Vaksina kundër Covid, Rama premton: Falas për të gjithë, do ta blejmë sapo të jetë e aksesueshme

Kryeministri Edi Rama foli sot për vaksinën Pfizer që garanton 90% mbrojtjen nga Coronavirus.

Ai tha në Real Story se deri më tani asnjë qeveri në botë nuk e ka marrë, sepse akoma nuk është e aksesueshme.

Kreu i qeverisë shtoi se edhe qeveria shqiptare ka bërë gati fondin për të blerë vaksinën në momentin që do të dalë.

“Asnjë qeveri nuk ka blerë asgjë, kanë vendosur fond në dispozicion, siç kemi bërë dhe ne. Në momentin që vaskina bëhet e aksesueshme ta blejnë, edhe ne këtë kemi bërë, të njëjtën gjë, ta blejmë sapo të dalë.

Do të jetë falas për të gjitha shtresat” tha Rama.