Connect with us

Kronike

Finalizohet me sukses operacioni antidrogë i koduar “Hamili”

Published

on

Fier
Vijon puna intensive dhe kontrolli masiv i territorit, për parandalimin, evidentimin dhe goditjen e veprimtarisë kriminale në fushën e kultivimit dhe prodhimit të kanabisit.
Finalizohet me sukses nga Seksioni për Hetimin e Narkotikëve në DVP Fier, operacioni antidrogë i koduar “Hamili”.
Sekuestrohen armë, drogë dhe municion luftarak.
Vihen në pranga 4 shtetas dhe procedohet penalisht një tjetër.
Në vijim të punës për goditjen e veprimtarisë kriminale në fushën e narkotikëve, specialistët e Seksionit për Hetimin e Trafiqeve të Paligjshme dhe Narkotikëve në DVP Fier, pas informacioneve të marra në rrugë policore dhe një hetimi disajavor, kanë bërë të mundur finalizimin me sukses të operacionit policor antidrogë të koduar “Hamili”, në kuadër të të cilit u bë kapja dhe arrestimi në flagrancë i shtetasve:
R. (D). B., 57 vjeç, banues në Hamil, Fier (organizatori i kësaj veprimtarie kriminale).
S. K., 38 vjeç, E. K., 33 vjeçe, E. K., 31 vjeçe, banuese në Ndermenas, Fier.
Gjithashtu u procedua penalisht dhe një shtetase tjetër.
Shërbimet e Policisë, në bazë të hetimeve të kryera dhe informacionit të grumbulluar kanë ushtruar kontroll në banesën e shtetasit R.(D). B, në fshatin Hamil, ku kanë kapur dhe arrestuar në flagrancë shtetasit e lartpërmendur.
Gjatë kontrollit të kryer në banesë, shërbimet e Policisë gjetën dhe sekuestruan në cilësinë e provës materiale 100 kg lëndë narkotike të dyshuar cannabis sativa në proces tharjeje, 1 automatik me 2 krehra dhe 310 fishekë, 2 freskuese që shërbenin për tharjen e bimëve narkotike, 1 pres metalike që shërbente për presimin dhe paketim e lëndës narkotike, 7 palë gërshërë, 1 motoçikletë me targa të falsifikuara e trafikuar nga jashtë vendit, 4 aparate celularë, si dhe disa bimë të dyshuara narkotike të kultivuara në ambientin përreth banesës së 57-vjeçarit.
Materialet procedurale i kaluan Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e lëndëve narkotike”, “Kultivimi i bimëve narkotike”, “Mbajtja pa leje e armëve dhe e municionit luftarak” dhe “Trafikimi i mjeteve motorike”.

Kronike

Shpati Lena dhe Hakim Xhezo që u vranë sot ekzekutuan ‘Arbenin e Çeçesë’

Published

on

By

Gjatë ditës së sotme në mbikalimin e Panajasë në Vlorë, në një atentat me armë zjarri mbetën të vdekur dy persona.

Mësohet se të ndjerit janë Agim Xhezo dhe Shpati Lena.

Të dy viktimat nuk janë emra të njohur për policinë.

Agim Xhezo është vëllai i Eduart Xhezos i cili bashkë me viktimën e sotme, Shpati Lena, në vitin 2019 vranë për një kalë biznesmenin Arben Beqiraj.

Ky i fundit u qëllua në lokalin e tij me disa plumba në trup, ndërkohë qe policia shpalli në kërkim për këtë ngjarje 34-vjeçarin Eduart Xhezo dhe tre bashkëpunëtorët e tij përfshirë Shpatin.

Asokohe Xhezo, pas një konflikti që kishte pasur me biznesmenin dhe të birin e tij, është kthyer për t’u hakmarrë duke qëlluar në drejtim të tyre me breshëri automatiku.

Shkak i ngjarjes u bë kalimi i Xhezos me kalë para biznesit të tij.

Continue Reading

Kronike

Atentati në Vlorë, u qëlluan me 60 plumba nga një makinë në ecje

Published

on

By

Një atentat i rëndë ka ndodhur mëngjesin e sotëm në mbikalimin e Panajasë, në Vlorë, ku kanë mbetur të vdekur 2 persona dhe 1 i plagosur. Viktimat udhëtonin me një mjet tip “Ford”, ndërsa mësohet se janë ndjekur nga autorët teksa kanë qenë në lëvizje.

Dyshohet së atentati ka qenë i mirëorganizuar dhe është bërë nga tre persona, të cilët kanë ndjekur dhe vëzhguar makinën që po udhëtonin viktimat, më pas i janë afruar paralel dhe kanë qëlluar me breshëri plumbash, mbi 60 të plumba kallashnikovi.

Dyshohet se autorët kanë qenë një në rolin e shoferit te automjetit dhe dy në rolin e qitësit. Pak minuta pas ngjarjes, në afërsi të Levanit është gjetur dhe një mjet i djegur, që dyshohet se u përket autorëve të atentatit.

Sakaq, pritet që të sekuestrohen disa kamera sigurie, pasi dyshohet se autorët e kanë ndjekur mjetin e viktimave për një itinerar të gjatë.

Continue Reading

Kronike

Vrasja në Vlorë, gjendet makina e djegur e autorëve

Published

on

By

Një makinë e djegur është gjendur në Frakull të Fierit dhe dyshohet se është e autoreve të vrasjes në Vlorë.

Dyshohet se dy persona kanë mbetur të vrarë në autostradën Vlorë-Levan, pranë mbikalimit të Panajasë. Sipas burimeve, ata janë qëlluar teksa ishin në lëvizje me kallashnikov.

Continue Reading

Kronike

Atentat në Vlorë, dy të vdekur dhe një i plagosur

Published

on

By

Rendohet bilanci i atentatit të ndodhur mëngjesin e sotëm në mbikalimin e Panajsë, në Vlorë, ku pas të shtënave me armë, kanë mbetur dy të vdekur dhe një i plagosur.

Persona ende të paidentifikuar, kanë qëlluar me armë zjarri në drejtim të një makine, ku dyshohet se udhëtonin viktimat dhe i plagosuri.

Sakaq është gjetur dhe një mjet i djegur në afërsi të Levanit., që dyshohet se u përket autorëve. Policia  ndodhet në vendin e ngjarjes, ndërsa po punohet për zbardhjen e plotë të saj.

Të shtëna me armë zjarri raportohen të kenë ndodhur pak minuta më parë në mbikalimin e Panajsë. Nga informacionet paraprake, dyshohet se kanë mbetur të vrarë dy persona.

Mësohet se persona ende të paidentifikuar, kanë qëlluar me armë zjarri në drejtim të një makine, ku dyshohet se udhëtonin dy persona.

Policia  ndodhet në vendin e ngjarjes, ndërsa po punohet për zbardhjen e plotë të ngjarjes.

Continue Reading

Kronike

Arrestohen dy vëllezërit, detaje nga vrasja në Sarandë

Published

on

By

Është arrestuar Xhanelo Tarja, 24-vjeç, autori i vrasjes me thikë të 41-vjeçarit Klodian Bakiaj, pasditen e sotme në Sarandë. Po ashtu në pranga ka rënë dhe vëllai i tij, Xhoi Tarja, që sipas policisë rezulton bashkëpunëtorë në ngjarje.

Po ashtu ka rënë në pranga dhe punëdhënësi i 2 autorëve të dyshuar, pasi tentoi të fshihte ngjarjen.

Kujtojmë  se ngjarja e rëndë ndodhi në Sarandë, ku mbeti i vdekur një 41-vjeçar. Klodian Bakiaj është qëlluar me thikë nga 24-vjeçari Xhanelo Tarja.

Sherri ka ndodhur pasi Bakiaj ka parkuar makinën para lokalit ku punonte si kamarier Tarja, i cili më pas e ka qëlluar me thikë.

Njoftimi policisë:

Goditën me thikë 41-vjeçarin, i cili ndërroi jetë në spital, si pasojë e dëmtimeve të marra, Policia vë në pranga 2 autorët e dyshuar.

Në pranga dhe punëdhënësi i 2 autorëve të dyshuar, pasi tentoi të fshihte ngjarjen.

Shërbimet e Komisariatit të Policisë Sarandë, me marrjen e njoftimit për ngjarjen e ndodhur në lagjen nr.1, Sarandë, organizuan punën për identifikimin dhe kapjen e autorëve. Si rezultat i reagimit në kohë dhe i veprimeve të shpejta hetimore në vendngjarje, u bë e mundur identifikimi i autorëve të dyshuar.

Falë ndjekjes së pandërprerë të autorëve të dyshuar, pas disa orësh kërkimesh, shërbimet e Policisë kapën dhe arrestuan 2 autorët e dyshuar, shtetasit:

-Xh. T., 24 vjeç dhe Xh. T., 18 vjeç (vëllezër), të dy banues Laç dhe të punësuar përkohësisht në Sarandë, për veprat penale “Plagosja e rëndë me dashje”, me pasojë vdekjen, kryer në bashkëpunim dhe “Prodhimi, mbajtja, blerja apo shitja pa leje e armëve të ftohta”.

Këta 2 shtetas, në bashkëpunim me njëri-tjetrin, dyshohen se mbrëmjen e djeshme, në rrugën “Lefter Kalo”, në lagjen nr.1, Sarandë, pas një konflikti të çastit, për motive të dobëta, për një vend parkimi në afërsi të hotelit, ku ishin të punësuar vëllezërit, kanë goditur me mjet prerës (thikë), shtetasin K. B., 41 vjeç, banues në Tepelenë, i cili si pasojë e dëmtimeve të marra, ndërroi jetë në spitalin e Sarandës.

Gjithashtu, nga shërbimet e Komisariatit të Policisë Sarandë është bërë arrestimi në flagrancë i shtetasit G. A., 41 vjeç, administrator i hotelit ku ishin të punësuar 2 autorët e dyshuar, për veprat penale “Moskallëzimi i krimit” dhe “Veprime që pengojnë zbulimin e së vërtetës”, pasi nuk ka pranuar të tregojë rrethanat e kësaj ngjarjeje për krimin e kryer nga punëtorët e tij, si dhe ka kryer veprime për fshehjen e provave në lidhje me këtë ngjarje.

Materialet iu referuan Prokurorisë pranë Gjykatës së Shkallës së parë Sarandë, për veprime të mëtejshme.

Continue Reading
Advertisement
Advertisement

TRENDING