Armando Broja po mendon seriozisht të ndajë rrugët me Chelsean në fund të sezonit. Pas një periudhe të gjatë “shtegtimesh”, sulmuesi shqiptar e ka kuptuar se te Blutë e Londrës te gjesh hapësira është një mision i vështirë.

Aktualisht Broja luan te Fulham si i huazuar dhe do të kthehet te Chelsea në verë, por si duket vetëm përkohësisht. Për lojtarin e Kombëtares ka interes nga klube të ndryshme, por duhen parë me detaje ofertat, të cilat për të bindur gjigandët anglez, duhet të jenë të kënaqshme

Numri një i stolit të Dortmund, Edin Terzic doli në konferencë para aktit të dytë gjysmëfinal në Champions ndaj PSG.

“Dy skuadrat u përballën edhe në fazën e grupeve dhe në Parc des Princes u mbyll 2-0 për vendasit. “Ne nuk ishim të kënaqur me ndeshjen këtu në Paris. Në atë kohë ne nuk kishim folur ende me njëri-tjetrin dhe po përpiqeshim të kuptonim diçka, kështu që morëm një qasje mbrojtëse”

“Kemi pasur shumë biseda. Para ndeshjes plani dukej mjaft i mirë, por ekzekutimi nuk ishte i mirë. Na mungonte guximi. Javën e kaluar në Dortmund treguam se mund të bëhet në një mënyrë krejtësisht tjetër”, shtoi ai.

“Nëse kemi arritur deri këtu, duam të bëjmë edhe më mirë dhe të shkojmë deri në fund për të fituar titullin. Kemi një ëndërr të madhe dhe mezi presim ta realizojmë atë. Ajo që bëmë javën e kaluar mund të mos jetë e mjaftueshme. Ajo që nuk na pëlqeu ishte se kishim katër lojtarë që mbroheshin kundër Mbappé. Ne gjithashtu e dimë se ata do të bëjnë më mirë nesër, kështu që duhet të gjejmë ekuilibrin që nuk e kishim javën e kaluar” – Tha ai,

Serzh Gnabri nuk ka asnjë diskutim se Bajern Mynih do të sigurojë kualifikimin në fushën spanjolle. Ai e ka vendosur theksin te shfrytëzimi i rasteve.

Flet sulmuesi – “E dinim se nuk do të ishte aspak e lehtë transferta në Shtutgart. Ata kanë krijuar grup shumë kompakt si në kundërsulme, ashtu edhe në mbrojte. I përgëzoj për guximin. Mendoj se ishim të barabartë në fushë, të paktën deri në minutën e 75′. Në fund humbëm përqendrimin dhe pësuam golat.

Kemi marrë me vete elemente pozitive, pavarësisht rezultatit. Mënyra sesi ekipi u soll në kushte jo normale ndaj Shtutgartit më pëlqeu. Ndonëse u evidentuan mungesa të rëndësishme në reparte të caktuar, ia dolëm të mbanin linjë konstante, e cila ndryshoi rrjedhë vetëm në minutat e fundit. Ndeshja me Realin është në derë dhe pres që ekipi të mos fal asnjë rast përpara kuadratit mik.

Humbëm disa shanse të arta shënimi duelin e parë. Saktësia do të jetë kryefjala karshi madrilenëve. Jam i sigurt se do të zgjidhim çështjen e kualifikimit me fitore në Spanjë”, përfundoi Serzh Gnabri.

Marco Verratti mund të kthehet menjëherë në Europë, pas vetëm një viti “mërgim”. Pas 11 sezonesh te PSG, mesfushori italian praktikisht u detyrua të transferohej tek Al Arabi për 45 milionë euro. Një zgjedhje e detyruar për 31-vjeçar, i bërë dalje nga Luis Enrique dhe i harruar nga klubet evropiane, të cilët hezitonin ta merrnin prej pagës së tij të lartë.

Megjithatë, ish-lojtari i Pescara mund të kthehet në Kontinentin e Vjetër, madje përmes derës së përparme. Sipas “Mundo Deportivo”, ai i është ofruar Barcelonës. Një objektiv shumë i dëshiruar i Blaugranëve në vitin 2017, kur transferimi dukej i kryer, por në fund ai mbeti në Paris.

Verratti tani do të duhet të pranojë ulje të konsiderueshme të pagës, edhe nëse Barça nuk po mendon vetëm për të. Emra të tjerë janë në listë: Martin Zubimendi (Real Sociedad), Joshua Kimmich (Bayern Munich), Douglas Luiz (Aston Villa).

Të gjithë këta janë në “radarin” e Deco prej disa kohësh, madje edhe një i njohur i Serie A, Marcelo Brozovic, sot tek Al Nassr. Verratti këtë sezon ka luajtur 17 nga 22 ndeshjet e mundshme në “Katar Stars League”. Skuadra e tij Al-Arabi është vetëm e pesta në renditje, 18 pikë larg nga vendi i parë, i mbajtur prej Al Rayyan.

Vetëm gjatë një ndeshje, atë të Inter Miami ndaj New York Red Bulls, që përfundoi me fitoren 6-2 të vendasve, sulmuesi argjentinas shënoi një gol dhe dhuroi pesë asiste, duke u bëri i pari lojtar që e arrin një statistikë të tillë në futbollin profesionist.

Lionel Messi është bërë i pari lojtar në historinë e futbollit që ka arritur statistikën e 1200 gola +asist (833 gola dhe 372 asiste në 1058 ndeshje), ndërsa sa i përket vitit 2024 në 11 ndeshje argjentinasi ka shënuar 12 gola dhe ka dhuruar 11 asiste./ Supersport