FRIKA/ VUÇIÇ ANKOHET TE ERDOGAN

Presidenti i Serbisë, Aleksandar Vuçiç në takimin që ka zhvilluar me homologun e tij turk, Rexhep Taip Erdogan ka hedhur akuza të rënda për paktin ushtarak mes Kroacisë, Shqipërisë dhe Kosovës. Duke folur për këtë aleancë ushtarake Presidenti serb tha se ajo përbën një kërcënim për Serbinë dhe popullin serb.

“Nuk është çështje ndërtimi fabrikash, është bashkëpunim ushtarako-teknik dhe ajo për të cilën po flasim është një aleancë ushtarake. Kur takohen shefat e shtabeve nuk flasin për prokurime, por për strategji dhe taktikat e veprimit ushtarak” – theksoi Vucic
Në fjalën e tij gjithashtu ai u përpoq t’ia impononte edhe liderit turk pikëpamjen e tij për këtë fakt.
Ai shtoi se i tha Erdoganit se po “shikonte me ankth të madh se si kjo aleancë po fiton vrull ushtarak”.
“Gjeneralët tanë janë të vetëdijshëm…, ne nuk do të sulmojmë askënd, nuk do të hyjmë në aleanca, do të qëndrojmë neutralë, por po e forcojmë ushtrinë” – potencoi presidenti serb