Bota
Më shumë se një vit në luftë me Izraelin, Palestina gati për një marrëveshje armëpushimi
Izraelitët dhe palestinezët po sinjalizojnë përpjekje të reja drejt një marrëveshjeje armëpushimi qoftë edhe të kufizuar, për herë të parë që prej një viti.
Ministri i Mbrojtjes i Izraelit, Israel Katz, i tha homologut të tij amerikan Lloyd Austin në një telefonatë të mërkurën se tani ekziston një shans për një marrëveshje të re që do të lejonte kthimin e të gjithë pengjeve, përfshirë qytetarët amerikanë, tha zyra e zotit Katz.
Optimizmi i përmbajtur po shprehet ndërsa këshilltari i sigurisë kombëtare i Presidentit të Shteteve të Bashkuara Joe Biden, Jake Sullivan shkon në Izrael për bisedime me kryeministrin Benjamin Netanyahu të enjten dhe më pas në Egjipt dhe Katar, që ashtu si SHBA po luajnë rol ndërmjetës për një marrëveshje.
Ndërkohë Presidenti i zgjedhur Donald Trump ka kërkuar që militantët e grupit palestinez të Hamasit të lirojnë pengjet e mbajtura në Gazë përpara se ai të marrë pushtetin nga Biden më 20 janar. Përndryshe, zoti Trump ka thënë se ata “do ta paguajnë shtrenjtë”.
Izraeli thotë se 100 pengje vazhdojnë të mbahen në Gazë. Shtatë besohet se janë shtetas amerikanë./ VOA
RENEA në Shkodër, nga banesa e Safet Bajrit morën 19 mijë euro, i sekuestruan telefonin e gruas
Debate në Kuvend për mandatin e Xhaçkës/ PD: Të kalojë në Kushtetuese. PS: Foli “Venecia”
“Sterilizimi” në GJKKO/ Beqaj ankohet: Hashim Thaçin e lënë me kompjuter para, unë…
Vjedhja e 45 mijë m2 tokë te Gjiri i Lalzit, GJKKO pranon gjykim të shkurtuar për ‘Rrumin e Shijakut’
I dënuar me 10 vite burg, Gjykata e Lartë rrëzon rekursin e “Eskobarit të Ballkanit”
E pazakontë/ Vodhën 5 lopë në Levan, arrestohet 59-vjeçari me djalin e tij
Hetimi pasuror i SPAK/ Ajola Xoxa dhe Arbër Veliaj ankimojnë kontrollet e ushtruara nga BKH
