vlerësohet që jeton aktualisht në Shqipëri./ Monitor

Continue Reading

Sociale

‘E vrau shteti’, protestë për vdekjen e 7-vjeçares

Published

on

By

Qytetarë të shumtë kanë mbajtur dje homazhe tek Kryeministria për 7-vjeçaren Jonada Avdia që u vra tragjikisht në Potam, Himarë nga një gomone.

Dje mbrëmje në orën 20:00 janë ndezur qirinj tek Kryeministria si homazh për 7-vjeçaren që humbi jetën si pasojë e goditjes nga një gomone, në plazh.

Ngjarja e rëndë që ndodhi në plazhit e Potamit, tronditi mbarë opinionin publik. Shoqëria civile ka bërë thirrje për protestë para Ministrisë së Brendshme ditën e nesërme, 4 gusht, ndërsa theksojnë se do të kërkojnë dorëheqjen e ministrit të Brendshëm Bledi Çuçi, Drejtorit të Përgjithshëm të Policisë së Shtetit Gledis Nanos dhe ministres Kumbaro.

Në mbështetje të kësaj proteste ka dalë edhe Partia Demokratike, si dhe Partia e Lirisë.

Reagimi:

Tek Kryeministria pas ngjarjes makabre te kryer nga një punonjës me detyra te larta në Policinë e Shtetit, i cili vrau me skaf një vajzë 7 vjeçe ne breg të detit.

Të kerkojme dhe tregojme se kush është përgjegjësi dhe te kerkojme ne dritën e qirinjve, me nje buqete lulesh, me nje mesazh ne nje cope leter, pak dinjitet per veten, se e pafajshmja u largua….

Të kërkojme shkarkimin ose…

Dorëheqje e Ministrit te Brendshëm zotit Bledi Çuçi

Dorëheqje e Drejtorit të Përgjithshëm të Policisë së Shtetit zoti Gledis Nano

Dorëheqje e Ministres se Turizmit dhe Mjedisit Mirela Kumbaro.

Ngushellime familjes Avdia për humbjen e dritës së tyre, zoti ju dhëntë forcë për të kaluar këtë dhimbje që ka tronditur thellë çdo bashkombas. Zoti qoftë me ju, e shpirti i engjëllit tuaj u prehtë qiell!

Continue Reading

Sociale

Snap po planifikon të shtojë NFTs në platformë

Published

on

By

Tregu i kriptomonedhave mund të jetë në periudhën e saj më të keqe për momentin, mirëpo kjo gjë nuk po ndryshon vendimin e kompanive të mëdha teknologjike për t’u përfshirë sa më tepër në këtë treg, në rast se gjërat ndryshojnë me kalimin e kohës.

Një zhvillim të tillë po bën dhe Snapchat, që po planifikon të shtojë NFTs në platformë në formën e filtrave AR. Sipas një raporti nga Financial Times, kompania pritet të nisë këtë eksperiment me një ekip të limituar krijuesish gjatë muajit gusht. Në këtë testim, artistët do të jenë në gjendje të krijojnë NFT të reja nga platformat e tjera dhe t’i importojnë ato në Snapchat si Lenses.

Mendohet se Snapchat nuk do të përfitojë para nga krijuesit për të reklamuar NFT e tyre, në mënyrë të njejtë me InstagramTwitter dhe Facebook. Në fakt kompania po mendon për mënyra se si krijuesit mund të monetizojnë punën e tyre.

Rrjetet sociale të ndryshme kanë menduar për mënyra të ndryshme për përfshirjen e NFTs në platformat e tyre. Twitter ishte rrjeti social i parë i cili pranoi NFT në platformën e saj, duke lejuar të gjithë përdoruesit premium të përdorin NFT e tyre si një avatar.

Gjithashtu dhe Instagram tregoi se do të lejojë një grup të vogël krijuesish të testojnë shpërndarjen e NFT në Feeds, Stories apo Messages.

Continue Reading

Sociale

Shëndeti mendor, Manastirliu takim me të rinjtë

Published

on

By

Ministrja e Shëndetësisë, Ogerta Manastirliu së bashku me Ministren e Arsimit dhe Sportit, Evis Kushi, zhvilluan një takim me të rinjtë për problematikat e shëndetit mendor.

Manastirliu gjatë fjalës së saj tha se brenda vitit do të krijohen 50 qendra socio-shëndetësore.

“Ne kemi vendosur që në vitin aktual, pra 2022, të krijojmë për herë të parë modelin e ri të qendrave socio-shëndetësore. Një model i cili do të japë mundësinë që problematika të shëndetit mendor dhe vlerësimi për këto problematika të jetë që në bazën e kujdesit parësor, që është pikërisht mjekësia e familjes”, tha Manastirliu.

Ministrja e Shëndetësisë tha se theksi duhet vendosur tek parandalimi dhe rritja e ndërgjegjësimit për problematikat e shëndetit mendor.
“Ne kemi zgjeruar qendrat komunitare të shëndetit mendor por kemi ende shumë për të bërë për parandalimin. Dhe parandalim do të thotë ngritje e të gjithë strukturave, nga shkolla, në familje, në komunitet, për rritjen e ndërgjegjësimit për problematikat e kujdesit ndaj shëndetit në tërësi por edhe shëndetit mendor në veçanti”, tha Manastirliu.

Continue Reading

Sociale

Shërbimi i ri i Apple sjell një mbrojtje “ekstreme”

Published

on

By

Apple po ndërmerr disa hapa për të rritur sigurinë e personave si gazetarët, aktivistët dhe politikanët përmes një shërbimi të ri në iOS 16, iPadOS 16 dhe macOS Ventura të quajtur Lockdown Mode. Ky shërbim përmirëson sigurinë duke ndërprerë rrugët kryesore që përdoren për infektimin e pajisjeve të personave më të rrezikuar.

Lockdown Mode bllokon të gjithë dokumentet e bashkëngjitura në mesazhe, çaktivizon link preview, bllokon disa teknologji të caktuara në web browsing, bllokon ftesat për FaceTime nga numrat e panjohur, bllokon lidhjet me kabllo të pajisjes në kompjutera apo aksesorë kur pajisja është e kyçur si dhe çaktivizon mundësinë për të shtuar profile të reja konfigurimi.

lockdown_mode_ios16.webp

Këto janë fushat që janë më të ekspozuara ndaj sulmeve kibernetike të ndryshme, pasi Project Zero i Google detajoi se si iPhone-t e personave të përzgjedhur nga software-i Pegasus mund të kompromentoheshin nga një GIF në iMessage. Taktika të tjera sulmi përfshijnë përdorimin e website-ve keqdashëse për të infektuar pajisjen.

Apple e quan Lockdown Mode një “nivel ekstrem opsional” të mbrojtjes që është një përgjigje e drejtpërdrejtë ndaj software-ve “spiunë” të mbështetur nga qeveritë si Pegasus, që u zhvillua nga NSO Group.

Megjithatë, dhe në këtë nivel mbrojtjeje mund të ketë disa vende më pak të mbrojtura, dhe Apple ofron deri në $2 milionë për cilindo person që gjen dobësi të tilla në Lockdown Mode.

Continue Reading
Advertisement
Advertisement

TRENDING