Greqia nuk gjen qetësi, përsëri mbi 100 vdekje në 24 orët e fundit nga Covid

Greqia ka regjistruar përsëri mbi 100 vdekje në ditë nga Coronavirus. 102 pacientë kanë humbur jetën në 24 orët e fundit dhe në total numri i viktimave ka shkuar gati 3200.

Edhe numri i të intubuarve mbetet sërish në të njëjtat nivele, përsëri rreth 600 pacientë po trajtohen me anë të respiratorëve.

Për të katërtën ditë rrjesht numri i të prekurve mbetet nën 1500 raste dhe numri i përgjithshëm i personave të infektuar me Covid nga fillimi i pandemisë ka shkuar në 118045.

Kryeministri Mitsotakis ka thënë se vaksina kundër Covid do të mbërrijë në Greqi në fund të dhjetorit dhe vaksinimi do të fillojë më 2 janar, ndërsa ka shtuar se ai dhe familja e tij do të jeën të parët që do të vaksinohen.