Refreni i protestës dhe Belindi/ Rama nuk merret me problemet, por me personazhet

Deputeti i PD-së, Belind Këlliçi, e vlerësoi protestën që sot ishte në ditën e 26-të.

Ai veçoi faktin që sulmohet në këtë lloj forme çdo person që lexon kërkesat ndërkohë që nuk ka përgjigje për kërkesat.

“Kjo protestë e tanishme, ndryshon nga çdo protestë që është bërë.

Nga mënyra e dhënies së mesazheve, këndi i fëmijëve, është një gjë brilante.

Protesta nuk ka ardhur duke u rrudhur. Fakti që në ditën e 26 ka masivitet, ka shumë të rinj, ka energji, gjë që është sinjal shumë i mirë për shoqërinë shqiptare.

Në tërësi fakti që sulmohet në këtë lloj forme çdo person që lexon kërkesat ndërkohë që nuk ka përgjigje për kërkesat, tregon problemin e madh që ka qeverisja aktuale që nuk merret me problemet, por me personazhet”- tha Këlliçi.