Rama “përgëzon” SPAK: Lufta kudër korrupsionit e ekuilibruar, pa parë “djathtas apo majtas”

Kreu i qeverisë, Edi Rama ka përgëzuar punën e SPAK, duke thënë se ka krijuar në Shqipëri shembullin se lufta kundër korrupsionit është diçka që shkon shumë përtej fjalëve. Gjatë intervistës së tij live për Euronews, Rama u shpreh lufta kundër korrupsionit ështe e ekulibruar dhe pa parë “djathtas apo majtas”.

Në këtë kontekst Kryeministri Rama tha se pranon mbështetje dhe partneritet, por nuk jo leksione nga askush kur vjen puna te korrupsionit.

“Shqipëria po bën diçka unike në rajon, reformën tonë në drejtësi dhe njohjen nga ana jonë të pavarësisë së drejtësisë. Veprimtaria e plotë e SPAK ka krijuar praktikisht në Shqipëri shembullin se lufta kundër korrupsionit është diçka që shkon shumë përtej fjalëve dhe sipërfaqes, shkon shumë thellë dhe është tejet e ekuilibruar pa parë djathtas apo majtas. Më shumë fakte që tregojnë se ajo çka kurrë nuk kishte ndodhur në Shqipëri që prej pavarësisë deri shumë pak vite më parë, po ndodh vitet e fundit. Një gjë që asnjë vend në rajon nuk mund të pretendojë se e ka bërë. Në këtë moment, ne pranojmë mbështetje, partneritet por nuk pranojmë leksione nga askush kur vjen puna te korrupsionit”, tha Rama.