LETRA E VELIAJT NGA QELIA, HAJDARI: AS I PAPUNE NUK JAM, AS KAM ENDERRUAR, LARG QOFTE, TE ME PUNESOJE LALI ERI

Arbër Hajdari ka reaguar pas përmendjes së emrit të tij në letrën e publikuar nga kryebashkiaku i Tiranës, Erion Veliaj, i cili pretendon se kryeministri Edi Rama i ka kërkuar të heqë dorë nga drejtimi i Bashkisë së Tiranës dhe t’ia delegojë atë Hajdarit.

“Unë nuk kam lidhje me këtë histori penale-politike dhe as jam i papunë, as kam ëndërruar ndonjëherë të më punësojë, larg qoftë, Lali Eri!”, shkruan ai.

Hajdari shton se fundjavat i kalon pranë njerëzve në nevojë, ndërsa ironizon diskutimet politike që, sipas tij, janë të mbushura me thashetheme.

Reagimi i tij vjen pasi Veliaj publikoi një letër, në të cilën pretendon se Rama i ka vendosur tri kushte: të pranojë përfshirjen në organizimin e protestave studentore, të heqë dorë nga Bashkia e Tiranës në favor të Arbër Hajdarit dhe të mos këshillohet më me Plarent Ndrecën.

Nga ana tjetër, ministri i Drejtësisë, Toni Gogu, ka konfirmuar takimin me Veliajn në burgun e Fierit, por ka mohuar mesazhet që i janë atribuuar në raportimet mediatike. Ai ka deklaruar se vizita ishte pjesë e detyrës së tij institucionale.