Dy tentativa për t’i marrë jetën/ Trump akuzon Biden dhe Harris

Ish-presidenti Donald Trump ka fajësuar presidentin Joe Biden dhe zv/presidenten Kamala Harris për ‘retorikën’ e tyre, e cila sipas tij nxiti atentatin e dytë të dështuar ndaj tij.

Ish-pesidenti foli me Fox Newstë hënën, një ditë pasi një person i armatosur tentoi ta qëllonte në fushën e tij të golfit në Palm Beach, Florida .

Trump tha se vrasësi i mundshëm i besonte retorikës së rivalëve të tij politikë.

“Ai i besoi retorikës së Biden dhe Harris dhe ai veproi sipas saj”, tha Trump për personin e armatosur.

“Retorika e tyre po bën që të qëlloj kundër meje, kur unë jam ai që do të shpëtoj vendin, dhe ata janë ata që po e shkatërrojnë vendin – si nga brenda ashtu edhe nga jashtë”, vazhdoi Trump.

Kandidati presidencial i republikanëve vuri në dukje komentet e Biden dhe Harris duke e akuzuar atë si një “kërcënim për demokracinë” dhe pretendoi se ata janë “njerëz që duan të shkatërrojnë vendin”.