Nga Ardit Rada

“Nuk më kërcet për SPAK-un”, tha Ilir Meta! “Nuk më rruhet as për burgun”, e prefeksionoi e shoqja e cila na dha padashje detaje që s’do donim t’i dinim. Përtej shakave, çifti që shprehet se i ka ngrirë marrëdhëniet do të mbetet edhe për disa kohë kryefjalë e aktualitetit politik me shpresën e shumicës që të përfundojnë në kronikën e zezë. Ka një pakicë njerëzish që i duartrokasin kur flasin për brisqet, si ata që mbanin shënimet kur Ilir shqyente krahët me susta. Njësoj si idhujt e Kim Jong-unit në Korenë e Veriut që nxjerrin citate në çdo takim me liderin suprem.

Ilir Meta sot është kapur pas një gruaje 100-vjeçare që e ka pagëzuar si “nënë Selvia”. Është befasuar Ilir Meta se plaka në fjalë merr 57 mijë lekë të vjetra në muaj dhe kjo i ka diktuar edhe programin e partisë. Për ata që s’e dinë, qeveria e Sali Berishës dhe Ilir Metës e katandisën pensionin e ish-kooperativistëve në pikën minimale, por prap as kjo s’është e vërteta e plotë. E vërteta është që pensionet në Shqipëri rriten aq sa rriten, modestisht me 2,3 apo 6 mije lekë të vjetra në vit. Dhe ditën që Ilir Meta ishte zevëndëskryeministër i Sali Berishës dhe ministër i Ekonomisë, nënë Selvia i bie ta ketë patur pensionin nja 23 mijë lekë të vjetra. Unë nuk dua të publikoj shifra e tabela sesi kanë evoluar pensionet e shqiptarëve sepse asgjë s’e justifikon ekonominë e dobët apo të brishtë që kemi, apo skemën e tyre.

Por e vërteta është që nënë Selvia ka dalë në pension në kohën e Ramiz Alisë dhe pensionet apo pagat nga ajo ditë veç janë rritur. S’ka ndodhur ndonjëherë të thotë shteti i cilësdo partie: Këtë vit ju që merrni 100 mijë, do jua bëjmë 57. Ndaj dhe Ilir Meta me gjasë nga viti 2011 e mbrapa ka qenë i urryer nga nënë Selvia kur e kishte pensionin sa gjysma e 57 mijë lekshit, ndërsa ai numëronte lekët me Dritan Priftin dhe vetë u bë ministër pensionesh. Domethënë ministër Ekonomie pas Priftit. E megjithatë, prap duhet vërtetuar nëse është pension pleqërie, pension i parakohshëm apo ndihmë ekonomike ajo e zonjës në fjalë.

Problemi i Ilir Metës është se nuk i njeh pensionistët e zakonshëm dhe të vetmit pensionistë që njeh nga afër është vjehrra e tij milionere. Kapja e tij pas nënë Selvies s’është luftë si e Robin Hudit, por tentativë për të marrë votat e të moshuarve që përbëjnë një pjesë të konsiderueshme të elektoratit. Siç fliste pro Enver Hoxhës ndërsa qeveriste me Berishën, apo hapnin me forcë derën e Varrezave të Dëshmorëve kur veteranëve ua mbyllte presidenti i tij bashkëqeverisës, Bujar Nishani.

Ilir Meta tha dy ditë më parë se kishte gabuar që s’mori postin e ministrit të Brendshëm dhe zv.Kryeministrit, por rendi pas karrierës për kryetar Kuvendi e President. E vërteta që di shumica është krejt tjetër: Ilir Meta mori të gjitha ministritë ku qarkullonte paraja, në një kohë kur shteti s’kishte dixhitalizim dhe drejtësi të reformuar e informaliteti ishte ende i lartë. Goditja e pandëshueshmërisë që kërkonte Edi Rama, kushtëzohej nga Ilir Meta si pjesë e koalicionit. Gjithashtu kishte ende kapo të “drejtësisë” njerëzit e tij: Adriatik Llallën, Xhezair Zaganjorin etj. Ndërsa LSI përveç ministrive si Infratruktura, Shëndetësia, Drejtësia, Mjedisi etj., mori edhe të gjitha agjencitë si AKBN e naftës dhe minierave apo drejtimin e Hipotekës, OSSH e korrentit etj. Që të kuptoni pse qarkullonte paraja në ministritë që kërkoi Iliri, mjafton të kujtoni se Infrastruktura bën rrugët, urat, HECe etj. Shëndetësia po dihet, nga ilaçet e rimbursueshme tek doktorët e drejtorët e spitaleve. Drejtësia ka burgjet dhe Hipotekën dhe Mjedisi leje shfrytëzimi e ndërtimi. E të tjera, e të tjera! Sqarime këto për ata që rendin pas të “të vobektit” që mendoi për mirën e Atdheut në ato momente.

Kur Saimir Tahiri u largua edhe si pjesë e kushteve të Ilir Metës, ky i fundit s’e kërkoi si post as për vete e as për të tijët ministrin e Brendshëm. Ndërsa karrierën sesi u bë Kryetar Kuvendi e President e dimë po prap shumë mirë sesi e pranoi në limitet e kohës kushtin e Gramoz Ruçit . Sepse askush s’e prek një president në botë, sado honorifik të jetë ai. Ndaj Ilir Meta pasi u pasurua, nuk e kërkoi më pas pushtetin për CV, por si imunitet t’u mbrojtur. Se fundja, çfarë rëndësie ka sot kjo CV që deklaroi te Çimi si ambicie dhe sakrificë te madhe? Për t’u bërë kryetar i Tedi Blushit dhe Silva Cakës? CV të tilla i duhen dikujt që mund të kërkojë kreun e NATO-s, presidentin e PE apo qoftë edhe rektor në ndonjë universitet në vend apo kryetar i Akademisë së Shkencave pasi ka dalë në pension. Por jo! S’i bën punë kurrësesi CV-ja e pasur një deliranti që e nis ditën duke ngjitur një hekur dhe këtë e quan sport. Apo një paraziti që s’i ka thënë kurrë punës ‘Bismilah’, që s’ka dhënë kurrë një leksion në jetë para ndonjë auditori, që të vetmen herë që preku libër me dorë në fakt doli që ishte defter pazaresh dhe për këtë defter vrau edhe 4 ‘kokëpalarë’ e plagosi qindra të tjerë.

Së fundmi, Ilir Meta, Sali Berisha dhe e shoqja që ka vendosur të mos e rruajë kanë hedhur fishekzjarre kur në krye të SPAK u zgjodh Altin Dumani. Pasi kishin kaluar një periudhë mjalti me Arben Krajën, zgjedhjen e Dumanit e quajtën fitore të madhe. Unë mendoj se qoftë edhe në banaqet televizive nuk ka injorantë apo njerëz me sklerozë, por shpirtzinj. Po aq të zinj se Sali Berisha, Ilir Meta dhe ajo tjetra me lesh.

Të gjithë e dinë se zgjedhja e Altin Dumanit u duartrokit si triumf mbi kanditaturën e Edvin Kondillit, që të gjithë thonin se ishte i mbështetur nga Edi Rama. Por askush s’e thotë këtë të vërtetë, sepse sot kanë zgjedhur seksin me mullixhiun.

Me rëndësi është që e kanë kuptuar se si me Obamën, si me Trump e si me Biden, për Amerikën mbeten të shenjëstruarit kryesorë për një lugë çorbë të prishur që mund të kenë gëlltitur dikur (edhe pse në fakt kanë lëpirë edhe fundin e kusisë sa herë kanë mundur).

Ndaj sot që Altin Dumani ka zgjedhur Perëndimin përballë “bllokut të Lalëzit” vijnë edhe shfaqjet e tilla herë qesharake e herë shqetësuese për klimën që kërkojnë të krijojnë këta dashnorë të Belerit e Gruevskit.

Megjithatë, këto më sipër janë disa fjalë që mund t’i rrëmoni edhe në arkivat e internetit për t’i vërtetuar nëse kanë ndodhur kështu. Por tani për qytetarët duhet e vërteta e SPAK-ut: A i rruhet atij për drejtësi kur bie fjala për Monikën dhe Ilirin?

Nëse po, në Lalëz ndodhet një vilë me 11 tualete dhe me propabilitet do të gjejë brisqe se s’bën!

Fjalori i Metës ndaj kreut të SPAK, Dumani ka shokuar jo pak opinionin publik. Disa e gjejnë shkakun te gjendja mendore e rënduar sipas tyre e Metës, por duket se sjellja e tij ka të bëjë drejtpërdrejt më procesin e hetimeve dhe mundësinë e arrestimit.

Një ish-zyrtar afër Metës i tha gazetës DITA se dalja publike e tij ka patur për qëllim të frikësojë dëshmitarët dhe ata që kanë dijeni mbi aferat për të cilat po heton SPAK.

“Iu drejtua Dumanit, por nuk e kishte me Dumanin. Thjesht e përdori për tu treguar atyre që janë lëkundur dhe atyre që kanë dëshmuar kundër tij, të tërhiqen. Duke goditur Dumanin tenton t’u heq atyre sigurinë që do shpëtojnë pa pasoja dhe se Dumani sot është, nesër nuk është pasi ky “e shkrin edhe nga burgu”. Ndaj e tha shprehjen; që ata të kenë frikë edhe nëse arrestohet, pra të mos thellohen dëshmitë kundër tij, por të frenohen. Duhet të jepte një provë publike force, për t’u mbyllur gojën dëshmitarëve” – tha burimi në fjalë.

Në maj 2022 gazeta më e madhe në Austri, “Kronen Zeitung” publikoi një artikull mjaft kompromentues për çiftin Meta. Artikulli nis me dëshminë e një personi të cilin gazeta nuk e identifikon, por e përshkruan si një ish-person afër Metës, që aktualisht është fshehur në Vjenë, ku ka kërkuar mbrojtje.

Artikulli përmend edhe shumat e mëdha të paguara për disa ndërhyrje kirurgjikale estetike që ka bërë bashkëshortja e Metës, Monika Kryemadhi.

“Lotët i rrjedhin nëpër faqe, duart i dridhen, zëri i dridhet. Frika e tij është e dukshme, gjatë një takimi me “Krone” në një vend sekret. Ai erdhi në Austri për shkak të frikës së një atentati. Ajo që tregon në prani të disa avokatëve të njohur vjenezë, të bën të ndalesh dhe të mendosh. Provat që ai ka, mund të tronditin peizazhin politik të Shqipërisë.

Presidenti Ilir Meta ka mbajtur jo pak poste në karrierën e tij. Ai themeloi partinë Lëvizja Socialiste për Integrim, të cilën e drejtoi deri në vitin 2017. Ka qenë kryetar i Parlamentit për disa vite dhe është President i Republikës që nga viti 2017.

Përgjatë viteve qarkulluan flukse parash, burimin e të cilave dëshmitari e përshkruan nga veprime “thellësisht të korruptuara”.

Më 20 janar 2017, Meta ndau një foto të tij dhe një kolegeje partiake në inaugurimin e Donald Trump. Për të fituar akses në inaugurimin dhe zyrtarët republikanë, ata lobuan me zell përmes një kompanie guaskë qipriote. Kostoja: 700,000 dollarë.

Deri më sot, është e paqartë se kush e ka paguar këtë shumë. Vetë Meta pretendon se është ftuar nga republikanët. Por sipas disa dokumenteve hetimore amerikane, 700,000 dollarët kaluan nga një jurist i afërt me Metën përmes kompanisë offshore “Dorelita Limited”.

Pak javë para inaugurimit u lidh një kontratë mes palës LSI dhe kompanisë, e cila parashikonte pjesëmarrjen në inaugurim. Pas kësaj, Meta u bë, president. Duke qenë se lobimi me pagesë është i vështirë për t’u menazhuar në një pozicion si ky, kontrata u ndërpre.

Por u lidh menjëherë një kontratë të re me “Dorelitën”, e cila nuk ka asnjë aktivitet biznesi. Në listën e tyre të dyshimtë të shpenzimeve: 50 mijë euro në muaj për takime me senatorë amerikanë, darkë, udhëtime dhe me sa duket edhe operacione estetike për zonjën Meta, Monika Kryemadhin, e cila mori kryesimin e LSI-së nga bashkëshorti i saj. Në çdo rast, akuzat rëndojnë dhe prezumimi i pafajësisë vlen për çiftin politik…”

Kush është “dëshmitarja e Vjenës”

Po kush është “dëshmitari që ka kërkuar strehim në Vjenë dhe di shumë për Metën dhe bashkëshorten” që ka folur me gazetën austriake? Në fakt nuk është mashkull. Bëhet fjalë për një femër.

“Dëshmitari me të cilin ka folur gazeta e madhe austriake KRONE është bashkëshortja e ish-kreut të DIA, Kastriot Ismailaj, aktualisht në burg” – i tha redaksisë së gazetës DITA në kohën e publikimit austriak, një burim afër studios ligjore të përfshirë në procesin e Arbitrazhit në Vjenë.

Znj.Vojsava Ismailaj, ka qenë të paktën dy herë në qendër të vëmendjes publike në Shqipëri dhe në një intervistë në 2019 ajo tha se ndihej e kërcënuar nga z.Meta, të cilin e akuzon si personin që nxiti burgosjen e bashkëshortit të saj.

Arrestimi dhe dënimi i Kastriot Isnailaj lidhet me atë që njihet në publik si skandali CEZ-DIA, por Ismailaj është gjithashtu personi i përgjimit të denoncuar kohë më parë, ku dyshohet se Meta kërkonte 200 mijë euro për fushatë.

Vojsava Ismailaj, e cila është larguar tashmë nga Shqipëria, është marrë gjithashtu në pyetje nga Prokuroria, në kuadër të një hetimi të hapur pas deklaratave të ashpra publike mes Ilir Metës dhe Tom Doshit mbi një “komplot për vrasje”.

Vojsava dhe Kastrioti kanë qenë miq të ngushtë familjarë me Ilirin dhe Monikën, më pas nisën armiqësitë dhe komplotet.

Në maj 2019, pas largimit nga Shqipëria ajo dha një intervistë, në të cilën ndër të tjera thoshte:

-Zonja Vojsava përse keni vendosur të largoheni jashtë Shqipërisë?

Jam larguar nga Shqipëria, sepse pas arrestimit të bashkëshortit tim, Kastriotit, jam ndjerë e kërcënuar dhe e rrezikuar nga pushteti, d.m.th njerëz të veshur me pushtet. Çështjet për të cilat ai po hetohet janë madhore, janë çështje ku janë përfshirë dhe përfolur emra shumë të pushtetshëm të politikës shqiptare dhe unë si bashkëshortja e tij kam ndjerë se ne si familje mund të jemi të rrezikuar nga presione të njerëzve të pushtetshëm që nuk do të dëshironin që Kastrioti të sqaronte shumë detaje gjatë hetimeve që po kryhen ndaj tij.

Ka pasur direkt dhe indirekt kërcënime. Persona të njohur të mi dhe të Kastriotit, më kanë thënë: Kastrioti të tërhiqet nga Arbitrazhi që të lirohet. Ky është kërcënimi që ka ardhur në mënyrë indirekte, direkt më kanë kërcënuar persona të panjohur për jetën time dhe të djalit tim, më kanë ndjekur dhe ruajtur gjatë gjithë kohës persona të ndryshëm, kudo ku unë shkoja, para shtëpisë etj.

Në dijeninë tuaj, cila është arsyeja që prokuroria rinisi hetime, të cilat i kishte pushuar më parë?

Për Kastriotin, por edhe për mua, ishte e qartë se ngritja e këtyre akuzave dhe rifillimi i hetimeve ndaj Kastriotit, pasi hetimet ndaj tij ishin pushuar 3 herë në të shkuarën, kishin si qëllim vetëm ta sulmonin, për shkak të arbitrazhit të filluar në Vjenë.

Pra, Kastrioti duhej penguar me çdo kusht në vijimin e arbitrazhit, jo vetëm për shkak të shumës së kërkuar, por kryesisht për shkak të informacioneve që po dilnin gjithmonë e më shumë gjatë procesit të arbitrazhit. Avokatët e të dyja palëve kishin filluar të paraqisnin gjithmonë e më shumë detaje para Gjykatës së Arbitrazhit dhe me sa duket kjo duhej të ndalonte, pasi përfshiheshin persona të pushtetshëm.

Kur flisni për persona të pushtetshëm, siç e keni përmendur edhe më parë, për kë e keni fjalën konkretisht? A mund të përmendni ndonjë emër?

Mund të përmend Presidentin e Shqipërisë zotin Ilir Meta, i cili ishte një ndër personat e interesuar drejtpërdrejtë që zhurma rreth të ashtuquajturës “afera CEZ” në Shqipëri, të shuhej. Kjo e lidhur me aktivitetin e tij kur ka qenë ministër i Jashtëm apo edhe ministër i Ekonomisë.

Kastrioti për shkak të aktivitetit të tij të hershëm, jashtë Shqipërisë kishte lidhje dhe miq në të gjitha anët e botës. Ilir Meta, por edhe të tjerë janë përpjekur vazhdimisht t’i shfrytëzojnë këto lidhje për të nxjerrë përfitime. P.sh lidhja e Kastriotit me CEZ në Pragë, është krijuar falë lidhjeve të tij dhe jo ndikimit të politikanëve shqiptarë.

Këta të fundit kanë qenë ata, Ilir Meta në mënyrë të veçantë, që kanë shfrytëzuar lidhjet e Kastriotit, për të krijuar ata më pas lidhje me persona të rëndësishëm të biznesit apo edhe të politikës. Kështu ka ndodhur edhe me rastin e CEZ-it.

Kastrioti e kishte mik Ilir Metën dhe deri në fund të vitit 2012 marrëdhëniet e tij me Ilir Metën kanë qenë tepër të ngushta. Qysh në kohën para se të bëhej Kryeministër apo dhe person i rëndësishëm në politikë, Ilir Meta dhe bashkëshortja e tij, Monika, shpesh herë vinin në shtëpinë tonë.

Kemi kaluar shumë dreka dhe darka së bashku: Ilir Meta i kishte forcuar lidhjet me Kastriotin që në kohën e krijimit të FRESH-it. Kastrioti kishte ndërmjetësuar edhe pajtimin e Ilir Metës me Fatos Nanon dhe ky është një fakt i njohur publikisht.

Për t’ju rikthyer historisë së CEZ-it, po sjell vetëm një shembull: ka qenë pikërisht Ilir Meta, që pasi kishte realizuar uljen e çmimit të energjisë, i kërkonte Kastriotit që t’u kërkonte çekëve që ta shpërblenin atë, pra Ilirin, me pretendimin se ai i kishte bërë të fitonin miliona euro.

Gjyqi që nuk ndodhi kurrë

Pas artikullit në gazetën austriake “Krone Zeitung”, Meta doli në një konferencë për media, ku tha se akuzat janë të pavërteta dhe se do hidhte gazetën në gjyq.

“E kam parë atë shkrim pa emër për presidentin e një vendi, që nuk është gjë tjetër por një ripërtypje në publik e disa shpifjeve në publik dhe të bëra nga revista Father Jonson. Pasi kam marrë pjesë si kryetar i Kuvendit, bashkë me Vasilin, me ftesë. Gjithçka është e verifikueshme dhe për shkak të kamerave. S’kemi asnjë lidhje me atë mashtrim. Ata thonë ka qenë Ilir Meta atje dhe ka paguar 700 mijë dollarë, për të bërë foto me Trump.

Kemi njoftuar ambasadën austriake këtu, kam njoftuar dhe ambasadorin tonë në Vjenë. Po të mos isha President i Republikës nuk do t’i padisja, sepse shpifje të tilla ju dëgjoni çdo ditë. Por ata do të shkojnë në gjyq dhe ka garë të madhe mes avokatëve të ndryshëm në Vjenë për të më përfaqësuar në këtë gjyq. Do keni mundësi të ndiqni etapat. Do t’i nxjerrë me emër të gjithë ata që kanë mashtruar jo thjesht gazetën. Do ta bëj për dinjitetin e postit që përfaqësoj. Siç kemi fituar gjyqe në Itali, do ta fitoj dhe në Austri”, deklaroi Meta.

Por asnjë padi nuk u bë dhe asnjë gjyq nuk u zhvillua.

Vojsava Ismailaj, ndër tre dëshmitë kryesorë të SPAK ndaj Metës

SPAK ka administruar tre dëshmi shumë të rëndësishme që implikojnë Ilir Metën në aferën CEZ-DIA, të cilën e ka hetuar vetë Dumani. Kreu i SPAK ka shkuar personalisht në burgun e Fierit për ti marrë dëshminë Kastriot Ismailajt, ish-mik dhe bashkëpunëtor i Metës, më pas akuzatori kryesor i tij, bashkë me gruan, që tashmë është larguar nga Shqipëria, pasi ka deklaruar se është kërcënuar nga Meta.

Sipas medias, tre dëshmitë kryesore kundër janë të Elvis Matës, drejtor ekzekutiv e kompanisë DIA, me pronar Kastriot Ismailaj, një nga ish-njerëzit më të besuar të Ilir Metës. Dëshmia tjetër është Vojsava Ismailajt, gruaja e Kastriot Ismailaj, e cila ka rrëfyer se pas kësaj afere fshihet Meta dhe Kryemadhi. Dëshmia tjetër është e Jozef Hisekut, ish shef i CEZ në Pragë për Shqipërinë.

Këto dëshmi implikojnë Ilir Metën dhe tek këto është bazuar një urdhër arresti i pritshëm ndaj Ilir Metës. (DITA)

Gazetarja e medias serbe Danas, Lidija Valtner ka shkruar mbi dezinformatat e tabloidëve që kontrollohen nga presidenti serb Aleksandër Vuçiç dhe lajmet e tyre me pompozitet kundër Kosovës në KiE. Megjithatë ajo tha se loja e bixhozit të Vuçiçit nuk e ndihmon Serbinë në “mbrojtjen e Kosovës”

Sipas gazetares së Danasit, Kosova bëri një hap të rëndësishëm drejt anëtarësimit në Këshillin e Evropës pothuajse në përvjetorin e pranimit të Serbisë në atë organizatë ndërkombëtare në prill të vitit 2003.

Pas votimit në Asamblenë Parlamentare të Këshillit të Evropës, anëtarët e qeverisë nga SNS, me ndihmën e tabloidëve, pompuan urrejtjen dhe zemërimin e tyre të akumuluar ndaj Evropës dhe evropianëve që guxuan të mbështesin Prishtinën dhe atë që ata e cilësojnë si “regjimi i Albin Kurtit, i cili po kryen spastrimin etnik të serbëve dhe që “dëshiron ta kthejë popullin serb të Kosovës në skllevër”.

“Një ditë turpi. Gozhdë në arkivolin e së drejtës ndërkombëtare. Skandal. Tapet i kuq për shtetin fallco të Kurtit”- janë vetëm disa nga titujt e lajmeve mbi votimin në Strasburg, ku nga 171 të pranishëm, 131 deputetë votuan “pro“, 29 “kundër” dhe 11 prej tyre abstenuan. Dhe votimi nuk u bazua në përkatësinë e një vendi anëtar të Këshillit të Evropës, përfshirë ata që nuk e njohin pavarësinë e Kosovës, por sipas përkatësisë partiake në familjet e mëdha politike evropiane.

“Turma e delegacionit serb ishte aq e madhe sa Biljana Pantiç Prlja mori qortim dhe ndaj saj u referua Kodi i Sjelljes për arsye të gjuhës së përdorur ndaj raportueses greke Bakoyannis. Ky ishte imazhi që Serbia i ka dërguar botës prej vitesh, me fjalor të pompuar me ndjenja negative dhe zemerim për gjithçka, nga politika e deri tek gjërat më të përditshme” – ka shkruar Valtneri.

Tani Vuçiçi, sipas saj , po lë të kuptohet për një “fitore të re të madhe për Serbinë” me shpresën për të shtyrë ndoshta votimin për pranimin e Kosovës më 16 maj në Komitetin e Ministrave, e gjitha kjo falë Francës, e cila mund të insistojë në përmbushjen e obligimit të Prishtinës zyrtare për aaociacionit të komunave serbe.

Nëse ndodh diçka e tillë, kjo do shitet si lajm i madh se Vuçiç bëri një “marrëveshje të mirë” me presidentin frqncez Emmanel Macron disa javë më parë në Paris.

Edhe pse argumenti i Serbisë për Asociacionin është i bazuar, në rrethanat e “prishjes së së drejtës ndërkombëtare me të cilën fuqitë e mëdha bëjnë ç’të duan” dhe që Vuçiç vazhdimisht tërheq vëmendjen, ai e di shumë mirë se përderisa ka pranuar marrëveshjen e Bruksel në shkurt të vitit të kaluar, pas së cilës qëndron e gjithë BE-ja dhe SHBA-ja, loja e tij mund të konsiderohet një bllof……………………………

Loja e bixhozit të Vuçiçit, reagimi në vend të veprimit, serbizmi, plani me Dodikun për kuvendin e madh të 5 dhe 6 majit për Serbinë e Madhe dhe shfryrja e inatit për rezolutën për Srebrenicën e Serbisë, nuk e ndihmon, por gjithsesi ia forcon pushtetin.

Këshilli i Evropës i tha Vuçiçit, në një seri raportesh të Brukselit, të ndalojë së minuari themelet e demokracisë, të vendosë shtetin e së drejtës, të merret me korrupsionin në parti, të çlirojë mediat… ndoshta do ta forconte pozitën e Serbisë në “luftën për Kosovën” më shumë se të gjitha marrëveshjet e tij në prapaskenë.

Në fund të fundit, a mendoni vërtet se anëtarësimi i Kosovës në Këshillin e Evropës do të jetë i keq për serbët në Kosovë? – ka pyetur gazetarja serbe e Danas.

Nga Mero Baze

Nuk kam informacione nëse SPAK ka çuar ndonjë dosje në Gjykatë për masë sigurie për Ilir Metën, siç spekulohet dhe justifikohet arsyeja pse ai sot u shfytyrua para opinionit publik. Nuk jam as kurioz nëse do ketë ndonjë proces penal ndaj tij. Aq më pak nëse do ketë masë sigurie me burg.

Nuk më shkakton ndonjë ndjenjë gëzimi burgosja e politikanëve, në kuptimin e vuajtjeve fizike.

Për një politikan është shumë e rëndësishme të shikohet se si përballon betejat dhe sfida të tilla siç janë ato me drejtësinë. Në gjithë botën, ky është një standard me të cilën politikanët lënë gjurmë në historinë e një vendi.

Ndaj edhe për udhëheqësit më të rëndësishëm të vendit tonë, siç ka qenë Ilir Meta, President, kryeministër, kryetar Kuvendi dhe deputet prej vitit 1992, apo siç ka qenë Sali Berisha President dhe kryeministër, e vetmja gjë e rëndësishme është se si përballen me ata me fundin e historisë së tyre.

Ka mjaftuar fakti që SPAK ka nisur hetimet për Ilir Metën që ia të shfytyrohet në atë formë dhe të paraqes para shqiptarëve, një njeri banal, me probleme të rënda psikike, një gojështhurur ordiner, dhe mbi të gjitha një politikan frikacak të dorëzuar para betejës me drejtësinë.

Një politikan serioz nuk I trembet drejtësisë, por përballet me të, qoftë dhe nëse ajo është e padrejt, çka nuk është rasti I tij. Gjatë diktaturës komuniste dhjetëra politikan antikomunistë apo disident janë përballur me gjyqe të diktaturës që u kanë shqiptuar dënimin me vdekje dhe kanë mbajtur kokën lart. Jo se kishin vjedhur, por se mendonin ndryshe. Madje dhe Vojo Kushi që ai ka qejf të krahasoj veten, nuk jemi të qart si e kishte fundin, por mbi tank vdiq, pa u bërë qesharak.

Ti lëmë të gjitha mënjan , të mos diskutojmë fajësinë apo pafajësinë e tij, të mos diskutojmë seriozitetin apo profesionalizmin e zotit Dumani, por të shikojmë se kush na ka qeverisur, dhe si përfundon në përballjen e tij të fundit me drejtësinë.

Për të gjithë ata që thonë apo duan të thonë se Ilir Meta po dënohet politikisht, ai ka mbaruar punë me dënimin politik. Nëse vërtet mendoni se SPAK po heton politikisht Ilir Metën, nuk ka nevojë të vazhdoj le ta ndërpresë hetimin se ai e ka marrë dënimin politik me këtë shfytyrim që i ka ndodhur.

Drejtësia atë e ka vrarë pa shkrepur asnjë fishekë.

Politikisht Ilir Meta ka mbaruar punë vetëm me frikën nga përballja me drejtësinë dhe shfytyrimin e tij publik, që bën me turp këdo që ka mbështetur atë apo ka besuar një moment se Shqipëria është në duar të sigurta kur e drejtonte ai.

Nëse vërtet dikush beson se SPAK ka pas qëllime politike kundër Ilir Metës ato tani I ka realizuar me ndihmën e Ilir Metës. Ky, ashtu si dhe Sali Berisha, provuan se u vetëvranë para s të shkonin në atë betejë që pretendojnë se është politike. Njëri nga maja e penxheres e tjetri maj hekurave çdo ditë, provojnë një degradim të dhimbshëm të dy prej udhëheqësve më të rëndësishëm të tranzicionit shqiptar, të cilët ne besonim se do mbronin Shqipërinë , por ata u vetëvranë ende pa u përballur me betejën  e fundit te jetës së tyre politike, atë me drejtësinë.

Ka qindra politikanë në botë që beteja me drejtësinë u ka dhënë hijeshi, I ka bërë popullorë madje dhe kur janë dënuar, pasi kanë ruajtur dinjitetin dhe burrërinë për tu përballur me të. Këta janë rasti I kundërt, kur vetëm ideja se do përballen me drejtësinë i ka bërë paranojak, të çmendur, banal, qesharak, dhe mbi të gjitha I ka bërë fajtorë në sytë e gjithë shqiptarëve, jo vetëm për ato çfarë kanë bërë, por mbi të gjitha por atë çfarë kemi besuar se kanë qenë.

Dy tigra prej letre që u lagën dhe u grisën duke bërë shurrën në pantallona prej drejtësisë. Ende pa folur ajo.