Greqia mbyll shkollat fillore dhe kopshtet, rritet frikshëm numri i të vdekurve dhe të infektuarve nga COVID

Rëndohet situata në Greqi, ku vijon të ketë rritje të numrit të viktimave dhe të infektuarve.

Mësohet se në 24 orët e fundit janë regjistruar 3038 raste të reja me koronavirus si dhe 38 pacientë kanë ndërruar jetë.

Po ashtu bëhet e ditur se aktualisht 336 persona ndodhet në intubuar.

Ndërkohë, që numri në total i rasteve me COVID-19 ka shkuar në 69675. Kujtojmë se deri më tani nga ky virus kanë humbur jetën 997 persona.

Rritja e rasteve ka bërë që qeveria të mbyllë edhe shkollat fillore dhe kopshtet.

Greqia do të marrë më shumë se 25 milionë doza vaksinash kundër Covid-19 përmes marrëveshjeve të nënshkruara nga Bashkimi Evropian me kompanitë farmaceutike. Sipas autoriteteve, dërgesat e para priten në fillim të 2021. Kryeministri Mitsotakis ka deklaruar se vaksina do t’u jepet falas gjithe qytetarëve grekë.