Shkrime
Neveria me show-n për 21 Janarin
Nga Andi Bushati
Zakoni i lodhur për të rikujtuar në çdo përvjetor dëshmorët e 21 janarit, ashtu siç bënte regjimi i vjetër në çdo 5 maj, me disa nga ata që kishin vrarë pas shpine gjatë luftës, po fillon të bëhet i neveritshëm. Përtej pritjeve në zyrën me harta të Ramës dhe vendosjes së luleve në trotuar, gjithçka tjetër është hipokrizi. Këtë herë ka qenë ministri i drejtësisë Ulsi Manja, që njësoj si paraardhësi i tij Saimir Tahiri, rimori një nismë për rihapjen e dosjes.
Pra, deri diku, nuk ka asnjë diskutim se çdo përpjekje serioze për ta zbardhur të plotë atë ngjarje është e mirëpritur. Por, delenxhijtë e rilindjes e kanë humbur prej kohësh të drejtën që publiku tu’a besojë këtë mision. Anatemimi i drejtësisë së vjetër dhe ankesat për këtë të renë, prokurorët dhe gjykatësitë e së cilës i kanë vettuar vetë, nuk pinë më ujë. Pasi ka ngjarje dhe mistere të cilat edhe vende me një pushtet të admirueshëm të ligjit nuk i kanë zbardhur dot kurrë. Kjo mund të ndodhë edhe me 21 janarin.
Por ama, një forcë politike nuk matet vetëm me suksesin që ka pasur drejtësia gjatë kohës që ajo ka qenë në pushtet, por mbi të gjitha me moralitetin që ajo e ka trajtuar çështjen për të cilën i kërkon llogari prokurorëve dhe gjyqtarëve. Dhe këtu, në një dekadë, rilindasit i kanë vrarë për së dyti viktimat e 21 janarit. Rama dhe PS nuk vunë kurrë as një filtër moral, nuk përdorën asnjë kordon higjenik për të ndërtuar kauza të përbashkëta ata të cilët dikur u renditën përkrah vrasësve.
Le të kujtojmë se ky pushtet u ndërtua në bashkëpunim me Ilir Metën, kundër të cilit ata katër “kokëpalarë” dolën të protestonin në mënyrë të ashpër. Së bashku me LSI-në, rilindasit përkujtuan së bëshku një sërë përvjetoresh të masakrës, deri sa dy partitë u ndanë për interesat e veta elektorale, dhe aspak për këtë çështje që moralisht s’do duhej të ti kishte lënë të bashkoheshin kurrë.
Le të kujtojmë se ende dhe sot, TV Klan, ai televizioni që propgandoi atë videon e manipuluar, sikur protestuesit ishin vrarë nga turma, në sinkron me alibinë që po përhapte Berisha, sot është i preferuari i pushtetit. Edi Rama dakron me drejtuesit e tij në një muaj, më shumë se ç’i ka pritur familjet e viktimave në dhjetë vite dhe kjo media ndihet sot nën pushtetit e tij shumë më rehat sesa nën atë të Saliut.
Le të mos harrojmë se një ish ministre e PD-së, Majlinda Bregu, që mbajti mbrëmjen e krimit në “Opinion”, një qëndrim kundër viktimave që të rënqethte mishin, u shpërblye nga kjo qeveri me lobimin për postin e shefes së Këshillit të Bashkëpunimit Rajonal. Dhe qershia mbi tortë, është përzgjedhja si kryebashkiak i PS-së së Matit, i gardistit të grupit të gatshëm në 21 janar, Agron Malajt, që u shpërblye nga qeveria Berisha me katër paga shtesë për katër të vrarët. Ky personazh vazhdon të mbështetet nga qendra dhe të votohet nga baza e nënshtruar socialiste duke e legenosur përfundimisht memorien e atij krimi të shëmtuar.
Ka dhe plot politikanë, gazetarë, pronarë mediash, me të cilët, për interesa të çastit, ky pushtet e ka flakur tej filtrin higjenik të 21 janarit. Por edhe rikujtesat e mësipërme janë mjaft për të dëshmuar se as Rama dhe as rilindja, nuk e kanë një shtyllë morale, këtë tragjedi që hiqen sikur i përlot ende.
Ata mund të organizojnë përkujtimore, mund të shpërndajnë shpërblime për familjarët dhe herë pas here të shtiren sikur po angazhohen për rihapjen e hetimit. Por, politikisht, vetëm janë tallur, pasi për atë që kishin 100% në dorë s’janë treguar dinjitozë në asnjë moment. Sa herë i është dashur, nuk kanë nguruar të bëjnë aleancë me mbrojtësit e dikurshëm të grupit të zjarrit, qoftë edhe për interesin më të vogël momental. Dhe këtë pabesi nuk e korrigjon dot drejtësia, as ajo e vjetra e Saliut, as kjo që kanë ngritur vetë.
OPINION
Rrethimi i tretë i shqiptarëve!
Shkrime
Shkopi dhe karota, emisari Escobar i kursyer në vendime
Pas lajmit se Miroslav Lajçak, i dërguari i posaçëm i BE-së për dialogun ndërmjet Beogradit dhe Prishtinës, po largohet për një detyrë tjetër, shumë u habitën nga lajmi se Gabriel Escobar , i cili, ashtu si Lajçak, nuk do të shihet më në Beograd dhe Prishtinë në rolin e të dërguarit special të SHBA-së për Ballkanin Perëndimor, pasi sipas DASH, po shkon në një tjetër mision.
Deri më tani nuk dihet nëse dhe kush së bashku me pasardhësin e Lajçakut, Borut Pahor, në periudhën e ardhshme do të tentojnë që në emër të Amerikës të normalizojnë marrëdhëniet Beograd-Prishtinë, por gjithsesi rezultatet e Escobar-it mund të analizohen.
Milica Andriç Rakiç, drejtore e programit të Iniciativës së Re Sociale nga Mitrovica Veriore, kujton se në fushatën parazgjedhore, administrata e Biden premtoi se do të mbështeste rolin kryesor të BE-së si ndërmjetëse në dialog, dhe ata vazhdimisht i qëndruan asaj.
“Fokusi më i madh i ‘gjeneralit’ amerikan në dialog ishte pozita e komunitetit serb në Kosovë përmes formimit të asociacionit, por nuk pati rezultate të prekshme, gjë që zyrtarët e Departamentit të Shtetit e pranuan hapur. SHBA-të kanë humbur një partner në Kosovë me qeverinë e Albin Kurtit dhe kjo ndikon ndjeshëm në aftësinë për të zbatuar vizionin e tyre për një Kosovë evropiane. Escobar ka qenë prej kohësh fytyra e strategjisë dhe kontributit të SHBA-së në dialog, por, ashtu si ndërmjetësi kryesor Lajçak, ishte i kufizuar në marrjen e vendimeve, si për karotat, ashtu edhe për shkopinjtë” – e përshkruajti ajo për median serbe ‘Danas’.
Sipas saj, si rezultat, dialogu në vend që të ishte një mjet për rregullimin e marrëdhënieve ndërmjet Kosovës dhe Serbisë, u shndërrua në një aparat zjarrfikës dhe tani dalëngadalë po bëhet burim i zjarreve dhe krizave të reja.
“Në mënyrë që roli i SHBA-së, pra i dërguari i saj, të ishte më efektiv, duhet të kishte vullnet që SHBA-të të përfshiheshin më shumë në dialog, në vend që të uleshin në dhomën tjetër teksa negociatat vazhdonin, por SHBA-të, nga respekti për partnerët e saj evropianë dhe BE-në, nuk e bënë këtë, të paktën administrata e Biden. Kjo është arsyeja pse emërimi i mundshëm i pasardhësit të Escobar do të varet ndoshta nga vlerësimi i Departamentit të Shtetit nëse në hierarkinë ekzistuese dhe kompetencat e të dërguarit ai ose ajo mund të kontribuojë në dialog më shumë se disa nga pozicionet e përhershme në Byronë për Evropën dhe Euroazinë” – vlerësoi Andriç Rakiç.
Dhe studiuesi i Rrugës së Tretë të Re, Dragoslav Rašeta, theksoi se për momentin nuk ka as informacione të besueshme dhe as thashetheme se kush mund të jetë i dërguari i ri special për Ballkanin Perëndimor, në radhë të parë për shkak se administrata Biden, për shkak të balancës së pushtetit ndërmjet Demokratëve dhe republikanëve në Senat dhe në Komisionin e Punëve të Jashtme të Senatit, kanë pasur shumë probleme me vendosjen e diplomatëve gjatë tre viteve të mëparshme.
Ai i tha Danasit se ndoshta do të duhet pak kohë derisa të gjendet një kandidat që do t’i përshtatet të dyja palëve.
Sipas mendimit të tij, që nga emërimi i Escobarit, është bërë përparim i dukshëm në normalizimin e marrëdhënieve ndërmjet Beogradit dhe Prishtinës, edhe pse nuk ka pasur përparim në muajt e fundit. Kjo është arsyeja pse ai beson se performanca e Escobar shihet me sy të mirë në Uashington, edhe pse ai nuk arriti t’i shtyjë të dyja palët në vijën e finishit.
Milija Biševac, një nga themeluesit e Lëvizjes Popullore Serbe në Kosovë, theksoi se dialogu ndërmjet Beogradit dhe Prishtinës aktualisht është në nivelin më të ulët. Sipas tij, tensioni në marrëdhënie ka nisur dy vite më parë, menjëherë pas shpërthimit të luftës në Ukrainë dhe ardhjes në pushtet të Albin Kurtit në Prishtinë.
“Edhe pse në opinion ka teori të ndryshme që kanë të bëjnë me shkarkimin e tij dhe madje disa skandale që kanë të bëjnë me korrupsionin, fatkeqësisht gjatë përfshirjes së tij në dialog nuk kemi parë shumë rezultate sepse politika e ushtruesit të detyrës së kryeministrit në Prishtinë është ekstreme dhe e mbyllur ndaj ndikimeve të jashtme, madje edhe ndaj SHBA-së. Sigurisht, zgjedhja e një të dërguari të ri mund të ndryshojë shumë gjëra në vetë dialogun, por edhe në marrëdhëniet në të gjithë Ballkanin Perëndimor, të cilat janë mjaft të acaruara” – deklaroi Bishevac.
Shkrime
Një opozitë që kërkon ndihmë nga Edi Rama për të mundur Erion Veliaj
Nga Mero Baze
Ka një lutje publike të opozitës për Edi Ramën, që së paku tu jap një mundësi të ndjehen të fituar ndaj Erion Veliaj, meqë qeverinë se mundin dot.
Për këtë I janë turrur fjalimit të Edi Ramës rreth reformave që duhen ndërmarrë kundër korrupsionit në shtetin shqiptar, dhe po përpiqen ta përkthejnë si fjalim kundër Erion Veliaj. Disa nxjerrin pikat e fjalimit që as socialistët si kanë mbajtur aq mirë shënim dhe I identifikojnë me Veliaj.
Të tjerë shpikin dhe gjëra që Rama si ka thënë dhe prap I identifikojnë me Veliaj. Madje për ta bërë më të plot konspiracionin, e ilustrojnë dhe me dokumente të dal nga ministritë, që dhe ato të quhen që I ka nxjerr Edi Rama kundër Erionit. Ata kanë në dorë dhe thuajse gjithë numrat e protokolleve të ministrive që janë marrë me inceneratorët dhe shpjegojnë dhe çfarë kanë pasur në mendje ministra të ndryshëm kundër Erionit.
Pra 24 orë pas thirrjes së Edi Ramës, për opozitën që tu bashkohet reformave kundër korrupsionit në administratë shtetërore, I vetmi përkthim që opozitarët duan ti bëjnë thirrjes është që ai tu jap kokën e Erion Veliaj.
Mënyra se si po e përkthen opozita, nuk tregon atë që ka në mendje Edi Rama, por atë që ka nevojë opozita. Dhe opozita duket se ka nevojë urgjente që Edi Rama ti jap një dhuratë meqë nuk po ja dalin dot. Madje jo që nuk po ja dalin, por sheshi para bashkisë, ka përditë me më pak se 50 vet dhe e vetmja gjë që rritet është dendësia e njerëzve të inkriminuar të cilët nuk kanë alternativë tjetër.
Në këtë pikë dëshpërimi I opozitarëve është dhe më I thellë, pasi edhe pse hedhin Molotov dhe thërrasin gjithë banditët para bashkisë, përsëri ndjehen të pafuqishëm dhe kërkojnë ta vrasin Erion Veliaj me dorë të Edi Ramës.
Nëse lexon mediat kryesore të opozitës prej dje deri më sot, duket që Edi Rama është ylli polar I tyre, idhulli I tyre që mund ti shpëtoj nga humnera ku kanë rënë duke ua hequr Erion Veliaj. Nuk kanë asnjë shpresë tjetër. Me sa duket as nga SPAK nuk shpresojnë më përveçse nga Edi Rama.
Në fakt fjalimi I Edi Ramës nuk ka ndonjë ofertë personale dhe as ndonjë identikit të korruptuari , por ngre nevojën alarmante që administrata e shtetit shqiptar të krijoj kulturën e përballjes me ligjin dhe të jetë e pavarur nga lidershipi politik.
Nuk di nëse i gënjen apo tallet dikush nga brenda pushtetit të Edi Ramës, apo e kanë instiktive këtë reagim, por nëse ka një rrugë që e bën me imunitet dhe më të fort politik Erion Veliaj, përfshi dhe nga Edi Rama , është kjo rruga që ka zgjedhur opozita që ti kërkoj si nder Edi Ramës kokën e Erion Veliaj për llogari të tyre.
Mirë është të gjejnë diçka më kreative që të paktën të duket sikur arrijnë dhe vet ndonjë gjë se nuk mund të shtynë gjithë jetën në opozitë duke kërkuar leje nga Edi Rama. Edhe për të vrarë Erion Veliaj.
Shkrime
Serbët pa busull, nuk duan të dalin nga tuneli
Nga Zheljko Ivanoviç
“Rroftë përgjithmonë Serbia” – Kështu tha Millosh Vuçeviç, kryeministri i ri serb, i cili nuk premton për mirë, duke gjykuar nga përvoja e Ballkanit në tërësi. Duket se makina mori tatëpjetën ose iku në të kaluarën në vend të së ardhmes.
Serbia ka arritur në pikën e sotme fundore, pa detin që e ka pasur ëndërr kaq shumë kohë, siç vërejti me të drejtë kryeministri i porsaemëruar, por jo për shkak të të ashtuquajturit Vojisllav Koshtunica, i cili i shtoi atij mozaiku vetëm një guralec, por për shkak të themeluesit të politikës së vitet 1990. Atëherë elita politike dhe intelektuale serbe, me mbështetjen e plotë të Kishës Ortodokse Serbe, në vend të demokracisë dhe anëtarësimit në BE, zgjodhi projektin e Serbisë së Madhe, një koncept antievropian dhe siç doli, edhe një koncept antiserb, një kamp në të cilin duhej të jetonin të gjithë serbët e botës, siç besonin dhe ëndërronin të rinjtë në atë kohë, mes të cilëve edhe aktivisti i shquar I partisë së Sheshelit, tani kryeministër i Serbisë, Millosh Vuçevië” – kështu shkruan gazetari dhe aktivisti malazez I të drejtave të njëriut, Zheljko Ivanović në një rubrikë për ‘Vijesti’.
Diskutimet dhe replikat e kryeministrit të ri të Serbisë tregojnë se edhe pas tre dekadash e gjysmë dhe katër luftërave të humbura, zyrtarët në Beograd nuk e kuptojnë pse në vend të daljes në det, atyre në fakt iu duhet një dalje nga tuneli anti-qytetërues ku po rrinë me dekada.
“Në fakt, Serbia pas luftrave mbeti jo vetëm pa dalje në det por edhe pa sy në ballë, pra gjysmë verbër” – ka shkruar Ivanović duke potencuar: – Asgjë nuk kuptoj as Aleksandër Vuçiç pas rënies së komunizmit dhe shembjes së Murit të Berlinit, se Serbia, si shumica e vendeve të tjera të Bllokut Lindor, duhej të futej në krahët e Perëndimit, pra demokracisë, institucionet e forta, mediave te pavarura. E njëjta gjë është edhe sot, edhe pse kanë kaluar dekada, ata nuk e kanë të qartë se ku është vendi i tyre dhe cili është drejtimi i lëvizjes” – shkruan Ivanović……………………………
Kjo është arsyeja pse ata janë ulur në tre karrige për 12 vjet. Në vend të rrugës evropiane, përsëri po dredha-dredha nëpër një botë të re serbe, duke ëndërruar sërish për një shtet të madh, ata enden pa busull. Por befasia nuk qëndron te Vuçeviç, pasi ai është një lojtar i dorës së dytë në ndeshjen e madhe të udhëhequr nga mjeshtri Vuçiç. Janë të kota për të miliarda investime dhe të qënit një ‘tigër ekonomik’ në Ballkan, kur Serbinë e ka kthyer prapa në çdo aspekt, aq sa Beogradi sot rrezaton më toksik se në vitet ’90, kur bëhet fjalë për institucionet e kapur, dhe kur shikon propagandë të pamëshirshme, dhe kur dëgjon kuvendin serb, dhe kur analizon se si duket dialogu në një shoqëri ku kryeministri i fundit i rradhës, bashkë me paraardhësen Brnabiç i përshkruan rregullisht disidentët politikë, gazetarët e pavarur dhe disa politikanë evropianë si gënjeshtarë, hajdutë dhe derra. Nga këto rezulton se Serbia kurrë nuk ka qenë më radikale se sa është sot, dhe ky është problemi i saj më i madh – se është larg një shoqërie normale dhe të denjë dhe jo se është larg daljes në det. Elita serbe do vazhdojë të jetë në konflikt me botën normale dhe demokratike për fajin e saj, edhe pas refuzon Rezoluten për Srebrenicën në Kombet e Bashkuara dhe Kosovën në Këshillin e Evropës. Është thjesht e pabesueshme se si Vuçiç dhe të gjitha kukullat e tij nuk e kuptojnë se duke mohuar apo trilluar krime nga e kaluara e afërt, ata vetë janë fajtorë më të mëdhenj për faktin se Rezoluta për Srebrenicën erdhi në agjendën e OKB-së. Ballafaqimi me të kaluarën, pa zbardhur dhe falsifikuar fakte dhe ngjarje, është themeli i botës dhe qytetërimit modern” – shkruan gazetari malazez Zheljko Ivanović në një rubrikë për ‘Vijesti’.
OPINION
‘Kryeministri i shikon vartësit si minj’/ Reagim i fortë nga Endi Tafani
-
Pinknews9 hours ago
‘Mos ma lërë seen të lutem…”/ Ronaldo Sharka publikon bisedën e Erjolës dhe Romeos
-
Pinknews8 hours ago
Ka qenë e lidhur me Romeon? Motra e Erjolës zbulon të vërtetën!
-
Rajon6 hours ago
“Na pret edhe një luftë tjetër”/ Dodik trondit me deklaratën e tij
-
Pinknews8 hours ago
TRONDITËSE/ Këngëtarja Teuta Selimi dhunohet nga bashkëshorti dhe vëllai i saj
-
Kronike8 hours ago
Vetëvr*asjen e Almës dhe tre fëmijëve/ Kukulla e fëmijës ndryshon pistën e hetimit, çfarë ndodhi?
-
Politike7 hours ago
Berisha paraqitet në Parlament/ Reagojnë socialistët: Kjo është fyerje…
-
Pinknews5 hours ago
E nxorri i ati prej “Grande Fratello-s”?/ Ja si qëndron e vërteta e Heidit
-
Pinknews4 hours ago
‘O zot të lutem…’/ Akuzoi për ngacmim seksual Meritonin dhe Julin, Ilnisa sulmon Eglën