Rama: Ose e bën Partia Socialiste Shqipërinë Europë, ose…

Në deklaratat e tij, Rama u ndal te marrëdhëniet e Shqipërisë me botën dhe procesi i integrimit europian, duke dhënë mesazhe politike për drejtimin e vendit në vijim.

“PS, duan apo s’duan ata që s’duan, është partia që mund të krenohen sot për faktin e thjeshtë se i ka ngritur kokën shqiptarëve në të gjithë botën. Pasi për ne, respekti është çështje reciprociteti. Ne mund të jemi një vend i vogël dhe jemi një vend i vogël, ne mund të mos jemi dhe nuk jemi ende një vend i pasur. Por sado të mëdhenj dhe sado të pasur janë ata me të cilët ne ndodhemi në hapësirën e përbashkët në marrëdhëniet ndërkombëtare, ne i shohim me respekt dhe pretendojmë prej tyre vetëm respekt. Ose e bën PS Shqipërinë Europë, ose Europa nuk e merr kurrë Shqipërinë”, tha Rama.